Uchta farzandi prezident maktabiga kirgan ota-ona onlayn guruhimiz haqida: "Bu guruhda oʻrgangan bilimlari Abduvohidga katta yordam berdi. Rahmat sizga, ustoz!" beb yozadi.

2026-yil bitta kichik guruhimning o'zidan olti nafar o'quvchi prezident maktabiga qabul qilindi. Shulardan biri Azimboyev Abduvohid bo'lib, u bir yil davomida onlayn darslarimizda imtihonning so'ngi vaqtlarigacha faol ishtirok etgan edi.

Abduvohid onlayn tarzda ham, oflayn tarzda ham ta'lim olgan. Ammo, uning eng katta ustunligi oiladagi muhit, ota-onaning farzandlari ta'limiga yuksak darajada e'tibori bo'lgan. Qizig‘i shundaki, Abduvohidning ikki nafar akasi ham Prezident maktabiga qabul qilingan. Endi esa u ushbu oilaning Prezident maktabida tahsil olayotgan uchinchi vakili bo‘ldi. 👏 Bu juda kamyob holat.

O'quvchimiz haqida Nukus prezident maktabi telegram kanalida video e'lon qilinibdi. Abduvohidning keyingi o'qishlarida ham omad va zafarlar tilab qolamiz.

👉👉 t.me/pmtests

📚 2026–2027-o‘quv yilidagi ONLAYN DARSLAR haqida

PMTESTS jamoasi ustoz Asrorbek Jumanazarov boshchiligida 2020-yildan buyon onlayn darslar tashkil etib kelmoqda. Shu davr mobaynida 4000 ga yaqin o‘quvchi bizning darslarimizda ta’lim oldi.

Endilikda 6 yillik tajriba asosida 2026–2027-o‘quv yili uchun onlayn darslar dasturimiz yanada takomillashtirildi.

🚀 Bu yilgi darslarning asosiy farqi nimada?
🔹 Darslar maxsus platformada olib boriladi.
Bu orqali o‘quvchining darsdagi ishtiroki, natijalari va rivojlanish jarayonini yanada to‘liq nazorat qilish imkoniyati yaratiladi.
🔹 Har bir o‘quvchining individual natijasi kuzatib boriladi.
O‘quvchining kuchli va kuchsiz tomonlari, har bir mavzuni o‘zlashtirish darajasi hamda bajargan topshiriqlari tizimda qayd etib boriladi. Ota-onalar ham farzandining natijalari haqida muntazam ma’lumot olib boradilar.
🔹 Sun’iy intellekt yordamida individual tavsiyalar.
Tizim o‘quvchining xatolarini tahlil qilib, qaysi mavzularga ko‘proq e’tibor qaratish kerakligi bo‘yicha tavsiyalar beradi. Shu orqali o‘quvchi o‘zining aynan qaysi kamchiliklari ustida ishlashi kerakligini aniq bilib boradi.
Biroq texnologiya ustozning o‘rnini bosmaydi. Barcha jarayon kuchli ustoz va mentorlar tomonidan nazorat qilib boriladi.

📖 Qanday kurslar mavjud?

✅ Math-Up — matematika kursi
3–4-sinf o‘quvchilari uchun mo‘ljallangan. Matematika fanini chuqur o‘rganish, asosiy tushunchalar, formulalar va ularni amaliyotda qo‘llash bo‘yicha mustahkam bilim bazasini shakllantirishga qaratilgan.

✅ Turbo tayyorlov — tezkor matematika kursi
Matematikadan ma’lum darajada bilimga ega bo‘lgan 4-sinf o‘quvchilari uchun. Kurs Prezident maktabi imtihonidagi matematika savollarining asosiy yo‘nalishlarini qamrab oladi.

✅ Tanqidiy fikrlash
Prezident maktabiga tayyorlanayotgan 4-sinf o‘quvchilari uchun. Savollarni tahlil qilish, mantiqiy bog‘lanishlarni aniqlash va to‘g‘ri xulosa chiqarish ko‘nikmalarini rivojlantirishga qaratilgan.

✅ Muammoli masalalar
Prezident maktabi asosiy imtihonida uchraydigan mantiqiy, muammoli va matematika masalalarini yechish ko‘nikmalarini shakllantiruvchi muhim kurslardan biri.

🗓 Darslar qachondan boshlanadi?

Kurslar 15-sentabrdan boshlanadi.
Darslar ikki xil formatda tashkil etiladi:
💻 Jonli Zoom darslari
🎥 Tayyor yozib olingan videodarslar
Har bir mavzu bo‘yicha maxsus testlar va ularning yechimlari ham berib boriladi.

Videodarslar barcha kurslar bo‘yicha dekabr oyigacha platformaga joylab boriladi.
Jonli darslar esa yil davomida quyidagi tartibda tashkil etiladi:
📌 Sentabr – dekabr: Math-Up
📌 Dekabr – yanvar: Turbo tayyorlov
📌 Fevral – mart: Tanqidiy fikrlash
📌 Aprel – may: Muammoli masalalar
📌 Iyun – iyul: O‘tilgan mavzularni takrorlash, imtihon formatidagi blok testlar va kompleks tayyorgarlik.

🎯 Maqsadimiz — shunchaki dars o‘tish emas, balki har bir o‘quvchining natijasini kuzatib, uning kamchiliklarini aniqlash va bosqichma-bosqich rivojlantirish.

2026–2027-o‘quv yilidagi onlayn darslarimizga qabul boshlandi.
👉 Batafsil ma’lumot va ro‘yxatdan o‘tish:
t.me/pmustoz

«Ota-onamning “Prezident maktabiga aniq kirasan” degan gaplari menga motivatsiya bergan».

Rashid Ravshanov onlayn darslarimizga o‘tgan yil sentabr oyining oxirlarida qo‘shilgan edi. Unda men boshqa o‘quvchilarda kam kuzatiladigan bir jihatni ko‘rdim: doimiylik.

Ko‘pchilik o‘quvchilarning natijasi ba’zan ko‘tariladi, ba’zan pasayadi. O‘qishning ma’lum bir davrida zerikish, dars qoldirish yoki motivatsiyaning tushib ketishi kuzatilishi mumkin.

Ammo Rashidda buning aksi bo‘ldi. Tartib, intilish va natijada doimiy o‘sish kuzatildi. U doim yuqori marralar sari intildi. Kuchli o'quvchilar bilan raqobat qildi va o'z maqsadiga erishdi.

Bugun Prezident maktabiga kirgan Rashid o‘z tengdoshlariga quyidagi tavsiyalarni beradi:
🔹 Diqqatingizni faqat o‘qishga qarating va asosiy maqsadingizni hech qachon unutmang.
🔹 O‘yin-kulgiga berilib ketmang va aslo ko‘chirmang. O‘zingizni aldash orqali haqiqiy natijaga erishib bo‘lmaydi.
🔹 Viloyat bo‘yicha o‘z reytingingizni bilib boring. Buning uchun yakshanba kunlari o‘quv markazlarida o‘tkaziladigan testlarda muntazam qatnashing.
🔹 Onlayn darslarda faol ishtirok eting. Chunki bu darslarda matematika bilan birga muammoli masalalar va tanqidiy fikrlash savollarining turli ko‘rinishlari ham o‘rgatiladi.

Rashid o'quvchimizning ham kelgusi o'qishlarida muvaffaqiyat va zafarlar tilab qolamiz💪📚

Onlayn darslar haqida ma’lumot olish: t.me/pmustoz

👉👉 t.me/pmtests

Hoshimonov Abdulloh va uning dadasini men 2026-yil qahramonlari sifatida bilaman. 🏆

Hammaga ma’lumki, Prezident, Al-Xorazmiy va 1-son ixtisoslashtirilgan maktablarning barchasiga kirishni uddalash — bugungi kunda haqiqiy qahramonlikdir.

Abdulloh va uning dadasi bilan so‘nggi bir yil davomida doimiy aloqada bo‘ldik. Ular Prezident maktabiga kirish imkoniyatini oshiruvchi barcha imkoniyatlardan foydalanishdi: offline darslar, online darslar, sinov testlari va olimpiadalarning birortasini ham qoldirishmadi.

Abdullohning dadasi shunday deydi:

“Online darslarda ota-ona farzandini kuzatish orqali uning haqiqiy bilim darajasini bilib oladi. Shunga ko‘ra aniq harakat qilasiz va bu natijaga erishishda yordam beradi.”

Abdullohning otasidek farzandining ta’limi uchun vaqtini, e’tiborini va mehnatini ayamaydigan insonlar alohida hurmatga loyiq. Hamma ham farzandining yaxshi ta’lim olishini xohlaydi. Ammo buning uchun o‘z vaqtini sarflab, farzandi bilan birga harakat qiladigan ota-onalar juda kam.

Men ishonamanki, bugungi mehnatlar kelajakda farzandlaridan ming chandon ziyoda bo‘lib qaytadi.
Abdulloh ota-onasiga hurmat va izzat tojini kiydiradigan farzand bo‘ladi. 🤲

👉 👉 t.me/pmtests

Bir o‘quvchi olimpiadada qatnashib, o‘zi va onasi uchun Dubayga sayohat yutib olsa, keyin esa ustoziga shunday video yuborsa, yoshi kichik bo‘lsa-da, katta maqsadlar qo‘yayotganini ko‘rgan ustoz o‘z mehnatining samarasini his qiladi.

Insonning katta-kichikligi uning yoshiga emas, maqsadlariga qarab belgilanadi.
Katta maqsadlar qo‘ygan insonlar — katta insonlardir.
Maqsadsiz yashaydiganlar esa hayotda mayda narsalar bilan kifoyalanib qoladi.

O‘z o‘quvchilarim orasida katta maqsadli insonlarni ko‘rish — meni eng ko‘p quvontiradigan holatlardan biri.

Videoda: Turg‘unboyev Mardon
📅 16.11.2025-yil

Ba’zi o‘quvchilar va ularning ota-onalari haqida kitob yozish mumkin.

16 yillik tajribam davomida eng uzoq vaqt tayyorlangan, intilishi va shijoati bilan mehrimni qozongan o‘quvchilarimdan biri — Turg‘unboyev Mardon 2026-yilda Prezident, Al-Xorazmiy va Ixtisoslashtirilgan maktablarga yuqori o‘rinlarda qabul qilindi.

2-sinfda yoshi kichikligi sababli guruhga qabul qilmaganimizda ham, u taslim bo‘lmadi. Onasi bilan birgalikda videodarslarni mustaqil o‘rganib, keyinchalik guruhga qo‘shilishga loyiq ekanini o‘z mehnati bilan isbotladi. 3-sinfda 4-sinflar darajasida tayyorlandi.
4-sinfga kelib esa Respublikadagi eng kuchli o‘quvchilar qatoridan joy oldi.

Shu yillar davomida Mardon qatnashgan ko‘plab olimpiadalarning natijalarini birgalikda, hayajon bilan kutardik. Quvonchli yangiliklar bilan birga, natijadan xafa bo‘lgan paytlarimiz ham ko‘p bo‘ldi.

Ammo eng muhimi — u hech qachon maqsadi sari intilishdan to‘xtamadi. Bugun esa o‘sha yillar davomida qilingan mehnat, sabr va intilish Mardonni Prezident maktabi o‘quvchisiga aylantirdi.

Mardonning oflayn ustozlariga va, ayniqsa, uning eng birinchi ustozi — onasiga katta minnatdorlik bildiraman. Uning bugungi yutuqlarida onasining mehnati va qo‘llab-quvvatlashi alohida o‘rin tutadi.

Barcha ota-onalarga farzandlarining mana shunday muvaffaqiyatlarini ko‘rib yurish nasib qilsin. 🤲
(Onlayn darslarga yozilish @pmustoz)

👉👉 t.me/pmtests

“Men Prezident maktabida bir hafta o‘qidim, u joy juda zo‘r ekan!”

Akmalov Bunyodbek ham ko‘pchilik muvaffaqiyatli o‘quvchilar kabi ham oflayn, ham onlayn ta’lim olgan. U har ikki ta’lim shakli ham o‘ziga katta foyda berganini e’tirof etadi.

“Meni tayyorlagan Saxadov Avazbek ustozimga hamda onlayn tayyorlagan Asrorbek Jumanazarov ustozimga o‘z minnatdorligimni bildiraman”, — deydi Bunyodbek.

Siz ham Bunyodbek kabi yuqori natijalarga erishishni istasangiz, 15-sentabrdan boshlanadigan onlayn darslarimizda ishtirok eting!

Kursga qo‘shilish: @pmustoz

Juda o‘rganib qolgan ekanmiz... 😊

Sizlar bilan yil davomida doimiy birga bo‘lamiz. Testlarimiz va qiziqarli onlayn darslarimiz orqali ota-onalarni farzandlari bilan muntazam shug‘ullanishga undaymiz.

Keyinchalik farzandingiz Prezident maktabiga kirib ketsa ham, shunchaki qiziqish uchun testlarimizni ishlab yurishingiz mumkin. 😊

Boshlangan 2026–2027-o‘quv yilida barcha ustozlar, o‘quvchilar va ota-onalarga ulkan muvaffaqiyatlar tilab qolamiz! 📚✨
(Onlayn darslarga yozilish @pmustoz)

👉👉 t.me/pmtests

O‘zbekiston yoshlari PISA natijalarida keskin o‘sish qayd etdi. 🇺🇿

91 ta mamlakatning 760 mingdan ortiq 15 yoshli o‘quvchilari o‘rtasida o‘tkazilgan PISA sinovlarida O‘zbekiston yoshlari natijasi ancha yuqoriladi.

2022-yildagi sinovlarda O‘zbekiston yoshlari tabiiy fanlar yo‘nalishida 81 ta davlat orasida 80-o‘rinni egallab, bilim darajasi bo‘yicha ancha past natija ko‘rsatgan edi.

Nihoyat, 2025-yil natijalariga ko‘ra, O‘zbekiston yoshlari 91 ta mamlakat orasida 48-o‘ringa ko‘tarildi. 2022-yilda 355 ball qayd etilgan bo‘lsa, 2025-yilda bu ko‘rsatkich 438 ballni tashkil etdi.

Bunday keskin o‘sishning sabablaridan biri sifatida Prezident maktablariga tayyorlovchi o‘quv markazlari, ustozlar va ta’lim kanallarining mehnatini ham aytish mumkin.

Chunki 2020–2021-yillarda biz ko‘plab ustozlar va ota-onalar bilan birgalikda ommaviy tayyorgarlikni boshladik. O‘sha vaqtda Prezident maktablariga tayyorlangan 3–4–5-sinf o‘quvchilari 2025-yilda 15 yoshga to‘lib, PISA kabi xalqaro sinovlarda qatnashishdi.

Albatta, bitta natijani faqat birgina sabab bilan izohlab bo‘lmaydi. Ammo bu natijada yillar davomida o‘quvchilarni tayyorlagan ustozlarning mehnatini inkor qilib bo‘lmaydi.

Biz faqat Prezident maktabiga tayyorlamaymiz.

Biz — butun O‘zbekistonning kelajagi bo‘lgan, kelajakda yurtimiz dovrug‘ini yuksaklarga olib chiqadigan yoshlarimizga zarur bilim va ko‘nikmalarni beramiz. Chunki ta’lim berish Vatanga eng katta xizmatlardan hisoblanadi.

👉 t.me/pmtests

Sog‘lom raqobat — yuqori o‘sish

Ertaroq tayyorgarlikni boshlagan o‘quvchim Turg‘unboyev Mardon bir muddat bir nechta olimpiadalarda ketma-ket g‘olib bo‘la boshladi. Ba’zan butun Respublika bo‘yicha eng yuqori natijalarni qayd etdi.

Ammo ustoz sifatida menda xavotir yuqori edi. Chunki o‘quvchilar darajasi tez o‘zgaradi. Raqobatchi bo‘lmasa, ozgina izlanishdan to‘xtasa ham, bir necha haftaning o‘zida natijalari tushib ketishi mumkin.

Keyinchalik onlayn darslarimizga qo‘shilgan Ravshanov Rashid va Muhitdinova Mehrangiz ham o‘z o‘quv markazlarida hamda bizning onlayn darslarimizda yuqori o‘rinlarni egallashga intilishdi.

Guruhimizda raqobat kuchaydi. O‘quvchilar bir-biridan o‘zib ketish uchun emas, o‘z ustida ko‘proq ishlash uchun harakat qila boshlashdi. Natijada doimiy o‘sish yuzaga keldi.

Bugun esa bir guruhda birga o‘qigan ushbu uch nafar o‘quvchining barchasi bitta Prezident maktabida ta’lim olmoqda.
Endi ular Prezident maktabida ham sog‘lom raqobatni davom ettirib, bir-birlarini yanada yuqori natijalarga undashadi va eng yuqori marralarni zabt etishadi.

Sog‘lom raqobat — o‘sish uchun eng kuchli motivatsiyalardan biri.
(Onlayn darslarga yozilish @pmustoz)

👉👉 t.me/pmtests