Dələduzların hədəfinə çevrilməmək üçün diqqətli olun:

📱 Tanımadığınız nömrələrdən gələn zəng və mesajlara etibar etməyin;

🔗 Şübhəli linklərə daxil olmayın, şəxsi və bank məlumatlarınızı paylaşmayın;

🏦 Bank əməliyyatlarını yalnız rəsmi tətbiq və saytlar üzərindən həyata keçirin;

🔐 Kart məlumatlarınızı və OTP kodlarınızı heç kimlə bölüşməyin.

Yola addım atmazdan öncə bir daha düşün 🚸⚠️

🚓 Qaydalara əməl etməyərək özü və başqalarının həyatına təhlükə yaradan piyadalara qarşı yol polisi növbəti profilaktik tədbir keçirib.

Görkəmli oftalmoloq-alim, akademik Zərifə xanım Əliyevanın əziz xatirəsini ehtiramla anırıq.

Daxili işlər naziri general-polkovnik Vilayət Eyvazov mayın 7-də İmişli rayonunda növbəti vətəndaş qəbulu və polis orqanları, o cümlədən daxili qoşunlarda xidmət etmək arzusunda olan gənclərin sıra baxışını keçirəcək.

📍 İmişli Rayon Polis Şöbəsinin inzibati binasında baş tutacaq qəbulda İmişli, Füzuli, Beyləqan, Xocavənd, Saatlı, Sabirabad və Kürdəmir rayonlarının sakinləri iştirak edə bilərlər.

📝 Qəbula yazılmaq istəyən vətəndaşlar Nazirliyin səlahiyyətlərinə aid məsələlərlə bağlı 06.05.2026-cı il tarixinədək yaşadıqları ərazinin polis orqanına, habelə Nazirliyin "E-Polis" mobil tətbiqi, e-xidmet.mia.gov.az elektron xidmət portalı vasitəsilə və sosial şəbəkələrdəki səhifələrinə müraciət edə bilərlər.

✅ Polis orqanları və daxili qoşunlarda xidmət etmək arzusunda olan namizədlərin sıra baxışı mayın 7-də 08:00-da İmişli Olimpiya İdman Kompleksində keçiriləcək.

🪪 Qeyd edək ki, qəbula və sıra baxışına gələnlərdən şəxsiyyət vəsiqəsi tələb olunur.

Sosial şəbəkələrdə cəlbedici reklamlara aldanmayın ⤵️

📲 Sosial şəbəkələrdə “çox ucuz qiymətə brend məhsul” təklifləri çox vaxt dələduzluq məqsədi daşıyır. Bu cür elanlar insanlarda tələskənlik yaradaraq düşünülməmiş addımlar atmağa sövq edir və əsas hədəf şəxsi, xüsusilə bank kartı məlumatlarını ələ keçirməkdir.

ℹ️ Unutmayın, onlayn platformalarda diqqətli davranmaq hesabınızdakı vəsaiti qorumağın ən etibarlı yoludur.

📍 Abşeron Rayon Polis İdarəsinin əməkdaşları tərəfindən narkotik vasitələrin qanunsuz dövriyyəsinə qarşı əməliyyatlar keçirilib.

Nəticədə 7️⃣ nəfər saxlanılıb, ümumilikdə 1️⃣6️⃣ kiloqramdan artıq narkotik vasitə qanunsuz dövriyyədən çıxarılıb.

Davam edirik!

Sabunçu rayonu, Bakıxanov qəsəbəsində avtomobillərdən oğurluq edən iki nəfər polis tərəfindən saxlanılıb. 🚘

🎦 Cinayət əməli müşahidə kameraları vasitəsilə qeydə alınıb.

Paytaxt və bölgələrdə narkotiklə mübarizə qətiyyətlə davam edir 🚨

Polisin Masallıda keçirdiyi sonuncu əməliyyat tədbirləri nəticəsində saxlanılan narkokuryerdən 1️⃣4️⃣ kiloqram narkotik vasitə aşkarlanıb.

🇦🇿 30 Aprel – Azərbaycan Xüsusi Təyinatlı Qüvvələrinin yaradılması günüdür.

Hər bölgədə, hər şəhərdə, hər rayonda – narkotiklə mübarizəmiz davam edir 🔜

📍Oğuzda polis tərəfindən keçirilən əməliyyatlar nəticəsində narkokuryerlikdə şübhəli bilinən 2️⃣ nəfər saxlanılıb.

Onlardan 1️⃣3️⃣ kiloqramdan artıq marixuana aşkarlanıb.

🌱🌍 Yaşıllıqlar təbiətin ekoloji tarazlığını qoruyur.

Yaşıl örtüyün məhv edilməsi ətraf mühitə ciddi ziyan vurur, iqlimə mənfi təsir göstərir və bioloji müxtəlifliyin azalmasına səbəb olur.

🌳🪓 Unutmayaq ki, bu gün kəsilən hər bir ağac gələcəkdə itirilən təmiz hava deməkdir.

Vətəndaşları yaşıllıqların qorunmasına həssas yanaşmağa, qanunvericiliyin tələblərinə əməl etməyə çağırırıq.

“Sərfəli şərt, az komissiya və zamin tələb olunmadan kreditlərin verilməsi” ❌

Kibercinayətkarlıqla Mübarizə Baş İdarəsi (KMBİ) bank və bank olmayan kredit təşkilatlarının adından istifadə edilərək törədilən kiberdələduzluq cinayətlərinə qarşı növbəti əməliyyat keçirib.

Nəticədə qeyd olunan qanunsuz əməllərdə şübhəli bilinən daha 2️⃣ nəfər saxlanılıb.

ℹ️ Bir daha vətəndaşların diqqətinə çatdırırıq ki, yalnız Mərkəzi Bank tərəfindən lisenziya verilmiş maliyyə qurumlarına etibar etsinlər.