❄️ Polis əməkdaşları hava şəraiti ilə əlaqədar fasiləsiz xidmət aparır.

Dekabrın 31-dən 1-nə keçən gecə paytaxtın Nizami rayonunda yerləşən mağazaların birindən 1️⃣7️⃣ ədəd müxtəlif markalı mobil telefon, eləcə də elektron siqaretlər oğurlamaqda şübhəli bilinən şəxslər polisin keçirdiyi əməliyyat-axtarış tədbirləri nəticəsində saxlanılıblar.

2️⃣ il əvvəl itkin düşmüş şəxsin qəsdən öldürülməsi müəyyən olunub

Xaçmaz Rayon Polis Şöbəsi və rayon prokurorluğu əməkdaşlarının birgə fəaliyyəti nəticəsində 2023-cü ilin yanvar ayında itkin düşmüş Xaçmaz rayonu sakini, 1987-ci il təvəllüdlü Əmirəddin Əkbərovun qəsdən öldürülməsi müəyyən edilib.

İstintaq və əməliyyat-axtarış tədbirləri nəticəsində 1975-ci il təvəllüdlü Surəddin Həsənalıyevin aralarında yaranmış mübahisə zamanı Əmirəddin Əkbərovu odlu silahdan atəş açaraq qəsdən öldürməsi və cinayətin izlərini itirmək üçün meyiti basdırmasına əsaslı şübhələr müəyyən edilib.

Surəddin Həsənalıyev polis əməkdaşları tərəfindən saxlanılaraq istintaqa təhvil verilib və prokurorluq tərəfindən şübhəli şəxs qismində tutulub.