Baş Narkotiklərlə Mübarizə İdarəsinin əməkdaşları tərəfindən narkotik vasitələrin qanunsuz dövriyyəsinə qarşı əməliyyatlar davam etdirilir ⤵️

🚨 Növbəti tədbirlər zamanı əvvəllər oğurluq və narkotiklərin satışı ilə məşğul olduqlarına görə məhkum olunmuş 2️⃣ nəfər saxlanılıb.

✅ Onlardan 25 kiloqram tərkibinə zərərli maddələr əlavə edilmiş marixuana aşkarlanıb.

⚠️ Diqqət! Dələduzluğun üsulu dəyişsə də, məqsədi dəyişmir.

📱 Son günlər sosial şəbəkələrdə vətəndaşları saxta kampaniyalara cəlb etmək məqsədilə eyni məzmunlu paylaşımlar yayılır.

Paylaşımlarda fərqli məhsullar təqdim olunsa da, ssenari eynidir: guya şirkət sirri açıqlanır, kiçik məbləğ qarşılığında dəyərli hədiyyə vəd edilir və istifadəçilər rəy bölməsində yerləşdirilən linkə keçid etməyə yönləndirilir.

💬 Diqqət çəkən məqam isə etibarlılıq görüntüsü yaratmaq üçün həmin postlara saxta profillər vasitəsilə şirnikləndirici “müsbət rəylər”in yazılmasıdır.

❗ Tövsiyə edirik:

- Şübhəli linklərə daxil olmayın;

- Tanımadığınız səhifələrin təqdim etdiyi “sərfəli kampaniyalara” inanmayın;

- Şəxsi və bank kartı məlumatlarınızı naməlum platformalarda paylaşmayın.

Bu cür saxta kampaniyalar şəxsi məlumatların və pul vəsaitlərinin ələ keçirilməsinə yönəlib.

✔️ Qeyd edək ki, həmin səhifələrlə bağlı araşdırma aparılır.

📍Qaradağda qızıl axtarmaq məqsədilə daxil olduqları Milli Tarix-Bədii Qoruqlardan birində tarixi-mədəni abidələrə ziyan vuran dəstə saxlanılıb.

Onlar qoruqdakı mədəni sərvət hesab olunan qayaların dibində qazıntı işləri apararaq xüsusi maddi dəyəri olan əşyalar talamağa cəhd göstərib və nəticədə mədəni sərvətlərin yararsız hala salınmasına səbəb olublar. 🪏🚫

🗂️ Faktla bağlı cinayət işi başlanılıb, araşdırmalar davam etdirilir.

Daha bir zərgərlik mağazasından oğurluq cinayəti açıldı 💍💎

📍 Nizami rayonunda yerləşən zərgərlik mağazasında satıcının diqqətinin yayınmasından istifadə edərək 1800 manat dəyərində qızıl-zinət əşyasını talamaqda şübhəli bilinən şəxs polis tərəfindən saxlanılıb.

‎Daha 2️⃣4️⃣ kiloqram narkotik vasitənin satışının qarşısı alındı ☑️

Xətai Rayon Polis İdarəsinin əməkdaşları tərəfindən keçirilən əməliyyatlar nəticəsində saxlanılan 3 narkokuryerdən 24 kiloqram 500 qram narkotik vasitə olan marixuana və 1000 ədəd psixotrop tərkibli metadon həbi aşkarlanıb.

İnsan Alverinə qarşı Mübarizə Baş İdarəsi tərəfindən insan alveri ilə məşğul olan transmilli mütəşəkkil dəstənin üzvü həbs edilib ⤵️

O, xarici ölkələrin birində Azərbaycan Respublikasının vətəndaşı olan qadınları cinsi istismara məruz qoymaqla insan alveri cinayəti törətməkdə ittiham olunur.

Aldadılaraq xarici ölkəyə aparılan zərərçəkmiş şəxslər hədə-qorxu və məcburetmə yolu ilə nəzarətdə saxlanılıb, onların ümumvətəndaş pasportları götürülərək pul müqabilində cinsi istismara məruz qoyulublar.

📞 Bir daha vətəndaşlara müraciət edərək bildiririk ki, insan alveri cinayətlərindən zərərçəkmiş şəxslər DİN-in İnsan Alverinə qarşı Mübarizə Baş İdarəsinə və ya 152 qaynar xəttinə müraciət edə bilərlər. Müraciət edən şəxslərin konfidensiallığı tam təmin olunur.

🌍 Təbiəti təmiz saxlamaq hər birimizin məsuliyyətidir.

💧 🌱 Su hövzələrini və ətraf mühiti çirkləndirməyək, sağlam gələcəyimizi birlikdə qoruyaq!

Azərbaycan Avtomobil Yolları Dövlət Agentliyinin kollektivini peşə bayramı münasibətilə təbrik edir, fəaliyyətində uğurlar arzulayırıq! 👷 🛣️

📍 Sabunçuda 7 evdən 10 min manatlıq elektrik naqilləri oğurlayan 2 nəfər saxlanılıb.

Onlar əməllərini ört-basdır etmək üçün bəzi evlərdə quraşdırılan müşahidə kameralarını sındırıblar. 📹🔨

🔍 Araşdırmalar davam etdirilir.

‎🚨 Polis və sərhədçilər külli miqdarda narkotik vasitənin ölkə ərazisinə gətirilməsinə qarşı birgə əməliyyat keçiriblər.

📍 Astara

✔️ Tədbir nəticəsində 2 nəfər saxlanılıb.

✔️ Onlardan sövdələşmə əsasında sərhəd ölkədə yaşayan narkotacir tərəfindən göndərilən 10 kiloqramdan artıq marixuana aşkarlanıb.

#BirgəTədbir #NarkotiklərləMübarizə #SağlamGələcək
#PolisAzərbaycan

Bu gün Novruzun ilk müjdəçisi – Su çərşənbəsidir 💧 ✨

Narkotikə qarşı hər uğur sağlam gələcəyimizin təminatıdır ⤵️

Nəsimi rayonunda narkotik vasitələrin satışı və qanunsuz dövriyyəsinə qarşı keçirilən növbəti əməliyyatlar nəticəsində:

2️⃣ narkokuryer saxlanılıb;

✅ Ümumilikdə 1️⃣3️⃣ kiloqramdan artıq narkotik vasitə aşkar olunaraq götürülüb.

🔜 Davam edirik!