🚫 Spirtli içki və ya sərxoşluq yaradan maddələrin təsiri altında avtomobil idarə etmək faciələrə yol açır.

Bir səhv qərar geri dönüşü olmayan nəticələrə səbəb ola bilər.

⚠️ Sərxoş halda sükan arxasına əyləşməyin, özünüzü və digər hərəkət iştirakçılarını qoruyun!

ℹ️ Təhlükəsiz yol hər kəsin məsuliyyətidir.

🚨 Lənkəranda narkotik əməliyyatı - 1️⃣2️⃣ kiloqram ✔️

Polis əməkdaşlarının keçirdikləri əməliyyat tədbirləri nəticəsində ölkə ərazisinə qaçaqmalçılıq yolu ilə gətirilən külli miqdarda narkotik vasitənin realizə olunmasının qarşısı alınıb.

Saxlanılan şəxsdən paytaxt ərazisindəki müxtəlif ünvanlara çatdırmaq üçün əldə etdiyi 12 kiloqramdan artıq marixuana aşkarlanıb.

Davam edirik!

Təbiəti qorumaq hər birimizin borcudur 🏞️

İstirahət günlərini meşə, park və digər açıq hava məkanlarında keçirən vətəndaşlardan sanitar-gigiyenik və təhlükəsizlik qaydalarına riayət etmələrini xahiş edirik:

🚯 Tullantıları ətrafa atmayın, yalnız xüsusi ayrılmış qutulara yerləşdirin;

🌿 İstirahət etdiyiniz ərazini təmiz saxlayın və yaşıllıq sahələrinə zərər verməyin;

📛 Açıq havada od qalayarkən yanğın təhlükəsizliyi qaydalarına ciddi əməl edin, odu nəzarətsiz qoymayın və ərazini tərk edərkən tam söndüyündən əmin olun.

✅ Ətraf mühiti çirkləndirməyək, sağlam gələcəyimizi birlikdə qoruyaq!

📍 Sabunçu rayonunda avtomobillərin nömrələrini oğurlayaraq geri qaytarmaq müqabilində sahiblərindən pul tələb edən şəxs polis əməkdaşları tərəfindən saxlanılıb.

🚘 Keçirilən digər tədbir nəticəsində 2 avtomobilin şüşəsini qıraraq nəqliyyat vasitələrindən nağd pul oğurlamaqda, həmçinin rayon ərazisində yerləşən obyektdən əlvan metallar talamaqda şübhəli bilinən şəxs də tutulub.

🚖 Müştəri kimi əyləşdiyi taksinin sürücüsünə zor tətbiq edərək mobil telefonunu talayan, əvvəllər oğurluq və narkotiklə əlaqəli cinayətlərə görə məhkum olunmuş şəxs polis əməkdaşlarının keçirdikləri tədbirlərlə saxlanılıb.

📍 Abşeron

🔍 Araşdırmalar davam etdirilir.

🚨 Baş Narkotiklərlə Mübarizə İdarəsinin əməkdaşları tərəfindən narkotik vasitələrin qanunsuz dövriyyəsinə qarşı əməliyyatlar davam etdirilir ⤵️

📍 Paytaxt ərazisində keçirilən növbəti tədbirlər nəticəsində saxlanılan 6️⃣ nəfərdən ümumilikdə 10 kiloqramdan artıq heroin, metamfetamin, marixuana və 1727 ədəd narkotik tərkibli həb aşkarlanıb.

💰 Saxlanılan şəxslərin narkotik vasitələri satmaq məqsədilə əldə etdikləri müəyyən olunub.

🔍 Araşdırmalar davam etdirilir.

İşğaldan azad edilmiş Ağdam rayonunun Yusifcanlı kəndi ərazisində 2026-cı il 26 mart tarixində mina hadisəsi baş verib ⤵️

1985-ci il təvəllüdlü Ağdam rayonu Yusifcanlı kənd sakini Abbasov Ceyhun Firdovsi oğlu keçmiş təmas xəttində minalardan təmizlənməmiş ərazidə piyada əleyhinə mina partlayışı nəticəsində sol ayağından xəsarət alıb.

📍 Faktla bağlı Ağdam rayon prokurorluğunda araşdırma aparılır.

Daxili İşlər Nazirliyi, ANAMA, və Baş Prokurorluq bir daha vətəndaşları təhlükəsizlik qaydalarına riayət etməyə, mina təhlükəsi işarələrinin göstəricilərinə diqqətlə yanaşmağa, bələd olmadıqları ərazilərə daxil olmamağa, çəpərləmə fəaliyyəti aparılan ərazilərə müdaxilə etməməyə çağırır!