Ekologiya və Təbii Sərvətlər Nazirliyi işçilərinin peşə bayramı günü münasibətilə nazirliyin kollektivini təbrik edir, fəaliyyətlərində müvəffəqiyyətlər arzulayırıq! 🌿 🇦🇿

Qanunsuz dövriyyəyə qarşı növbəti əməliyyatlar - 4️⃣0️⃣ kq narkotik vasitə ✖️

Baş Narkotiklərlə Mübarizə İdarəsi narkotik vasitələrin qanunsuz dövriyyəsinə qarşı paytaxt və bölgələrdə əməliyyatlar keçirib ⤵️

Nəticədə saxlanılan 4 narkokuryerdən 40 kiloqram tiryək, tərkibinə zərərli maddələr əlavə edilmiş marixuana və 500 ədəd psixotrop tərkibli metadon həbi aşkarlanıb.

Daxili işlər naziri general-polkovnik Vilayət Eyvazov iyunun 4-də Qazax rayonunda növbəti vətəndaş qəbulu və Ağstafada polis orqanları, o cümlədən daxili qoşunlarda xidmət etmək arzusunda olan gənclərin sıra baxışını keçirəcək.

📍 Qazax Rayon Polis Şöbəsinin inzibati binasında baş tutacaq qəbulda Qazax, Ağstafa, Tovuz, Şəmkir və Gədəbəy rayonlarının sakinləri iştirak edə bilərlər.

📝 Qəbula yazılmaq istəyən vətəndaşlar Nazirliyin səlahiyyətlərinə aid məsələlərlə bağlı 03.06.2026-cı il tarixinədək yaşadıqları ərazinin polis orqanına, habelə Nazirliyin "E-Polis" mobil tətbiqi, e-xidmet.mia.gov.az elektron xidmət portalı vasitəsilə və sosial şəbəkələrdəki səhifələrinə müraciət edə bilərlər.

☑️ Polis orqanları və daxili qoşunlarda xidmət etmək arzusunda olan namizədlərin sıra baxışı iyunun 4-də 08:00-da DİN Daxili Qoşunların Ağstafa rayonunda yerləşən hərbi hissəsində keçiriləcək.

🪪 Qeyd edək ki, qəbula və sıra baxışına gələnlərdən şəxsiyyət vəsiqəsi tələb olunur.

Paytaxtın Nizami rayonu ərazisində işıqlandırma dirəklərinin üzərindəki metal qurğuları oğurlayaraq metal qəbulu məntəqələrinə satan şəxs polis əməkdaşları tərəfindən saxlanıldı.

✨ Bayram günlərini təhlükəsiz və xoş əhval-ruhiyyə ilə keçirmək üçün yol hərəkəti qaydalarına əməl etməyiniz xahiş olunur.

⚠️ Sürət həddini aşmayın, sükan arxasında diqqətli və məsuliyyətli olun, təhlükəsizlik kəmərindən istifadə edin, nəqliyyat vasitəsini idarə edərkən mobil telefondan istifadə etməyin.

ℹ️ Unutmayaq: Təhlükəsiz yol hər birimizin məsuliyyətidir.

Azərbaycan Prezidenti cənab İlham Əliyev Qurban bayramı münasibətilə paylaşım edib: https://www.facebook.com/share/p/17pcpBpuyk/

Daxili İşlər Nazirliyinin kollektivi adından xalqımızı dünya müsəlmanlarının mənəvi birlik və həmrəylik rəmzi olan müqəddəs Qurban bayramı münasibətilə təbrik edirik! ✨

Bayramınız mübarək!

📍 Biləsuvarda paraplan uçuş aparatı vasitəsilə 47 kiloqram marixuana və tiryək, eləcə də 10104 ədəd psixotrop tərkibli həbi qaçaqmalçılıq yolu ilə ölkəyə gətirən şəxslər polis əməkdaşlarının keçirdikləri əməliyyatla saxlanılıb.

🚨 Astarada narkotik əməliyyatı - daha 4️⃣5️⃣ kiloqram "zəhər" dövriyyədən çıxarıldı

Baş Narkotiklərlə Mübarizə İdarəsinin əməkdaşları tərəfindən Astara rayonu ərazisində keçirilən növbəti əməliyyat zamanı qaçaqmalçılıq yolu ilə ölkəyə külli miqdarda narkotik vasitə gətirməyə cəhd edən şəxslər ifşa olunub.

✅ Onlardan tərkibi psixotrop maddələrlə zənginləşdirilmiş 45 kiloqram marixuana, eləcə də 650 ədəd psixotrop tərkibli metadon həbi aşkarlanaraq götürülüb.