Milli Parkın ərazisində narkoplantasiya yetişdirən şəxs saxlanılıb ⤵️

Astara Rayon Polis Şöbəsinin əməkdaşları tərəfindən narkotik tərkibli bitkilərin kultivasiyasına qarşı əməliyyat keçirilib.

Ekologiya və Təbii Sərvətlər Nazirliyinin yerli qurumlarının əməkdaşları ilə birgə keçirilən tədbir zamanı Hirkan Milli Parkının çətin relyef şəraitinə malik meşə ərazisində salınmış narkotik plantasiyası aşkarlanıb.

🚨 💻 KMBİ bankların adından saxta kredit səhifələri yaradan şəxsləri saxladı ⤵️

Kibercinayətkarlıqla Mübarizə Baş İdarəsinə (KMBİ) daxil olan müraciətlərdə vətəndaşlar sosial şəbəkələrdə bank və kredit təşkilatlarına bənzədilmiş saxta səhifələr vasitəsilə aldadıldıqlarını, nəticədə bank kartlarındakı vəsaitlərinin oğurlandığını bildiriblər.

Kiberpolisin həyata keçirdiyi əməliyyat-texniki tədbirlərlə qeyd edilən əməlləri törətməkdə şübhəli bilinən daha 2️⃣ nəfər müəyyən edilərək saxlanılıb.

⚠️ Bir daha vətəndaşların diqqətinə çatdırırıq ki, kredit və digər maliyyə xidmətlərindən istifadə zamanı yalnız rəsmi və lisenziyalı platformalara etibar etsinlər, kart məlumatlarını naməlum keçidlərdə paylaşmasınlar və şübhəli hallarla qarşılaşdıqları zaman dərhal polis orqanlarına müraciət etsinlər.

Həftəsonu günlərində vətəndaşların istirahət məkanlarına üz tutduğunu nəzərə alaraq ətraf mühitin qorunmasına məsuliyyətlə yanaşmağa çağırırıq.

🚮 Məişət tullantılarını yalnız nəzərdə tutulmuş yerlərə atın, istirahət etdiyiniz ərazilərdə təmizliyə və sanitariya qaydalarına riayət edin.

🌿 ♻️ Ətraf mühiti çirkləndirməyək, təbiəti birlikdə qoruyaq!

Vətəndaşların təhlükəsizliyinin təmin edilməsi və ictimai asayişin qorunması üçün hər zaman xidmətdəyik!

❗️Novxanıda polis əməliyyatı: gizli narkobunker aşkarlandı⤵️

Polis əməkdaşları tərəfindən narkotik vasitə və psixotrop maddələrin qanunsuz dövriyyəsinə, eləcə də narkotik xassəli bitkilərin kultivasiyasına qarşı əməliyyatlar davam etdirilir.

Polis əməkdaşlarının keçirdikləri tədbirlərlə Abşeron rayonunun Novxanı qəsəbəsində narkotiklərin qanunsuz dövriyyəsində şübhəli bilinən şəxs saxlanılıb.

Onun yaşadığı ünvana və həyətyanı sahəsində yerin altında hazırladığı gizli bunkerə baxış zamanı kultivasiya yolu ilə yetişdirilmiş, ümumi çəkisi 1️⃣1️⃣ kiloqramdan artıq olan 2️⃣0️⃣9️⃣ ədəd çətənə kolu, həmçinin 2️⃣ kiloqrama yaxın marixuana aşkarlanaraq götürülüb.

Baş Narkotiklərlə Mübarizə İdarəsinin növbəti əməliyyatı nəticəsində 7️⃣2️⃣ kq narkotik vasitə və 5687 ədəd metadon həbi dövriyyədən çıxarıldı ⤵️

Saxlanılan şəxslərin ölkəyə parapland uçuş aparatı vasitəsilə qaçaqmalçılıq yolu ilə keçirilən narkotiklərin satışını təşkil etməyi planlaşdırdıqları müəyyən edilib.

Narkotiklərin qanunsuz dövriyyəsinə qarşı mübarizə davam edir!

Narkotiklə mübarizəmiz fasiləsiz davam edir ⤵️

📍 Sabunçu Rayon Polis İdarəsinin əməkdaşları tərəfindən narkotik vasitələrin qanunsuz dövriyyəsinə qarşı keçirilən ardıcıl əməliyyatlar nəticəsində narkokuryerlik etməkdə şübhəli bilinən 4️⃣ nəfər saxlanılıb.

Ümumilikdə 4️⃣6️⃣ kiloqramdan artıq narkotik vasitə və psixotrop maddə dövriyyədən çıxarılıb.

📍🏠 Nərimanov rayonunda yerləşən evlərin birindən ümumi dəyəri 7️⃣0️⃣ min manat olan qızıl-zinət əşyalarını oğurlamaqda şübhəli bilinən şəxs polis əməkdaşları tərəfindən keçirilən tədbirlərlə saxlanılıb.

DİN tərəfindən qanunsuz dövriyyədən çıxarılmış 5️⃣ tona yaxın narkotik vasitə və psixotrop tərkibli həb məhv edildi ⤵️

❗️İyunun 11-də polis əməkdaşları tərəfindən aşkarlanan müxtəlif növ narkotik vasitələr, psixotrop maddələr və onların prekursorlarının növbəti məhv edilməsi prosesi keçirilib.

Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının daimi fəaliyyət göstərən İşçi Qrupunun təşkilatçılığı ilə Daxili İşlər Nazirliyi tərəfindən qanunsuz dövriyyədən çıxarılan və məhkəmə hökmü ilə barəsində məhvetmə qərarı qəbul edilmiş 4️⃣ ton 5️⃣7️⃣6️⃣ kiloqram müxtəlif narkotik vasitə və 1️⃣2️⃣2️⃣ min 3️⃣6️⃣7️⃣ ədəd psixotrop tərkibli həb paytaxtın Sabunçu rayonu ərazisində məhv edilib.

🔔 “Son zəng” tədbirlərinin təhlükəsiz şəraitdə keçirilməsi üçün polis əməkdaşları tərəfindən bütün zəruri tədbirlər görüləcəkdir.

🚔 Təhsil müəssisələrinin ətrafında ictimai qaydanın qorunması, məzunların və digər iştirakçıların təhlükəsizliyinin təmin olunması məqsədilə xidmət gücləndiriləcək.

✨ Məzunları əlamətdar gün münasibətilə təbrik edir, onları ictimai davranış və yol hərəkəti qaydalarına ciddi əməl etməyə çağırırıq.

Cinayətkarlıqla mübarizədə qətiyyətliyik!

🔔 “Son zəng” tədbirləri yüksək təhlükəsizlik şəraitində başa çatıb ⤵️

Daxili İşlər Nazirliyinin aidiyyəti qurumları tərəfindən əvvəlcədən hazırlanmış təhlükəsizlik planına uyğun olaraq paytaxt və bölgələrdə xidmət gücləndirilmiş rejimdə təşkil olunub, polis naryadlarının sayı artırılıb.

Polis əməkdaşları tərəfindən ictimai asayişin qorunması, yol hərəkətinin təhlükəsizliyinin təmin edilməsi və məzunların rahat hərəkətinin təşkili istiqamətində zəruri tədbirlər görülüb.

Görülən kompleks tədbirlər nəticəsində “Son zəng” günü ilə bağlı keçirilən tədbirlər təhlükəsiz şəraitdə başa çatıb.

Daxili İşlər Nazirliyi dəstəyə və əməkdaşlığa görə valideynlərə, təhsil ictimaiyyətinə, məktəb kollektivlərinə və vətəndaşlara təşəkkür edir, məzunları bu əlamətdar gün münasibətilə təbrik edərək onlara uğurlar arzulayır.

Narkotiklə mübarizə tədbirləri davam edir ❗

📍 Nizami rayonunda 3️⃣0️⃣ kiloqrama yaxın narkotik vasitə qanunsuz dövriyyədən çıxarılıb.

15 İyun - Milli Qurtuluş Günü 🇦🇿

📍 Nizami rayonunda 1️⃣2️⃣ kiloqrama yaxın narkotik vasitə qanunsuz dövriyyədən çıxarılıb.

Tibb İşçilərinin Peşə Bayramı Günü münasibətilə səhiyyə sahəsində çalışan hər kəsi təbrik edir, məsuliyyətli fəaliyyətinizdə uğurlar arzulayırıq. 🩺

BNMİ 5️⃣1️⃣ kiloqram narkotik vasitə və 2️⃣0️⃣0️⃣0️⃣ ədəd psixotrop həbi dövriyyədən çıxarıb⤵️

Baş Narkotiklərlə Mübarizə İdarəsinin əməkdaşları tərəfindən narkotik vasitələrin qanunsuz dövriyyəsi və satışının qarşısının alınması istiqamətində əməliyyat tədbirləri davam etdirilir.

Paytaxt ərazisində keçirilən növbəti əməliyyat zamanı 26 yaşlı şəxs saxlanılıb. Həmin şəxsdən 5️⃣1️⃣ kiloqram tərkibinə zərərli maddələr əlavə edilmiş marixuana və 2️⃣0️⃣0️⃣0️⃣ ədəd psixotrop tərkibli metadon həbi aşkar edilərək götürülüb.

Prezident İlham Əliyevin 18 iyun 2007-ci il tarixli Sərəncamına əsasən, hər il 18 iyun ölkəmizdə İnsan Hüquqları Günü kimi qeyd edilir. ⚖️📔