ဟိန္ဒူဘာသာဝင်တို့၏ အထွတ်အမြတ်ထားရာ ဒီပါဝလီပွဲတော် အခမ်းအနားကို နိုင်ငံတော်သမ္မတနှင့်ဇနီး တက်ရောက်ဖွင့်လှစ်

ရန်ကုန်မြို့၊ မြို့မကျောင်းလမ်းရှိ အမျိုးသားဇာတ်ရုံတွင် ပြုလုပ်သည့် ဟိန္ဒူဘာသာဝင်တို့၏ အထွတ်အမြတ်ထားရာ ဒီပါဝလီပွဲတော် အခမ်းအနားကို နိုင်ငံတော်သမ္မတနှင့်ဇနီး တက်ရောက်ဖွင့်လှစ်ခဲ့သည်။

အဆိုပါ အထိမ်းအမှတ်အခမ်းအနားကို ယနေ့တွင် ခမ်းနားထည်ဝါစွာ ကျင်းပခဲ့ပြီး နိုင်ငံတော်သမ္မတ ဦးမင်းအောင်လှိုင်နှင့် ဇနီး၊မြန်မာနိုင်ငံဆိုင်ရာအိန္ဒိယသံအမတ်ကြီးနှင့်ဇနီး ပြည်ထောင်စုဝန်ကြီးများ၊ ရန်ကုန်တိုင်းဒေသကြီးအစိုးရအဖွဲ့ဝင်များနှင့် အိန္ဒိယနွယ်ဝင်လူမျိုးစုအသီးသီးမှ တာဝန်ရှိသူများ တက်ရောက်ခဲ့ကြသည်။

ဒီပါဝလီပွဲတော်သည် ဟိန္ဒူဘာသာဝင်များ အထွတ်အမြတ်ထားသည့် ပွဲတော်တစ်ခုဖြစ်ပြီး စည်းစိမ်ဥစ္စာ၊ စီးပွားလာဘ်လာဘ၊ အစားအစာပေါများကြွယ်ဝမှုနှင့် ကောင်းခြင်းမင်္ဂလာများကို ကိုယ်စားပြုသည့် လက္ခမီမယ်တော်အား ဆီမီးများထွန်းညှိပူဇော်သည့် မီးထွန်းပွဲတော်တစ်ခုဖြစ်သည်။

အခမ်းအနားအစီအစဉ်အရ ဟိန္ဒူဘာသာဝင်များ၏ ဒီပါဝလီပွဲတော်ကျင်းပရေး ဦးစီးကော်မတီနှင့် တမီလ်၊ ယူပီ ဘီဟာရ်၊တေလဂူ၊ ဟိန္ဒူ- ဘင်္ဂါလီ၊ အိုရီယာ၊မာရဝါရီ၊ ဂူဂျရာသီ၊ ပန်ချာဘီ၊ ဂေါ်ရခါး၊ ပုဏ္ဏား လူမျိုးနွယ်စုများမှ ကိုယ်စားလှယ်များက တက်ရောက်လာကြသည့် ဧည့်သည်တော်များအား ကြိုဆိုခဲ့ကြသည်။

ထို့နောက် ဟိန္ဒူရိုးရာ အာရတီပြုလုပ်ခြင်းဖြင့် ဧည့်သည်တော်များအား ဂါရဝပြုခြင်း၊ ရိုးရာတီးဝိုင်းများဖြင့် ကြိုဆိုဖျော်ဖြေခြင်းနှင့် ပူရ်ဏကလသ် (မင်္ဂလာရေအိုး) ဖြင့် ဂါရဝပြုဆုတောင်းခြင်း အစီအစဉ်များကို ဆောင်ရွက်ခဲ့ကြသည်။

ပူရ်ဏကလသ်သည် ကောင်းခြင်းမင်္ဂလာ၊ ချမ်းသာကြွယ်ဝမှုနှင့် ပြည့်စုံခြင်းတို့ကို ကိုယ်စားပြုသည့် ဟိန္ဒူရိုးရာ မင်္ဂလာသင်္ကေတတစ်ခုဖြစ်ပြီး နိုင်ငံတော်သမ္မတနှင့် ဇနီးအပါအဝင် နိုင်ငံတော်အစိုးရအဖွဲ့ဝင်များအား ကျန်းမာချမ်းသာခြင်း၊ ကောင်းကျိုးမင်္ဂလာများ ပြည့်စုံခြင်းနှင့် ငြိမ်းချမ်းသာယာခြင်းတို့ ရရှိစေရန် ဆုတောင်းဂါရဝပြုခဲ့ကြသည်။

ယင်းနောက် ဒီပါဝလီအထိမ်းအမှတ်ပွဲတော်ကို တရားဝင်ဖွင့်လှစ်သည့် အစီအစဉ်အဖြစ် နိုင်ငံတော်သမ္မတ ဦးမင်းအောင်လှိုင်အား ဖိတ်ကြား၍ အခမ်းအနားကို ဆက်လက်ဖွင့်လှစ်ခဲ့သည်။

ဒီပါဝလီပွဲတော်သည် ဟိန္ဒူဘာသာဝင်များ၏ ဘာသာရေးယုံကြည်မှု၊ ရိုးရာယဉ်ကျေးမှုနှင့် လူမျိုးစုအသီးသီး၏ စည်းလုံးညီညွတ်မှုကို ဖော်ပြသည့် အထိမ်းအမှတ်ပွဲတော်တစ်ခုလည်း ဖြစ်သည်။

တန်ဆောင်တိုင်ပွဲတော်၌ မာရဝိဇယဗုဒ္ဓရုပ်ပွားတော်မြတ်ကြီးသို့ EV ယာဥ်များဖြင့် အသွား/အပြန် အခမဲ့ပို့ ဆောင်ပေးမည်

မကြာမှီကျရောက်မည့် တန်ဆောင်တိုင်ပွဲတော်၌ နေ ပြည်တော်ရှိ မာရဝိဇယဗုဒ္ဓရုပ်ပွားတော်မြတ်ကြီးအား လာရောက်ဖူးမြှော်ကြမည့် ဘုရားဖူးများ စိတ်အေးချမ်းသာစွာသွားရောက်ဖူးမြှော်နိုင်စေရန်အတွက် EV ယာဥ်များဖြင့် အသွား/အပြန် အခမဲ့ပို့ဆောင်ပေးသွားမည်ဖြစ်ကြောင်း သိရသည်။

နေပြည်တော်စည်ပင်၏စီစဉ်မှုဖြင့် တော်ဝင်ယာဉ်လိုင်းနှင့် EV ယာဉ်များဖြင့် တန်ဆောင်တိုင်ကာလဖြစ်သော နိုဝင်ဘာ ၂၂ ရက်မှ နိုဝင်ဘာ ၂၄ ရက်အထိ ၃ ရက်တိုင် နံနက်ပိုင်းနှင့် ညနေပိုင်းတို့တွင်ပို့ဆောင်ပေးသွားမည်ဖြစ်ကြောင်း သိရသည်။

လမ်းကြောင်း(၁)အဖြစ် ဘောဂသီရိကားဝင်း၊ နှင်းဆီပန်းအဝိုင်း၊ ရွှေညောင်ပင်ဂိတ်၊ နေပြည်တော်ကောင်စီရုံးရှေ့၊ ဇမ္ဗူသီရိဆေးရုံရှေ့ ၊ စည်ပင်ဧည့်ရိပ်သာ(၁/၂) ရှေ့၊ သပြေကုန်းအဝိုင်း၊ ပရဆေးဥယျာဉ်၊ မြို့မဈေး၊ သုခတော်ဝင်အိမ်ရာ၊ ဝဏ္ဏသိဒ္ဓိရပ်ကွက်၊ NSA၊ ဉာဏသိဒ္ဓိရပ်ကွက်၊ ဘိုးဘွားရိပ်သာမှ မာရဝိဇယဘုရားသို့ပြေးဆွဲပေးသွားမည်ဖြစ်ကြောင်း သိရသည်။

လမ်းကြောင်း(၂)အဖြစ် လယ်ဝေးမြို့၊ အောင်ဇေယျတြိဂံလမ်းဆုံ၊ လယ်ဝေးအားကစားကွင်း၊ ရွှေအင်ကြင်း ၊ ဒက္ခိဏသီရိဈေး၊ ကံ့ကော်ပန်းအဝိုင်း၊ Excel Capital လမ်းဆုံ၊ တုံဂပူရိလမ်းဆုံ၊ Junction Center ၊ အဆင့်မြင့်ဈေး၊ ခုတင် (၁၀၀၀) ဆေးရုံ၊ မြို့မဈေး၊ သုခတော် ဝင်အိမ်ရာ၊ ဓနသိဒ္ဓိရပ်ကွက်၊ နည်းပညာတက္ကသိုလ်မှ မာရဝိဇယဘုရား(ဂိတ်-၂)သို့ပြေးဆွဲပေးသွားမည်ဖြစ် ကြောင်း သိရသည်။

လမ်းကြောင်း(၃)အဖြစ် သိုက်ချောင်းလမ်းဆုံ၊ တိရစ္ဆာ န်ဥယျာဉ်၊ ရေဆင်းကျေးရွာ၊ ပင်လောင်းလမ်းဆုံ၊ လှေခွင်းတောင်လမ်းခွဲ၊ ကျောက်ချက်၊ ဘောဂသီရိကားဝင်း ၊ နှင်းဆီပန်းအဝိုင်း၊ ရွှေညောင်ပင်ဂိတ်၊ နေပြည်တော်ကောင်စီရုံးရှေ့၊ ဇမ္ဗူသီရိဆေးရုံ၊ စည်ပင်ဧည့်ရိပ်သာ (၁/၂)ရှေ့၊ သပြေကုန်းအဝိုင်း၊ ပရဆေးဥယျာဉ်၊ မြို့မဈေး၊ သုခတော်ဝင်အိမ်ရာ၊ ဝဏ္ဏသိဒ္ဓိရပ်ကွက်၊ NSA၊ ဉာဏသိဒ္ဓိရပ်ကွက်၊ ဘိုးဘွားရိပ်သာမှ မာရဝိဇယဘု ရားသို့ပြေးဆွဲပေးသွားမည်ဖြစ်ကြောင်း သိရသည်။

လမ်းကြောင်း(၄)အဖြစ် သိုက်ချောင်းလမ်းဆုံ၊ ခုတင် (၃၀၀)ဆေးရုံ၊ ကျည်တောင်ကန်လမ်းဆုံ၊ နေပြည်တော်ဘူတာကြီး၊ NSPU၊ အင်ကြင်းပန်းအဝိုင်း၊ ပတ္တာရဲစခန်းရှေ့၊ ကုမုဒြာကြာပန်းအဝိုင်း၊ စည်ပင်အိမ်ရာ၊ သပြေကုန်းအဝိုင်း၊ ပရဆေးဥယျာဉ်၊ မြို့မဈေး၊ သုခတော်ဝင် အိမ်ရာ၊ ဝဏ္ဏသိဒ္ဓိ ရပ်ကွက်၊ NSA၊ ဉာဏသိဒ္ဓိရပ်ကွက်၊ ဘိုးဘွားရိပ်သာမှ မာရဝိဇယဘုရား(ဂိတ်-၂)သို့ပြေးဆွဲပေးသွားမည်ဖြစ်ကြောင်း သိရသည်။