* သစ္စာအဓိဌာန်နဲ့ ညီတဲ့ ပြည်သူ့ကာကွယ်ရေးတပ်မတော် *

လူတွေက ပြောကြတယ်… ရန်သူဟာ ရန်သူ ပီသတယ်တဲ့… မှန်ပါတယ် ကျွန်တော်တို့ဟာလည်း ကျွန်တော်တို့ ပီသရပါမယ်။ ပြည်သူ့ကာကွယ်ရေးတပ်မတော် PDF ရဲ့ သစ္စာအဓိဌာန် (၄) ချက်မှာ "ငါတို့သည် ပြည်သူလူထု၏ အသက်အိုးအိမ်စည်းစိမ်ကို ကာကွယ်စောင့်ရှောက်ပါမည်။” ဆိုတဲ့အချက် ပါဝင်ပါတယ်။

အခုလို ဆိုးဝါးလှတဲ့ ငလျင်ဘေးဒဏ်ကို ကြုံတွေ့နေရတဲ့ မိဘပြည်သူတွေကို ကူညီကယ်ဆယ်နိုင်ဖို့၊ ကာကွယ်စောင့်ရှောက်နိုင်ဖို့ဟာ PDF တပ်မတော်အတွက် အရေးကြီးတဲ့အချက် ဦးစားပေးရတဲ့ အချက်ဖြစ်ပါတယ်။ ဘာကြောင့်လဲဆိုရင် PDF တပ်မတော်တွေ ပကဖတွေဆိုတာဟာ ပြည်သူကို ကာကွယ်ဖို့ ပြည်သူထဲကပဲ မွေးဖွားလာတာ ဖြစ်လို့ပါ။

ဒါကြောင့်လည်း လက်ရှိမှာ ဒေသအလိုက် ကူညီကယ်ဆယ်ရေးတွေမှာ တက်နိုင်တဲ့နေရာကနေ ချက်ချင်းပါဝင်နေကြပြီ ဖြစ်ပါတယ်။ ထပ်ပြီးလည်း အစွမ်းကုန်တက်နိုင်သမျှ အရေးပေါ်ကူညီကယ်ဆယ်ဖို့ နည်းလမ်းအစုံနဲ့ ကြိုးစားသွားကြဦးမှာ ဖြစ်ပါတယ်။

လာပါ ငါတို့အတူတူရုန်းမယ်

#Earthquake
#Myanmarearthquake
#PRF4PDF

💱 Currency Exchange Rates April 2025 💱

၂၀၂၅ ခုနှစ် ဧပြီလအတွက် အမျိုးသားညီညွတ်ရေးအစိုးရ ကာကွယ်ရေးဝန်ကြီးဌာနမှ အတည်ပြုထားတဲ့ နိုင်ငံအလိုက်ငွေလဲနှုန်းထားများကို ဖော်ပြလိုက်ပါတယ်။ ပြည်သူ့တော်လှန်ရေး ထောက်ပို့တပ်သားများအနေနဲ့ မိမိတို့ ထည့်ဝင်လိုသည့်ပမာဏကို ထိုငွေလဲနှုန်းထားများအတိုင်း မိမိတို့၏ Fundraiser ထံသို့ ဆက်သွယ်တာဝန်ထမ်းဆောင်နိုင်ပါတယ်။

ထောက်ပို့တပ်သား မဖြစ်သေးပါက မိမိတို့ ရောက်ရှိရာဒေသမှ နီးစပ်ရာ Fundraiser များနဲ့ ဆက်သွယ်ပြီး ပါဝင်အားဖြည့်နိုင်ပါတယ်။

ပြည်သူ့တော်လှန်‌ရေး မုချ အောင်ရမည်။

It’s not an option. It’s “Duty”
Report your duty !

တော်လှန်ရေးထောက်ပို့တပ်သားတာဝန်ထမ်းဆောင်ရန် သတင်းပို့ပါ။

အရေးတော်ပုံ အောင်ရမည်။

#prf4pdf
#လာပါငါတို့အတူတူရုန်းမယ်
#ပြည်သူ့တော်လှန်ရေးထောက်ပို့တပ်PRF
#တနိုင်ငံလုံးPDFတကမ္ဘာလုံးPRF
#ထောက်ပို့လစဥ်အောင်ပွဲဝင်
#ပြည်သူ့တော်လှန်ရေးထောက်ပို့မိသားစု
#PeoplesRevolutionSupplyFamily
#ထောက်ပို့PRF

ပြည်သူ့ကာကွယ်ရေးတပ်မတော်သားတွေ ပါဝင်ပြီး (၈) လကျော်ကြာ မြို့သိမ်းတိုက်ပွဲဆင်နွှဲခဲ့ပြီးနောက်မှာ အင်းတော်မြို့ကို အပြီးသတ် သိမ်းပိုက်ရရှိခဲ့ပြီလို့ သိရပါတယ်။ ကာကွယ်ရေးဝန်ကြီးဌာနမှ ထုတ်ပြန်ထားတဲ့ တိုက်ပွဲသတင်းထုတ်ပြန်ချက်ကို ပြည်သူ့တော်လှန်ရေးထောက်ပို့တပ်သားများ သိရှိနိုင်စေဖို့ ဖော်ပြလိုက်ပါတယ်။ လာပါ… ငါတို့ အတူတူရုန်းမယ်။

၂၀၂၅ ခုနှစ်၊ ဧပြီလ (၈) ရက်နေ့

အမျိုးသားညီညွတ်ရေးအစိုးရ၊ ကာကွယ်ရေးဝန်ကြီးဌာန၊ အမှတ် (၁) စစ်ဒေသ၏ အစီအစဥ်ဖြင့် အင်းတော် မြို့သိမ်းတိုက်ပွဲကို (၈) လကျော်ကြာ ဆင်နွှဲခဲ့ပြီးနောက် ၂၀၂၅ ခုနှစ်၊ ဧပြီလ (၇) ရက်နေ့၊ ညပိုင်းတွင် အပြီးသတ်သိမ်းပိုက်ရရှိခဲ့ပြီ ဖြစ်သည်။

အင်းတော်မြို့သိမ်းစစ်ဆင်ရေးသည် ရက်ရှည်တိုက်ပွဲတခုဖြစ်ပြီး အကြမ်းဖက်စစ်ကောင်စီတပ်များ အနေဖြင့် စစ်ကူမရရှိခြင်း၊ မြေပြင်မှ လက်နက်ရိက္ခာထောက်ပို့ ဆောင်ရွက်နိုင်မှုမရှိခြင်း၊ ထိခိုက်သေဆုံး များပြားခြင်းတို့ကြောင့် တော်လှန်ရေးတပ်ဖွဲ့များ၏ ဖိအားကို ရေရှည် တောင့်ခံနိုင်ခြင်း မရှိတော့ဘဲ ၎င်းတို့ နောက်ဆုံးအခြေပြုရာ ဂျပန်လှိုဏ်ဂူမှ တပ်မမှူးဦးဆောင်သော အဖွဲ့သည် ဧပြီလ ၇ရက် ည ၉:၀၀နာရီခန့်တွင် စခန်းစွန့်လွှတ်ဆုတ်ခွာသွားခြင်း ဖြစ်သည်။

အင်းတော်မြို့သည် စစ်ကောင်စီ ၏တပ်မ (၇၇) ရှေ့တန်းဌာနချုပ် အခြေပြုရာမြို့ဖြစ်ပြီး တပ်မမှူးကိုယ်တိုင် ကွပ်ကဲသည်။

အင်းတော်မြို့သိမ်းစစ်ဆင်ရေးကို အမျိုးသားညီညွတ်ရေးအစိုးရ၊ ကာကွယ်ရေးဝန်ကြီးဌာန၊ အမှတ် (၁) စစ်ဒေသကွပ်ကဲမှုဖြင့် ပြည်သူ့ကာကွယ်ရေးတပ်မတော် (PDF)၊ ကသာခရိုင် အမှတ် (၁) တပ်ရင်း၊ အမှတ် (၂) တပ်ရင်း၊ အမှတ် (၃) တပ်ရင်း၊ အမှတ် (၄) တပ်ရင်း၊ ကသာခရိုင် အထူးလှုပ်ရှား တပ်ခွဲ၊ အမှတ် (၁) အထူးတပ်ရင်း (SR-1)၊ အမှတ် (၁၀) အထူးတပ်ရင်း (SR-10)၊ ပြည်သူ့ကာကွယ်ရေးအဖွဲ့(အင်းတော်-ပကဖ)၊ ပြည်သူ့ကာကွယ်ရေးအဖွဲ့(ဗန်းမောက်-ပကဖ)၊ ပြည်သူ့ကာကွယ်ရေးအဖွဲ့(ကသာ-ပကဖ)၊ ပြည်သူ့ ကာကွယ်ရေးအဖွဲ့ (ကသာ ခရိုင်-ပကဖ)၊ အမှတ် (၂) ရွှေဘိုခရိုင် ကွပ်ကဲရေး၊ ပြင်ဦးလွင်ခရိုင် အမှတ် (၅၀၉)၊ (၅၁၀)၊ (၅၁၂) တပ်ရင်း၊ ပြင်ဦးလွင်ခရိုင် အမှတ် (၁၊ ၂) တပ်ရင်း၊ ကျောင်းသားတပ်မတော် (ABSDF) တပ်ရင်း (၁၁၊ ၁၄)၊ ကချင်လွတ်လပ်ရေးတပ်မတော်(KIA) တပ်မဟာ (၉)မှ အထူးစစ်ကြောင်း၊မိုးညှင်း(KPDF)၊ ကလေးခရိုင် အမှတ် (၁၀) တပ်ရင်း၊ Rocket တပ်ဖွဲ့၊ Drone ပူးပေါင်းတပ်ဖွဲ့ (MOD Drone Force၊ ABSDF၊ K2၊ SR-1၊ အမှတ် (၁၈၄၉) ဒရုန်းတပ်ဖွဲ့၊ ကန့်ဘလူခရိုင် ဒရုန်းတပ်ဖွဲ့)၊ ကသာခရိုင် လက်နက်ကြီးအဖွဲ့၊ မြင်းခြံခရိုင် ကွန်မန်ဒိုတပ်ဖွဲ့ တို့ ပူးပေါင်းပါဝင်ခဲ့သည်။

ဤ မြို့သိမ်းတိုက်ပွဲမှ ဟောင်ဝစ်ဇာ (၂) လက်၊ ၁၂၀ မမ (၂) လက် အပါအဝင် လက်နက်ကြီး၊ လက်နက်ငယ်နှင့်ခဲယမ်းမီးကျောက် အမြောက်အမြား သိမ်းပိုက်ရရှိကြောင်း ကနဦးသတင်းထုတ်ပြန်အပ် ပါသည်။

အမျိုးသားညီညွတ်ရေးအစိုးရ
ကာကွယ်ရေးဝန်ကြီးဌာန

ပြည်သူ့တော်လှန်‌ရေး မုချ အောင်ရမည်။

It’s not an option. It’s “Duty”
Report your duty !

တော်လှန်ရေးထောက်ပို့တပ်သားတာဝန်ထမ်းဆောင်ရန် သတင်းပို့ပါ။

အရေးတော်ပုံ အောင်ရမည်။

#prf4pdf
#လာပါငါတို့အတူတူရုန်းမယ်
#ပြည်သူ့တော်လှန်ရေးထောက်ပို့တပ်PRF
#တနိုင်ငံလုံးPDFတကမ္ဘာလုံးPRF
#ထောက်ပို့လစဥ်အောင်ပွဲဝင်
#ပြည်သူ့တော်လှန်ရေးထောက်ပို့မိသားစု
#PeoplesRevolutionSupplyFamily
#ထောက်ပို့PRF