🇺🇿🥊Бугун 4 боксчимиз Екатеринбургда рингга чиқади, Асланов камар учун жанг қилади

🇷🇺Бугун Россия Федерациясининг Екатеринбург шаҳрида навбатдаги проф бокс турнири ташкил этилади.

Биз учун аҳамиятлиси, ушбу турнир кардидан тўрт нафар ўзбекистонлик боксчининг ҳам жанги ўрин олган. Оқшомнинг co main-event жангида иккинчи ўрта вазн тоифасидаги чарм қўлқоп устамиз Одилжон Аслонов WBA Asia камари учун россиялик Никита Зонга қарши рингга кўтарилади. "Premier Boxing Academy" боксчиси бўлиб турган Аслонов кечаги тарози маросимида 75,8 кг тош босди. Унинг рақиби Никита Зонь эса 76,05 кг вазн қайд этди. Жанг 10 раунддан иборат бўлади.

Ҳаваскор боксда айтишга арзигулик ютуқларга эришган ҳамюртимиз Саиджамшид Жаъфаров проф боксдаги дебют жангида россиялик Гор Оганесянга қарши рингга чиқади. Унинг рақиби проф рингда 1 тадан ғалаба, дуранг ва мағлубият қайд этган. 69,9 кг вазн тоифасида ўтказиладиган ушбу жанг 6 раунд этиб белгиланган. Бухоролик боксчимиз тарозида 70,6 кг, рақиби эса 70,9 кг вазнга эга экани ойдинлашди.

Яна бир боксчимиз Бобо-Усмон Батуров ҳам бугунги оқшомда ўз жангини ўтказади. Жиззахлик чарм қўлқоп устамиз проф боксдаги бешинчи жангида британиялик Мишель Кингга қарши рингга чиқади. Кинг ҳисобида 6 ғалаба (4 та нокаут) ва 2 мағлубият бор. Жанг 8 раунддан иборат бўлади. Батуров 68,75, Кинг 68,9 кг вазн қайд этди.

Андижонлик Шаҳбозбек Толибжонов бугун проф рингдаги тўртинчи жангини ўтказади. Енгил вазндаги боксчимиз 6 раундлик жангда тожикистонлик Асрор Воҳидовга қарши рингга кўтарилади. Воҳидов анча тажрибали бўлиб, проф боксда 12 ғалаба (7 нокаут) ва 1 мағлубият қайд этган.

Бугунги турнирнинг марказий жанги Исроил Мадримовнинг чемпионлик жангидаги собиқ рақиби россиялик Магомед Курбанов ҳамда яна бир россиялик боксчи Асланбек Козаев ўртасида бўлиб ўтади. Магомед Курбанов — 72 кг, Асланбек Козаев — 71,8 кг тош босди.

Обуна бўлинг 👉 Телеграм

🇺🇿🇻🇪🥊Бугун Шаҳобиддин Зоиров Дубайда рингга чиқади. 5-раундгача нокаут қилган боксчи 1 млн долларни қўлга киритади

🇦🇪Бугун Бирлашган Араб Амирликларининг Дубай шаҳридаги "The Agenda" мажмуасида бокс бўйича "IBA Чемпионлар оқшоми" мусобақаси ўтказилади.

Биз учун аҳамиятлиси, оқшом доирасида чарм қўлқоп устамиз Шаҳобиддин Зоиров ҳам рингга кўтарилади. 31 ёшли ҳамюртимизга Венесуэла вакили Йоэль Финоль рақиблик қилади.

Энг енгил вазн тоифасида ташкил этиладиган жанг IBA Pro таснифидаги чемпионлик камари учун ўтказилади. Бундан ташқари, жангнинг 5-раундигача нокаут орқали ғолиб бўлган боксчи IBA президенти Умар Кремлёв томонидан 1 млн долларлик мукофот пулига эга бўлади.

Эслатиб ўтиш жоиз, Зоиров сўнгги жангини октябрь ойида айнан IBA Pro таснифидаги мусобақа доирасида испаниялик Самуэль Кармонага қарши ўтказиб, ғалаба қозонган эди. Бу испан боксчисини аввалроқ, Тошкентдаги турнирда Ҳасанбой Дўсматов ҳам мағлуб этганди.

Обуна бўлинг 👉 Телеграм