🇺🇿🥊Бобо Усмон Батуровда дуранг, Аслонов камар учун жангда ютқазиб қўйди

🇷🇺Россия Федерациясининг Екатеринбург шаҳрида RCC Boxing промоутерлик компаниясининг навбатдаги профессионал бокс турнири ўтказилди.

Хабар берганимиздек, ушбу турнир доирасида тўрт нафар боксчимиз ҳам ўз жангларини ўтказишди. Бобоусмон Батуров Мишель Кингга қарши рингга кўтарилди. Саккиз раундга мўлжалланган жанг тўлиқ давом этди ва унда ҳакамлар дуранг (76-74 Батуров, 78-72 Кинг, 75-75 дуранг) натижа қайд этишди.

Маълумот учун, бу Батуров учун проф боксдаги 5-жанг бўлди. У жангларининг учтасида ғалаба қозонган. Иккита жанг дуранг билан якунланган. Кинг эса 9-жангини ўтказди. Унинг ҳисобида 6 ғалаба, 2 мағлубият ва 1 дуранг бор.

Афсуски, тажрибали Одилжон Аслонов WBA Asia камари учун кечган жангда россиялик Никита Зонга имкониятни бой бериб қўйди. Шаҳбозбек Толибжонов проф рингдаги тўртинчи жангида тожикистонлик Асрор Воҳидовга очколар ҳисоби бўйича ютқазди. Ушбу турнирдаги ягона ғалабани бухоролик Саиджамшид Жаъфаров тақдим этди. У проф боксдаги дебют жангида россиялик Гор Оганесяндан устун келди.

Обуна бўлинг 👉 Телеграм

🇷🇺🥊Магомед Курбанов Исроил Мадримов билан жангдаги мағлубиятни ёпди

Кеча Россиянинг Екатеринбург шаҳрида RCC Boxing Promotions промоутерлик компанияси томонидан навбатдаги профессионал бокс турнири ташкил этилди.

Оқшомнинг марказий жанги биринчи ўрта вазнда чемпионлик камарига собиқ даъвогар Магомед Курбанов тажрибали ватандоши Асланбек Козаевга қарши рингга кўтарилди. Курбанов бундан аввалги жангида ҳамюртимиз Исроил Мадримовга имкониятни бой берганди.

Магомед биринчи раунднинг ўзида рақибини нокдаун ҳолатига тушириб қўйди. Жанг олтинчи раундда рефери томонидан тўхтатилди. Курбановнинг кетма-кет йўллаган зарбалари жавобсиз қолди ва натижада у техник нокаут эвазига ғалаба қозонди. Бу билан россиялик боксчи Исроил Маримовдан қабул қилиб олган мағлубиятини ғалаба билан ёпди.

Обуна бўлинг 👉 Телеграм

🥊Ноябрь ойи учун WBО рейтинги эълон қилинди

Бутунжаҳон бокс ташкилоти (WBО) ноябрь ойи учун янгиланган рейтингни эълон қилди.

Суперўрта вазндаги боксчимиз Исроил Мадримов илк бор WBО рейтингидан ўрин эгаллади.

🇺🇿Боксчиларимизнинг рейтингдаги янги ўринлари:

✅Олимжон Назаров (ўта енгил вазн тоифаси - 50,8 кг) ўтган ойдагидан 2 поғона юқорилаб, 2-ўринни эгаллади;

✅Муҳаммад Шехов (биринчи ярим енгил вазн тоифаси - 55,3 кг) ўтган ойдаги каби 5-ўринни эгаллади;

✅Шаҳрам Ғиёсов (яримўрта вазн тоифаси - 66,6 кг) ўтган ойдаги сингари вазн пешқадами;

✅Исроил Мадримов (суперўрта вазн тоифаси -69,9 кг) 10-ўринга жойлаштирилди;

✅Бектемир Мелиқўзиев (суперўрта вазн -76,2 кг) ўтган ойдагидан 2 поғона юқорилаб, 9-ўринга жойлашди.

Обуна бўлинг 👉 Телеграм

🇺🇿🇺🇸🥊Расман! Исроил Мадримов - Вержил Ортис жанги тасдиқланди!

Чарм қўлқоп устамиз икки россиялик боксчилар - яримоғир вазнда мутлақ жаҳон чемпиони Артур Бетербиев ҳамда собиқ чемпион Дмитрий Бивол оқшомида рингга кўтарилади.

🇸🇦Турки Ал аш-Шейх бошчилишидаги ташкилотчилар 2025 йилнинг 22 февраль кунига белгиланган ушбу катта бокс оқшомининг расмий постерини ҳам эълон қилишди.

🇷🇺🥊Марказий жанг Артур Бетербиев ва Дмитрий Бивол ўртасида ташкил этилади. Бу реванш мақомидаги жанг бўлади. Илк жангда Бетербиев ҳакамлар қарорига кўра ғалаба қозонган ва бу эътирозларга сабаб бўлганди. Турки Ал аш-Шейх эътирозларга жавобан тезда реванш жангини ташкил қилмоқда.

Биз учун аҳамиятлиси, Исроил Мадримов Ар-Риёддаги юлдузли бокс оқшомида ўзининг яна бир катта жангини ўтказади. Ҳамюртимиз америкалик машҳур боксчи, биринчи ўрта вазн тоифасида вақтинчалик WBC чемпиони Вержил Ортисга қарши рингга кўтарилади. Бу жангнинг ташкил этилиши ҳақида аввалроқ хабар берилганди. Кеча тунда бу расман ўз тасдиғини топди.

🇬🇧🥊Шунингдек, Саудиядаги бокс оқшомида супероғир вазн тоифасида амалдаги IBF чемпиони британиялик Даниэль Дюбуа собиқ WBO чемпиони Жозеф Паркердан камарини ҳимоя қилади.

Обуна бўлинг 👉 Телеграм

📹Муроджон Аҳмадалиев иштирокидаги бокс оқшомининг расмий промо ролиги намойиш этилди

Биринчи ярименгил вазнда собиқ жаҳон чемпиони, WBA камари учун расмий даъвогар Муроджон Аҳмадалиев (12-1, 9 КО) 14 декабрь куни Монте-Карлода навбатдаги жангини ўтказишидан хабарингиз бор.

Чарм қўлқоп устамиз Matchroom промоутерлик компанияси томонидан ташкил этилаётган проф бокс оқшомининг марказий жангида рингга кўтарилади. Жанг ярименгил вазнда вактинчалик WBA камари учун бўлиб ўтади.

Шу куни 29 ёшли боксчимиз мексикалик 27 ёшли Рикардо Эспиноса Франко (30-4, 25 КО)га қарши рингга чиқади. Бу боксчи WBA рейтингида 13-ўринни эгаллаб турибди. Рикардо Эспиноса Франко 2019 йилда енгил вазнда вақтинчалик WBO камари учун ҳам жанг ўтказган эди. Ўшанда у уч вазн тоифасида жаҳон чемпиони Жон Рил Касимерога 11-раундда нокаут билан ютқазганди.

Обуна бўлинг 👉 Телеграм

🇺🇿🇻🇪😔Шаҳобиддин Зоировга ғалабани беришмади

🇦🇪🥊Бирлашган Араб Амирликларининг Дубай шаҳридаги "The Agenda" мажмуасида бокс бўйича "IBA Чемпионлар оқшоми" бўлиб ўтди.

Оқшомнинг иккинчи асосий жангида чарм қўлқоп устамиз Шаҳобиддин Зоиров рингга кўтарилди. 31 ёшли Олимпиада чемпионига Венесуэла вакили Йоэль Финоль рақиблик қилди. 

Ўн раундлик жанг IBA Pro таснифидаги чемпионлик камари учун кечди. Тўлиқ давом этган жангда Йоэль Финоль ҳакамларнинг айри қарорига кўра 95-95, 96-94, 96-94 ҳисобида ғалабага эришди. 

💸IBA раҳбари мазкур жангнинг 5-раундигача нокаут эвазига ғалаба қозонган боксчи 1 млн долларлик мукофот пулига эга бўлишини айтганди. Бу бонус ҳеч бир боксчига насиб этмади.

Обуна бўлинг 👉 Телеграм

🇵🇭🇺🇸🥊Кун тарихи. Бундан 16 йил аввал, 2008 йилнинг шу куни АҚШнинг Лас-Вегас шаҳрида ўтган бокс оқшомида филиппинлик афсона Мэнни Пакьяо америкалик яна бир бокс "мэтри" Оскар Де Ла Хойяни мағлубиятга учратиб, уни нафақага кузатиб қўйганди.

Оскар де ла Хойянинг мураббийлари саккизинчи раундда жангни тўхтатишга мажбур бўлганди. Ўша пайтда Пакьяо ҳакамлар ҳисоб-китобига кўра 80-71, 79-72, 79-72 ҳисобида олдинда бораётганди.

💸Ушбу жанг учун 1,25 млн PPV, яъни пуллик трансляция сотилган бўлиб, у ташкилотчиларга 70 миллион АҚШ доллари миқдорида даромад келтирганди...

Обуна бўлинг 👉 Телеграм

🇺🇿👏Эдди Хирн: "Исроил катта ҳурматга лойиқ йигит"

🇬🇧🥊Matchroom Boxing промоутерлик компанияси раҳбари Эдди Хирн собиқ жаҳон чемпиони Исроил Мадримов (10-1-1, 7 КО) учун яна бир жанг тайинлангани ҳақида фикр билдирди.

"Мадримов Богачук билан жангда жароҳат олиши, қўлига шикаст етказиши ёки мағлуб бўлиши ҳам мумкин. Исроил Турки ал аш-Шейхга: "Илтимос, мени ҳам кардга қўшинг", деб қаттиқ туриб олмади. Жаноби олийларининг ўзи: "Агар ғалаба қозонсангиз, яна жанг қиласизми?" деб сўради ва Исроил: "Ҳа", деб жавоб берди.

Богачук билан жангга бир неча кун қолди. Демак, 21 декабрь куни кўрамиз, аммо Мадримов супер яримўрта вазн тоифасидаги барча энг яхши рақиблар билан жанг қилишни хоҳлайди. Агар у Кроуфорд, Богачук ва Ортисдан ўтиб олса, бу жуда ҳайратланарли серия бўлади. Бу йигит катта ҳурматга лойиқ", деди Хирн.

Эддининг сўзларидан маълум бўлишича, Исроил Мадримов 22 февраль куни Вержил Ортис билан жанг қилиши учун 21 декабрь куни Сергей Богачукни жароҳатсиз тарзда мағлуб этиши керак бўлади.

Обуна бўлинг 👉 Телеграм

🇺🇿🇺🇿Ўзбекистон Республикаси Конституциясининг 32 йиллиги муборак!

1992 йилнинг 8 декабрь куни Ўзбекистон Республикаси Олий Мажлиснинг 11-сессиясида мамлакатимизнинг Бош қомуси - Конституция қабул қилинган эди. Конституция эркин, озод ва обод ҳаётнинг бош кафолатидир. Бугун ушбу шонли санага 32 йил тўлди.

🇺🇿🥊Ўзбекистон профессионал бокс федерацияси юртдошларимизни бугунги байрам билан самимий муборакбод этади. Сизларни омад, бахт ва энг муҳими саломатлик ҳеч қачон тарк этмасин. Ҳар биримиз Ватанимиз равнақи учун ҳисса қўшишда давом этайлик!

✍️Ўзбекистон профессионал бокс федерацияси матбуот хизмати

Обуна бўлинг 👉 Телеграм

🇺🇿🇺🇦❌Исроил Мадримов - Сергей Богачук жанги бекор қилинди

Биринчи ўрта вазнда собиқ жаҳон чемпиони Исроил Мадримовнинг 21 декабрь кунига белгинланган жанги ўтказилмайдиган бўлди.

Чарм қўлқоп устамиз шу куни Саудия Арабистони пойтахти Ар-Риёд шаҳрида украиналик Сергей Богачукка қарши рингга чиқиши керак эди. Аммо ўткир бронхит, яъни Исроилнинг бетоблиги сабабли ушбу жанг бекор қилинди. Бу маълумотни жанг ташкилотчиси, Саудия Арабистони кўнгилочар бошқармаси бошлиғи Турки Ал аш-Шейх ҳам тасдиқлади.

"Бугун кечқурун шифокорлар Исроил Мадримовнинг ўткир бронхит билан касалланганини тасдиқлашди. Шу боисдан унинг Сергей Богачукка қарши 21 декабрь кунига белгиланган жанги ўтказилмайди. Исроилнинг ўрнини британиялик боксчи Исмаэль Салас эгаллайди. Мадримов эса энди 22 февраль куни вақтинчалик WBC чемпиони Вержил Ортисга қарши кечадиган жангига тайёргарлик кўради", - деди Ал аш-Шейх.

"Сергей ҳеч иккиланишсиз Мадримов билан жангга розилик берганди. Исроил бетоб бўлиб қолганидан жуда афсусдаман. Богачук янги берилган рақиб Исмаэль Саласни ҳам хотиржам қабул қилди. Сергей бу дивизиондаги кучли жангчи эканини исботлашда давом этади. У Турки Ал аш-Шейх ва Riyadh Season томонидан бўлаётган қўллаб-қувватловни ҳамиша ҳис қилиб туради", — дея вазиятга муносабат билдирди Сергей Богачукнинг промоутери Том Леффлер.

Обуна бўлинг 👉 Телеграм

🇺🇿🎼Ўзбекистон Республикаси давлат мадҳияси қабул қилинганига 32 йил тўлди!

Мадҳиямизга оид қонун 1992 йил 10 декабрда қабул қилинган бўлиб, ушбу мукаммал бадиий асар Ўзбекистон Қаҳрамони, халқ шоири Абдулла Орипов ҳамда атоқли санъат арбоби, беназир композитор Мутал Бурҳонов томонидан яратилган.

Дарҳақиқат, гарчи ким учундир баландпарвоз туюлсада, ўзи туғилиб ўсган мўътабар диёрга меҳр, ўз элига бўлган эҳтиромни шакллантиришда мадҳиямизнинг ўрни беқиёс. Спортчиларимиз шарафига халқаро ареналарда байроғимиз сарбаланд кўтарилиб, мадҳиямиз янграганида қалблар жунбушга келади. Бу туйғуни ўша онларда шоҳсупада турган спортчилар жуда яхши билишади.

Хусусан, бу йил Париж-2024 Олимпиадасида Ўзбекистон спортчилари шарафига Франция заминида давлатимиз мадҳияси 8 маротаба янгради.

🇺🇿Ҳамиша байроғимиз юксакда порлаб, мадҳиямиз янграйверсин!

Обуна бўлинг 👉 Телеграм

🇺🇦🇨🇺🥊Кун тарихи. Бундан 7 йил аввал, 2017 йилнинг шу куни украиналик Василий Ломаченко кубалик Гильермо Ригондони мағлубиятга учратиб, биринчи енгил вазнда ўзига тегишли WBO чемпионлик камарини муваффақиятли ҳимоя қилган эди. Жанг олтинчи раундда кубалик боксчининг мураббийлари томонидан тўхтатилганди. Жанг тўхтатилгунига қадар Лома 60-53, 59-54, 59-54 ҳисобларида ғалаба қозонаётган эди...

Обуна бўлинг 👉 Телеграм