🇺🇿🥊Исроил Мадримов: "Мен реванш истайман!”

Бугун фаолиятидаги илк мағлубиятини қабул қилган Исроил Мадримов Теренс Кроуфдордга қарши кечган жанг ҳақида ўз фикрини билдирди.

“У деярли барча жангларни нокаут билан ютган. Мен охиригача муносиб жанг қилдим ва ғалаба қозондим деб ўйлайман.

Мен реванш истайман. Жаноб Турки ал Шайҳдан реванш ташкил этишни сўрайман. Мен жангни назорат қилдим ва буни барча кўрди. Бундан буён ҳам шу темпда иштирок этишга ҳаракат қиламан.

Тўғри, Теренс дунёнинг энг зўр боксчиси. Мен эса 10 та жанг ўтказганман. Лекин муносиб жанг қилдим деб ўйлайман. Мени қўллаб-қувватлаган барчага раҳмат. Ин Ша Аллоҳ янада кучли бўлиб қайтаман", - деди Мадримов. 

Обуна бўлинг 👉 Телеграм

🇺🇸🥊✅Кун тарихи. 1966 йилнинг шу куни афсонавий Муҳаммад Али Брайан Лондонни учинчи раундда нокаутга учратиб, супероғир вазнда ўзига тегишли чемпионлик камарини бешинчи бор муваффақиятли ҳимоя қилган эди…

Обуна бўлинг 👉 Телеграм

🇧🇷🇦🇷🥊Кун тарихи. 2003 йилнинг 9 август куни бразилиялик Аселино Фрейтас аргентиналик даъвогар Хорхе Барриосни мағлубиятга учратиб, биринчи енгил вазн тоифасида ўзига тегишли WBA ва WBO чемпионлик камарларини муваффақиятли ҳимоя қилган эди…

Обуна бўлинг 👉 Телеграм

🇺🇿🤲Дуода гап кўп. Исроил Мадримов Баҳодир Жалоловнинг финал жангини ҳаяжон билан кузатиб борди…

Обуна бўлинг 👉 Телеграм

🇺🇿🥊Одилжон Аслоновда навбатдаги ғалаба

Суперўрта вазндаги проф боксчимиз Одилжон Аслонов Россия Федерациясининг Екатеринбург шаҳрида бўлиб ўтган "RCC Boxing" оқшомида рингга кўтарилди.

Турнирда ҳамюртимизга россиялик Сергей Горохов рақиблик қилди. Саккиз раунд этиб белгиланган жанг тўлиқ давом этди ва унда Аслонов 80:72, 80:72, 80:72 ҳисобидаги ғалабасини нишонлади.

Бу 29 ёшли Одилжон учун проф боксдаги 9-жангида қўлга киритган 8-ғалабаси бўлди. Унинг ҳисобида битта дуранг ҳам бор. Горохов эса 26-жангидаги 9-мағлубиятини қабул қилиб олди.

Обуна бўлинг 👉 Телеграм

🇺🇿🥊Фарғона шаҳри проф бокс мухлисларини ўз бағрига чорлайди

16 август куни "Янги Ўзбекистон" массиви амфитеатрида профессионал бокс кечаси ўтказилади.

Ali Boxing промоутерлик компанияси томонидан "Қурувчилар куни"га бағишлаб "Ҳоким соврини" учун ташкил этилаётган бокс оқшомидан бир-биридан қизиқарли жанглар ўрин олган.

Кечанинг марказий жангида қўқонлик Аббосхон Йўлдошев тожикистонлик Рамазан Табаровга қарши рингга кўтарилади. 15 август куни барча боксчилар иштирокида face to face ҳамда тарозидан ўтиш маросимлари бўлиб ўтади.

✍️Ўзбекистон профессионал бокс федерацияси матбуот хизмати

Обуна бўлинг 👉 Телеграм

🇺🇸🥊❌Теренс Кроуфорд WBO камаридан воз кечди

Америкалик мутлақ жаҳон чемпиони Теренс Кроуфорд яримўрта вазн тоифасидаги WBO чемпионлик камарини вакант қолдирди.

Хабарда келтирилишича, эгасиз қолган камар америкалик бошқа бир боксчи Брайан Норманга топширилади. У WBO йўналишида вақтинчалик камар соҳиби бўлиб турганди. Энди Норман ушбу чемпионлик камарининг тўлақонли эгасига айланди. Теренс айнан шу вазнда мутлақ жаҳон чемпиони эди.

Эслатиб ўтамиз, Кроуфорд сўнгги жангини 4 август тонгида ҳамюртимиз Исроил Мадримовга қарши ўтказиб, ҳакамларнинг баҳсли қарорига кўра ғалаба қозонганди. У проф рингда ўтказган 41 та жангининг барчасида зафар қучган. Ҳисобида 31 та нокаут бор. Теренс яримўрта вазнда 9 бор чемпион бўлган. Норман эса 28 жангида 26 та ғалабага эришган.

Обуна бўлинг 👉 Телеграм