🇺🇿🥊Исроил Мадримов The Ring рейтингида иккинчи ўринга кўтарилди

Супер ярим ўрта вазн тоифаси WBA йўналишида собиқ жаҳон чемпиони Исроил Мадримов дунёга машҳур The Ring рейтингида кўтарилишга муваффақ бўлди.

Рейтингнинг биринчи поғонаси Мадримов устидан очколар ҳисобига кўра ғалаба қозонган Теренс Кроуфордда қолди.

✅The Ring рейтинги Топ-10:

1. Теренc Кроуфорд (АҚШ)
2. Исроил Мадримов (Ўзбекистон)
3. Себастьян Фундора (АҚШ)
4. Виржил Ортис (АҚШ)
5. Тим Цзю (Австралия)
6. Сергей Богачук (Украина)
7. Эриксон Лубин (АҚШ)
8. Хесус Рамос (АҚШ)
9. Чарльз Cонуелл (АҚШ)
10. Брайан Мендоза (АҚШ).

Обуна бўлинг 👉 Телеграм

🇺🇿🥊Икки боксчимиз Россияда камар учун жанг қилади

🇷🇺6 сентябрь куни Россия Федерациясининг Челябинск шаҳрида RCC Boxing промоутерлик компаниясининг навбатдаги профессионал бокс оқшоми ташкил этилади.

Таъкидлаш жоиз, оқшом доирасида тўрт нафар ўзбекистонлик тажрибали боксчилар рингга кўтарилишади. Уларнинг икки нафари ўз вазнларида IBF Intercontinental камарлари учун жанг қилишлари аҳамиятлидир.

Иккинчи энг енгил вазнда IBF Intercontinental камари учун кечадиган жанг бухоролик Муҳаммад Шехов (14-0-1) Осиёнинг кучли чарм қўлқоп усталаридан бири Зонг Лиу (Хитой, 19-1-0) билан тўқнаш келади. Шехов ўз жангларига Ўзбекистон ва Россия байроқларида чиқиб келади.

Оқшомнинг марказий жанги енгил вазн тоифасида россиялик Заур Абдуллаев (19-1, 11 KOs) ҳамда аргентиналик Хуан Хавьер Карраско (20-1, 12 KOs) ўртасида бўлиб ўтади. Жанг ғолиби IBF рейтингида иккинчи ўринга кўтарилиб олади ва катта эҳтимол билан кейинги жангини камар учун ўтказади.

🇺🇿🥊Ҳамюртларимиз иштирокидаги жанглар:

✅Иккинчи энг енгил вазнда IBF Intercontinental камари учун: Муҳаммад Шехов (14-0-1) - Зонг Лиу (Хитой, 19-1-0)

✅Иккинчи ўрта вазнда IBF Intercontinental камари учун: Улуғбек Собиров (14-3-0) - Павел Сильягин (Россия, 14-0-1)

✅Биринчи ярим ўрта вазнда: Жаҳонгир Расулов (7-0-1) - Иван Козловский (Россия, 9-0-0)

✅Ўрта вазнда: Баҳромжон Фозилов (10-3-3) - Жамбулат Бижамов (Россия, 1-0-0).

Обуна бўлинг 👉 Телеграм

🇺🇿🥊Исроил Мадримов: "Кейинги жангим ҳам камар учун бўлади"

Супер яримўрта вазн тоифасида собиқ WBA чемпиони кейинги режалари билан ўртоқлашди.

"Кейинги жангим ҳам камар учун бўлади, фақат бошқа йўналишда. Ўшанда Кроуфорд жанг тугаганидан кейин жамоаси билан келиб, жанг учун раҳмат айтганди. Чунки у 8 йилдан буён 12 раундлик жанг ўтказмаган эди. Кейинги жангларимга омад тилади ва истеъдодли экансан, деди.

У билан фақатгина рингда рақибмиз, унинг ташқарида эса яхши ҳамкасб бўлиб олдик, десам ҳам бўлади. Бу жангимда бошқаларига қараганда ўзимни анча яхши ҳис қилдим. Балки, орзуимдаги жанг бўлганлиги учун шундай бўлгандир", - деди Мадримов.

Обуна бўлинг 👉 Телеграм

🇺🇿Бекзод Исадуллаев проф боксдаги 10-ғалабасини қўлга киритди

🇺🇿🥊Бироз аввал пойтахтимиздаги "Dream park" (собиқ Ғофур Ғулом боғи) истироҳат боғида профессионал бокс кечаси ташкил этилди.

Akhmat Boxing Promotions промоутерлик компанияси томонидан ўтказилган оқшомнинг марказий жанги яримўрта вазн (66,7 кг) тоифасида мағлубият нималигини билмай келаётган фарғоналик Бекзод Исадуллаев (10-0-0,8 КО) ҳамда бухоролик Шоҳруҳ Ашуров (3-9-1) ўртасида бўлиб ўтди. Ушбу жангда Исадуллаев 5-раундда техник нокаут эвазига ғалаба қозонди. Бу унинг проф рингдаги 10-ғалабаси бўлди.

Обуна бўлинг 👉 Телеграм

🎁🎂Ферузбек Йўлдошевни табриклаймиз!

🇺🇿🥊Akhmat Fight Promotion промоутерлик компанияси раҳбари Ферузбек Йўлдошев яна бир ёшга улғайди.

Ферузбек ёш бўлишига қарамай, бир нечта профессионал бокс кечаларини муваффақиятли ташкил этишга муваффақ бўлди. Ўзи ҳам проф боксчилик фаолиятида айтишга арзигулик ютуқларга эришган. Рамзан Кадиров раҳбарлик қиладиган Akhmat клуби билан яқин ҳамкорлик ўрнатган.

Фурсатдан фойдаланиб, Ўзбекистон профессионал бокс федерацияси раҳбарияти, реферилар, мураббийлар ва боксчилар номидан шукрона кунини нишонлаётган Ферузбек Йўлдошевни чин қалбдан муборакбод этамиз. Унга мустаҳкам соғлик, оилавий бахт, промоутерлик фаолиятида улкан муваффақиятлар тилаймиз.

✍️Ўзбекистон профессионал бокс федерацияси матбуот хизмати

Обуна бўлинг 👉 Телеграм

🎁🎂Қудратилло Абдуқаҳҳоров 31 ёшда!

🇺🇿🥊Бугун профессионал боксчимиз Қудратилло Абдуқаҳҳоров ҳам ўз шукрона кунини нишонлаяпти.

Чарм қўлқоп устамиз 1993 йил 29 август куни Андижон вилоятининг Қўрқонтепасида дунёга келган. Бокс билан 7 ёшидан шуғулланишни бошлаган. Профессионал боксдаги дебют жангини 2015 йилнинг 18 октябрь куни Тимур Смирновга қарши ўтказиб, рақибини техник нокаутга учратган.

Проф рингда The Punisher номи остида рингга кўтарилади. Ёрқин ғалабалари қаторига собиқ жаҳон чемпиони Луис Коллацони мағлуб этганини қўшиш ўринли бўлади.

🇺🇿🤲Ўзбекистон профессионал бокс федерацияси бугун таваллуд айёмини нишонлаётган Қудратилло Абдуқаҳҳоровни унутилмас кун билан муборак этади. Унинг фаолиятида фақат ғалабали онлар, ҳаётида қувончли кунлар кўп бўлишини тилаймиз.

✍️Ўзбекистон профессионал бокс федерацияси матбуот хизмати

Обуна бўлинг 👉 Телеграм