🇺🇸🇺🇿🇰🇿Проф бокс янгиликлари: Бектемирнинг вазнидаги қозоқ боксчисида навбатдаги ғалаба, Фултондан эса ўзгачаси!

🇺🇸🥊Кеча АҚШнинг Невада штати Лас-Вегас шаҳрида навбатдаги профессионал бокс оқшоми ташкил этилди.

Турнирнинг марказий жангида мексикалик Сауль Альварес АҚШ вакили Эдгар Берлангани мағлуб этди.

✅Бундан ташқари, оқшом доирасида ўрта вазндаги 41 ёшли боксчи Эрисланди Лара 36 ёшли собиқ жаҳон чемпиони Дэнни Гарсияга қарши рингга кўтарилди ва тўққизинчи раундда муддатидан олдин ғалаба қозониб, WBA чемпионлик камарини ўзида сақлаб қолди.

✅Муроджон Аҳмадалиевнинг вазнидаги собиқ чемпион Стивен Фултон Карлос Кастрога қарши жангда нокдаун ҳолатига тушганига қарамай, очколар ҳисобига кўра ғолибликни қўлга киритди (96-93, 95-94, 94-95).

✅Биринчи ярим ўрта вазн тоифасидаги собиқ жаҳон чемпиони Роландо Ромеро эса Мануэль Жеймсга қарши кечган жангда ҳакамларнинг якдил қарори ила ғолиб деб топилди.

✅Ўрта вазн тоифасидаги боксчи Калеб Плант Тревер Маккамби билан жангда тўққизичи раундда ғалаба қозонди ва WBA Interim камарига эга чиқди.

✅Бектемир Мелиқўзиев билан бир вазнда фаолият олиб бораётган қозоғистонлик Бек Нурмаганбет ҳам айнан мазкур оқшомда рингга кўтарилди. У америкалик Жошуа Конли билан баҳс олиб борди ва иккинчи раундда техник нокаут эвазига ғалаба қозонди. Бу 26 ёшли Бек учун фаолиятидаги 12-жангида қўлга киритилган 12-ғалаба бўлди.

Обуна бўлинг 👉 Телеграм

🇺🇿🇯🇵🔥Мадримов Муроджон Аҳмадалиевнинг Наоя Иноуэга қарши эҳтимолий жанги ҳақида гапирди

Супер ярим ўрта вазн тоифасида собиқ WBA чемпиони Исроил Мадримов иккинчи энг енгил вазнда собиқ жаҳон чемпиони Муроджон Аҳмадалиев ҳамда амалдаги чемпион Наоя Иноуэ жанги ҳақида фикр билдирди.

"Иноуэ қочяпти. У билади, бу вазнда Муроджон энг қийин рақиб ва биз кўриб турибмиз-ки, Муроджон Аҳмадалиев уни бемалол юта олади. Шу боисдан ҳам у бошқа рақибларни танлаяпти. Жангдан очиқчасига қочяпти, десак ҳам бўлади. Чунки камар ҳозир унда. Вазият қандай бўлишини энди кўрамиз.

Лекин ишонамиз-ки, Муроджон Аҳмадалиев яна ўз мавқеини тиклаб, Ўзбекистонга камарларни олиб келади. Бу бироз кейинроқ бўлиши мумкин. Сабаби, Иноуэ қочяпти. Қачонки, Наоя кетмасдан, барча камарларини ҳимоя қилса, Муроджон Аҳмадалиев ундан барча титулларини тортиб олиши мумкин", деди Исроил Мадримов.

Аввалроқ, "Matchroom" промоутерлик компанияси раҳбари Эдди Хирн WBA'нинг Наоя Иноуэ ва Муроджон Аҳмадалиев жанги учун яна бир бор буйруқ бергани ҳақида маълум қилган эди.

Обуна бўлинг 👉 Телеграм

🇬🇧🥊👀Энтони Жошуа - Даниэль Дюбуа face to face маросимида юзма-юз келишди

"Matchroom Boxing" ва "Quensberry" промоутерлик компаниялари "Riyadh Season" ташкилоти билан ҳамкорликда 21 сентябрь куни Лондон (Буюк Британия) шаҳрида катта профессионал бокс оқшоми ўтказади.

Кечанинг марказий жанги супероғир вазн тоифасида собиқ жаҳон чемпиони Энтони Жошуа ҳамда унинг ватандоши Даниэль Дюбуа ўртасида кечади. Ўн икки раундлик жанг ғолиби Александр Усик вакант қолдирган IBF чемпионлик камари учун кечади. Бокс оқшоми "Уэмбли" стадионида бўлиб ўтади.

Кеча британиялик боксчилар турнирнинг медиа тадбирлари доирасида face to face маросимида ўзаро юзма-юз келишди.

Обуна бўлинг 👉 Телеграм

🇺🇸👀Майк Тайсон ва Жейк Пол жангга икки ой қолганда учрашишди

Америкалик бокс афсонаси Майк Тайсон ҳамда блогер-боксчи Жейк Пол жангга икки ой қолган бир пайтда face to face маросимида юзма-юз келишди.

Аввалроқ, ушбу жангнинг 15 ноябрь кунига кўчирилгани ҳақида хабар берган эдик. Бокс турнири олдиндан белгиланганидек, АҚШнинг Техас штати Арлингтон шаҳрида бўлиб ўтади.

Аслида жанг 20 июль куни ўтказилиши керак эди. Лекин 57 ёшли Тайсоннинг соғлиғидаги муаммо сабаб жанг кечроқ муддатга кўчирилганди.

Обуна бўлинг 👉 Телеграм

🇵🇱🇺🇦👮‍♂️Кутилмаган ҳолат: Усик Польшада қамоққа олинди!

Кеча тунда Польшанинг Краков аэропортида украиналик профессионал боксчи, супероғир вазн тоифасида жаҳон чемпиони Александр Усикни ҳибсга олишди.

Маълум бўлишича, чарм қўлқоп устаси ўзи билан бирга тақиқланган препаратлар сирасига кирувчи анаболик стероидларни олиб ўтмоқчи бўлган. Александр текширувдан сўнг қўйиб юборилган.

🌐Унинг ўзи Инстаграм саҳифаси орқали қуйидагиларни ёзиб қолдирди:

"Тушунмовчилик бўлди. Тез орада ҳал қилинди. Самарали қўллаб-қувватлаганликлари учун Украина дипломатларига раҳмат. Польша полициясига эса бўйи, вазни, бойлиги ва қиёфасини ҳисобга олмасдан ўз вазифаларини бажарганликлари учун ҳурмат. Ҳаммаси учун Худога шукур".

Обуна бўлинг 👉 Телеграм

🇺🇸🥊✅Кун тарихи. Бундан роппа-роса 20 йил аввал, 2004 йилнинг шу куни Бернард Хопкинс 9-раундда афсонавий Оскар Де Ла Хойяни нокаутга учратган эди. Бу билан Хопкинс WBO камарини қўлга киритиш баробарида ўрта вазн тоифасининг мутлақ чемпионига айланганди.

✍️Жанг тўхтатилган пайтда Хопкинс икки ҳакам ҳисоб-китобига кўра 79-73 ва 78-74 ҳисобида олдинда бораётганди. Учинчи ҳакам эса ғалабани Де Ла Хойяга тақдим этаётган бўлган — 77-75.

📺Ушбу жанг учун миллиондан ошиқ PPV, яъни пуллик трансляция сотилган бўлиб, бу ташкилотчиларга 60 млн доллар соф даромад олиб келганди.

💸Бернард Хопкинснинг бу жанг учун гонорари $10 млн, Оскарники эса — $30 млн долларни ташкил этган эди.

Обуна бўлинг 👉 Телеграм