🇺🇿🛫🇵🇱Шерзод Ҳусанов Польшага жўнаб кетди, у эртадан кейин марказий жангда рингга чиқади

🇵🇱🥊20 сентябрь куни Польшанинг Хойнице шаҳрида профессионал бокс турнири ўтказилади.

Биз учун аҳамиятлиси, Babilon Promotion промоутерлик компанияси томонидан ташкил этилаётган ушбу бокс оқшомининг марказий жангида ҳамюртимиз Шерзод Ҳусанов рингга кўтарилади. Тажрибали боксчимиз польшалик Павел Степинга қарши жанг ўтказади. Ҳусанов мураббийлари билан бирга Польшага жўнаб кетди.

Таққослаш учун, 34 ёшли мезбон боксчи проф фаолияти давомида 21 та жанг ўтказиб, 19 ғалаба, 1 та мағлубият ва 1 та дуранг қайд этган. Ўн иккита жангда рақибларини муддатидан аввал таслим этган. Фаолиятидаги 20 та жангини ўз ватанидаги бокс оқшомларида ўтказган. Фақат бир маротаба Англиянинг Бирмингем шаҳрида ташкил этилган бокс кечасида британиялик таниқли чарм қўлқоп устаси Жошуа Буатсига қарши рингга чиқиб, мағлубиятга учраган.

Шу йил январь ойида 44 ёшини қаршилаган, 2007 йилдан бери проф рингда жанг ўтказиб келаётган Шерзод Ҳусановнинг ҳисобида 28 та жанг бор. У 24 ғалаба (12 нокаут), 3 мағлубият ва 1 дуранг натижа қайд этган. У шу йил апрель ва май ойларида Андижонда ўтган проф бокс кечаларида мос равишда Одилжон Жўрабоев ва Ғиёсбек Мамажоновни мағлубиятга учратган.

✍️Ўзбекистон профессионал бокс федерацияси матбуот хизмати

Обуна бўлинг 👉 Телеграм

🇺🇿🇵🇱🥊Бугун Шерзод Ҳусанов Польшада жанг ўтказади, у тарозидан ўтиб олди

Бугун Польшанинг Хойнице шаҳрида профессионал бокс турнири бўлиб ўтади.

Биз учун аҳамиятлиси, Babilon Promotion промоутерлик компанияси томонидан ташкил этилаётган ушбу бокс оқшомининг марказий жангида ҳамюртимиз Шерзод Ҳусанов рингга кўтарилади. Тажрибали боксчимиз польшалик Павел Степинга қарши жанг ўтказади. Кеча тунда ҳар икки боксчи тарозидан ўтиш ҳамда face to face маросимларидан муваффақиятли тарзда ўтиб олди. Боксчилар белгиланган вазн меъёрини бажаришди.

Таққослаш учун, 34 ёшли мезбон боксчи проф фаолияти давомида 21 та жанг ўтказиб, 19 ғалаба, 1 мағлубият ва 1 та дуранг қайд этган. Ўн иккита жангда рақибларини муддатидан аввал таслим этган. Шу йил январь ойида 44 ёшини қаршилаган, 2007 йилдан бери проф рингда жанг ўтказиб келаётган Шерзод Ҳусановнинг ҳисобида 28 та жанг бор. У 24 ғалаба (12 нокаут), 3 мағлубият ва 1 дуранг натижа қайд этган.

✍️Ўзбекистон профессионал бокс федерацияси матбуот хизмати

Обуна бўлинг 👉 Телеграм

🇬🇧🥊👀Энтони Жошуа ва Даниэль Дюбуа сўнгги "стердаун"ни ўтказишди

Эртага Лондон шаҳридаги муҳташам "Уэмбли" стадионида профессионал бокс турнири ўтказилади.

Оқшомнинг марказий жангида британиялик супероғир вазн тоифаси вакиллари - IBF, WBA, WBO ва IBO йўналишларида собиқ жаҳон чемпиони Энтони Жошуа ҳамда вақтинчалик IBF камари соҳиби Даниэль Дюбуа ўзаро тўқнаш келади. Ушбу жанг тўлақонли IBF чемпионлик камари учун ўтказилади. Бир муддат аввал қолган барча камарлар соҳиби Александр Усик бу титулни вакант қолдирган эди.

Кеча боксчилар сўнгги бор face to face маросимида юзма-юз келишди. Шунингдек, матбуот анжумани ҳам ташкил этилди. Унда икки британияликдан ташқари, уларнинг промоутерлари Эдди Хирн ва Фрэнк Уоррен ҳам иштирок этди ҳамда журналистларни қизиқтирган саволларга жавоб берди. "Уэмбли" стадионидаги оқшом учун чиқарилган 96 мингта чиптанинг бари аллақачон сотиб бўлинган.

Маълумот учун, 26 ёшли Даниэль Дюбуа профессионал боксда 2017 йилда дебют қилган. 2022 йилнинг июнь ойида америкалик Тревор Брайанни нокаутга учратиб, WBA Regular камарини қўлга киритган. Шу йил июнь ойида Дюбуа хорватиялик Филипа Хрговичга илк мағлубиятни тақдим этиш баробарида вақтинчалик IBF чмпионига ҳам айланган эди.

Энтони Жошуа ҳозира 34 ёшда. У ҳаваскорлар ўртасида Лондон-2012 Олимпиадаси чемпиони ҳисобланади. Профессионал рингда 2013 йилда дебют қилган. 2016 йилнинг апрелида илк бор жаҳон чемпиони бўлган. Кейин эса украиналик Владимир Кличко, сўнгра Янги Зеландия боксчиси Жозеф Паркерни мағлубиятга учратиб, учта жаҳон чемпионлик камарларини ўз қўлида бирлаштирган.

Обуна бўлинг 👉 Телеграм