🇺🇿🥊Аббосхон Йўлдошев бир ҳафтадан кейин Тошкентда жанг ўтказади

Пойтахтимизда яна бир профессионал бокс турнири ўтказилади.

🥊Buka Promotion компанияси томонидан ташкил этилаётган бокс оқшоми 20 октябрь куни бўлиб ўтади. Унинг доирасида қўқонлик Аббосхон Йўлдошев Шерзоджон Ҳабибовга қарши рингга кўтарилади. Бу турнирнинг асосий жанги бўлади.

Маълумот учун, Йўлдошев сўнгги жангини 16 август куни Ali Boxing промоутерлик компанияси томонидан ташкил этилган бокс оқшомида тожикистонлик Рамазан Табаровга қарши ўтказиб, биринчи раунддаёқ рақибини техник нокаутга учратганди.

✍️Ўзбекистон профессионал бокс федерацияси матбуот хизмати

Обуна бўлинг 👉 Телеграм

🇷🇺🔥Дмитрий Бивол ва Артур Бетербиев ўртасида яримоғир вазн тоифаси мутлақ жаҳон чемпионлиги учун кечган жангнинг 7-раунди шунчаки ёнганди...

Обуна бўлинг 👉 Телеграм

🇬🇧🥊Энтони Жошуа - Даниэль Дюбуа реванш жанги санаси маълум

Британиялик супероғир вазн тоифаси боксчилари Энтони Жошуа ва Даниэль Дюбуа ўртасидаги реванш жанги тасдиқланди.

Ушбу жанг 2025 йилнинг 22 февраль куни Саудия Арабистони пойтахти Ар-Риёд шаҳрида ўтказилади. Бу ҳақда Саудия Арабистони кўнгилочар бошқармаси раҳбари, бугунги кундаги энг катта промоутерга айланган Турки Ал аш-Шейх хабар берди. Айнан унинг ўзи боксчиларнинг илк жангини ҳам ташкил қилганди.

21 сентябрь куни Лондондаги "Уэмбли" стадионида 90 мингдан зиёд томошабин кўз ўнгида ўтган жангда Даниэль Дюбуа номдор рақибини бешинчи раундда нокаутга учратиб, тўлақонли IBF чемпионлик камарини қўлга киритганди. Жанг тўхтатилгунига қадар Дюбуа уч бор Жошуани нокдаун ҳолатига ҳам тушириб қўйган эди.

Ўша ғалабадан кейин Даниэль Дюбуа Александр Усик - Тайсон Фьюри жанги ғолибига қарши рингга чиқиш учун бош даъвогарга айланганди. Усик ва Фьюри ўртасидаги иккинчи жанг 21 декабрь куни Ар-Риёд шаҳрида бўлиб ўтади.

Обуна бўлинг 👉 Телеграм

🇺🇸🇺🇿🥊Бектемир Мелиқўзиев АҚШда спарринг машғулотларини бошлади

Хабар берганимиздек, ўрта вазн тоифасидаги профессионал боксчимиз Бектемир Мелиқўзиев кейинги жангини 2 ноябрь куни ўтказади.

Унга АҚШнинг Лас-Вегас шаҳридаги "Theatre at Virgin Hotels" мажмуасида ташкил этиладиган бокс оқшомида америкалик Дэвид Стивенс рақиблик қилади.

Ҳамюртимиз мазкур жанг учун Америка Қўшма Штатларида тайёргарликни бошлаб юборди. У бунга қадар бир муддат юртимизда машғулот ўтказган эди.

Маълумот учун, айни пайтда Бектемир Мелиқўзиев ҳамда унинг бўлажак рақиби Дэвид Стивенснинг ҳисобида бир хил - 14 тадан ғалаба ва 1 тадан мағлубият бор.

Обуна бўлинг 👉 Телеграм

🇺🇦🇺🇿🥊Сергей Богачук: "Мадримов Теренс Кроуфордни мағлуб этганди"

Украиналик профессионал боксчи Сергей Богачук супер яримўрта вазн тоифасида собиқ жаҳон чемпиони Исроил Мадримов билан жанг ҳақида ўз фикрлари билан ўртоқлашди.

"Исроил жуда зўр, истеъдодли боксчи, ҳаваскордаги фаолияти ҳам яхши натижаларга бой бўлган. У ҳам ҳаваскор, ҳам проф боксда айтишга арзигулик ютуқларга эришди.

Исроил фақат Кроуфордга мағлуб бўлган. Лекин америкалик боксчи жангда Исроилдан кучлироқ эди ва ғалаба қозонганди деб ўйламайман. У рефери қўлини кўтариши учун ҳеч нарса қилмади. Мен учун ўша жангда Мадримов ҳақиқий чемпион бўлганди.

Исроил фаолияти давомида жуда кучли рақиблар билан жанг қилишга муваффақ бўлган. Мен учун у билан жанг жуда яхши тажрибага айланади. Биз чемпионмиз", деди Сергей.

Эслатиб ўтамиз, Исроил Мадримов ва Сергей Богачук ўртасидаги жанг 21 декабрь куни Саудия Арабистони пойтахти Ар-Риёд шаҳрида Александр Усик - Тайсон Фюри реванш жангининг андеркардида бўлиб ўтади.

Обуна бўлинг 👉 Телеграм

🇺🇿🇯🇵🥊Муроджон Аҳмадалиев IBF'га шикоят билан чиқди ва Наоя Иноуэга мурожаат қилди

Профессионал боксчимиз, икки йўналишда собиқ жаҳон чемпиони Муроджон Аҳмадалиевнинг адвокати Пэт Инглиш япониялик мутлақ чемпион Наоя Иноуэ билан бўлаётган мунозараларга ойдинлик киритди.

"Биз бу пуллик реклама таклифларига, Сэм Гудман Иноуэнинг навбатдаги рақиби бўлишига қаршимиз. Муроджон Аҳмадалиев узоқ вақтдан бери WBA чемпионлик камари учун мажбурий даъвогар бўлиб келган. Буйруққа кўра, Наоянинг кейинги жанги WBA камари учун мажбурий даъвогар билан бўлиши керак.

Биз WBA'дан мажбурий ҳимоя жангини ташкил этилишини талаб қилдик. Биз таҳдид қилмоқчи эмасмиз, лекин жаноб Иноуэ WBA'нинг мажбурий ҳимоясидан қочишга ҳаракат қилса, биз қонуний чоралар кўрамиз.

Агар жаноб Иноуэ WBA чемпионлик унвонидан воз кечмоқчи бўлса, биз унинг Аҳмадалиевдан бошқаси билан жанг қилишига тўсқинлик қилмаймиз, лекин биз ҳозир содир бўлаётган воқеаларга қаршимиз. Кимдир ёки бирор ташкилот жаноб Аҳмадалиевнинг ҳуқуқларини поймол этаётганига қаршимиз", деб ёзди Инглиш.

Аҳмадалиев жамоаси бу мурожаати билан IBF ташкилотидан Наоя Иноуэ ҳамда мажбурий даъвогар Сэм Гудман жангига буйруқ бермасликни сўраган.

Обуна бўлинг 👉 Телеграм

🇺🇿🥊Ҳасанбой Дўсматовнинг укаси Фарёзбек проф боксдаги учинчи ғалабасини қўлга киритди

🇰🇷Корея Республикаси пойтахти Сеул шаҳрида профессионал бокс оқшоми ташкил этилди.

Оқшом доирасида бир неча ўзбекистонлик боксчилар, жумладан, икки карра Олимпиада чемпиони Ҳасанбой Дўсматовнинг укаси Фарёзбек Дўсматов ҳам рингга кўтарилди.

20 ёшли иқтидор эгасига проф боксдаги учинчи жангида кореялик Санг Хён Ох (9-4-1) рақиблик қилди. 55 кг вазн тоифасида ташкил этилган жанг тўлиқ 8 раунд давом этди ва унда ҳамюртимиз очколар ҳисобига кўра ғалаба қозонди. Бу Фарёзбекнинг проф боксдаги учинчи ғалабасига бўлди.

🇺🇿🥊✅Турнир доирасида жанг қилган қолган боксчиларимиз ҳам ғалабага эришишди:

Енгил вазн: Сирочбек Исмоилов (7-0) - Жи Суб Оҳ (Корея Республикаси, 8-1-1), (2-раундда КО)

Ярим енгил вазн: Шаҳзодбек Шаробиддинов (7-2-0) - Янг Жи Ким (Корея Республикаси, 7-2-0), (8-раундда ТКО)

Ўрта вазн: Эгамберди Нуриддинов (6-0-1) - Маниш (Ҳиндистон 6-2-1), (2-раундда ТКО).

Обуна бўлинг 👉 Телеграм

🇺🇸🇺🇿🥊Теренс Кроуфорд: "Мадримов Фундорани спаррингда нокаутга учратган"

Америкалик проф боксчи, супер яримўрта вазнда WBA чемпиони Теренс Кроуфорд ҳамюрти Себастьян Фундора ҳақида гапирди.

"Менга Себастьян Фундорага қарши жанг таклифи келди. Агар Фундора менинг Мадримов билан жангимни муҳокама қилган ҳолда обрў орттирмоқчи бўлса, унда мен ҳам бир сирни айтишим керак. Эшитишимча, Исроил Мадримов спаррингда Фундорани нокаут қилган", деди Кроуфорд.

Обуна бўлинг 👉 Телеграм

🇷🇺🥊IBF Бетербиевга камар ҳимояси учун мажбурий даъвогар берди

Халқаро бокс федерацияси (IBF) ташкилотнинг яримоғир вазн тоифасидаги чемпиони Артур Бетербиевга рақиб берди.

Россиялик мутлақ жаҳон чемпиони IBF камарини германиялик мажбурий ва расмий даъвогар Михаэл Айфертдан ҳимоя қилиши керак. Айферт проф боксдаги фаолияти давомида 14 та жанг ўтказиб, 13 ғалаба ва 1 мағлубият қайд этган. Жангларининг 5 тасида рақибларини муддатидан аввал мағлуб этган.

Артур Бетербиев эса бир неча кун аввал мутлақ жаҳон чемпионлиги учун кечган жангда ватандоши Дмитрий Биволни ҳакамларнинг ғалати қарорлари туфайли мағлубиятга учратганди. Қирол Артур 21 та жангининг барчасида зафар қучган. Ҳисобида 20 та нокаут бор.

Обуна бўлинг 👉 Телеграм

🎁🎂Федерациямиз раҳбари Умид Якубовни табриклаймиз!

🇺🇿🥊Бугун Ўзбекистон профессионал бокс федерацияси раиси, ўзбек спорти, хусусан профессионал бокси ривожига катта ҳисса қўшиб келаётган тажрибали мутахассис Умид Якубов ўз таваллуд айёмини нишонламоқда.

Умид Якубов федерация раиси сифатида катта ҳажмдаги ислоҳотларни амалга оширишга эришди ва бу жараён бугунги кунда ҳам жадал суратларда давом этмоқда. Бутунжаҳон бокс иттифоқи (WBC) билан кенг қамровдаги ҳамкорлик йўлга қўйилди. Юртимиз бўйлаб мунтазам профессионал бокс кечалари ўтказилмоқда. Ўтган йили ноябрь ойида Тошкент шаҳри тарихда илк бор WBC ташкилотининг йиллик Конвенциясига мезбонлик қилди. Тадбир сабаб Ўзбекистонга жаҳон бокси афсоналари ташриф буюрди.

Фурсатдан фойдаланиб, Ўзбекистон профессионал бокс федерацияси оиласи номидан Умид Якубовни бугунги унутилмас кун билан муборакбод этамиз. У кишига узоқ умр, сиҳат-саломатлик, оилавий бахт тилаймиз!

✍️Ўзбекистон профессионал бокс федерацияси матбуот хизмати

Обуна бўлинг 👉 Телеграм

🇷🇺🇦🇺⚖️Тим Цзю ва Бахрам Муртазалиев тарозида ўтиб олди

🇺🇸🥊Бизнинг вақт билан эртага тонгда АҚШнинг Орландо шаҳрида профессионал бокс кечаси бўлиб ўтади.

Оқшомнинг марказий жанги биринчи ўрта вазн тоифасида собиқ жаҳон чемпиони Тимофей Цзю ҳамда ушбу вазнда амалдаги IBF чемпиони Бахрам Муртазалиев ўртасида ўтказилади. Муртазалиев эртанги жангда ўз камарини ҳимоя қилади.

Боксчилар жангдан олдин расмий тарозидан ўтиш маросимида ҳозир бўлишди. Иккала боксчи ҳам белгиланган вазн меъёрини бажаришди. Чемпион Муртазалиева 69,3 кг, даъвогар Цзю эса 69,6 кг. тош босди.

Эслатиб ўтамиз, кичик Цзю фаолиятидаги ягона мағлубиятини шу йил март ойида WBC ва WBO йўналишлари чемпиони Себастьян Фундорадан қабул қилиб олганди. Америкалик боксчи ҳакамларнинг айри қарори билан Тимни мағлубиятга учратган эди.

Муртазалиев эса ўз чемпионлик камарини илк бор ҳимоя қилади. Россиялик боксчи шу йилнинг апрель ойида Жек Кулькайни 11-раундда техник нокаутга учратиб, IBF чемпионига айланганди.

Обуна бўлинг 👉 Телеграм

🎁🎂Афсонавий Руслан "Оқ Тайсон" Чагаев 46 ёшда!

🇺🇿Бугун супероғир вазн тоифасида собиқ жаҳон чемпиони Руслан Чагаев ўз таваллуд айёмини нишонламоқда.

Афсонавий чарм қўлқоп устамиз бугун 46 ёшни қарши олди. Руслан Чагаев 1978 йил 19 октябрда Андижонда туғилган. Проф фаолияти давомида 38 та жанг ўтказиб, уларнинг 34 тасида ғалаба қозонган (21 таси нокаут билан), битта жангда дуранг қайд этилган.

Ҳаваскор боксда Осиё ва икки карра жаҳон чемпиони. Профессионал рингда эса 2007 йил Николай Валуевни мағлубиятга учратиб, супероғир вазн тоифаси WBA йўналишида жаҳон чемпионига айланган. 2016 йилнинг 17 октябрида фаолиятини якунлаган.

Ўзбекистон профессионал бокс федерацияси Руслан Чагаевни бугунги унутилмас кун билан муборакбод этамиз. Унга узоқ умр, сиҳат-саломатлик тилаймиз!

Обуна бўлинг 👉 Телеграм