🇷🇺🇦🇺🥊Бахрам Муртазалиев Тимофей Цзюни нокаут эвазига мағлуб этди

🇺🇸🥊Бугун тонг саҳарда АҚШнинг Орландо шаҳрида профессионал бокс турнири бўлиб ўтди.

Оқшомнинг марказий жанги биринчи ўрта вазн (69,9 кг.гача) тоифасида амалдаги IBF чемпиони россиялик Бахрам Муртазалиев ҳамда австралиялик собиқ чемпион Тимофей Цзю ўртасида ўтказилди.

Ўн икки раундлик чемпионлик жанги бироз кутилмаган натижа билан якунланди. Муртазалиев учинчи раундда номдор рақибини техник нокаут эвазига мағлубиятга учратди. Бу 31 ёшли Бахрам учун илк чемпионлик ҳимоя жанги бўлди. Собиқ мутлақ жаҳон чемпиони Константин Цзюнинг ўғли бўлган 29 ёшли Тим фаолиятида илк бор нокаут билан ютқазди.

Эътиборлиси, Муртазалиев иккинчи раунднинг ўзида уч бор Цзюни нокдаун ҳолатига тушириб қўйганди. Учинчи раунд олдидан Цзю шифокор кўригида ҳам бўлди. Тўртинчи нокдаундан кейин Тим Цзюнинг секундантлари жангни тўхтатишга мажбур бўлишди.

Эслатиб ўтамиз, шу йилнинг март ойида Тимофей Цзю америкалик Себастьян Фундорага ютқазиб, WBO чемпионлик камарини қўлда чиқарганди. Цзю ҳисобида 24 ғалаба ва 2 мағлубият бор. Муртазалиев эса бугун 23-ғалабасини тантана қилди. Нокаутли ғалабалари сони 16 тага етди. У мағлубият ва муроса нималигини билмай келяпти.

Обуна бўлинг 👉 Телеграм

🇷🇺🇦🇺🥊Россиялик IBF чемпиони Бахрам Муртазалиев ҳамда австралиялик собиқ чемпион Тимофей Цзю иштирокидаги жангнинг ёрқин лаҳзалари. Келиб чиқиши россиялик бўлган Тим Цзю фаолиятида илк бор нокаут билан ютқазди. Бу унинг фаолиятидаги иккинчи мағлубият бўлди. У бундан аввалги жангида америкалик Себастьян Фундорага ютқазиб, чемпионлик камаридан маҳоум бўлганди...

Обуна бўлинг 👉 Телеграм

🇺🇿🥊Бугун Тошкентда навбатдаги профессионал бокс турнири ўтказилади

🥊Buka Promotion компанияси томонидан ташкил этилаётган бокс оқшомининг марказий жангида қўқонлик Аббосхон Йўлдошев Шерзоджон Ҳабибовга қарши рингга кўтарилади. Турнирдан жами 13 та жанг ўрин олган.

Маълумот учун, Йўлдошев сўнгги жангини 16 август куни Ali Boxing промоутерлик компанияси томонидан ташкил этилган бокс оқшомида тожикистонлик Рамазан Табаровга қарши ўтказиб, биринчи раунддаёқ рақибини техник нокаутга учратганди.

✍️Ўзбекистон профессионал бокс федерацияси матбуот хизмати

Обуна бўлинг 👉 Телеграм

🇺🇿🇺🇿21 октябрь - ўзбек тилига давлат тили мақоми берилган кун!

1989 йил 21 октябрда Давлат тили ҳақидаги қонуннинг қабул қилиниши Ўзбекистон учун Мустақиллик сари қўйилган дастлабки қадам бўлганди. Айнан шу тарихий ҳужжатга биноан ўзбек тили мустаҳкам ҳуқуқий асос ва юксак мақомга эга бўлди.

Тил инсонларнинг нафақат ўзаро алоқа воситаси, балки маънавияти, маърифати ҳамдир. Ўзбек тили халқимиз учун миллий ўзлигимиз, мустақил давлатимиз тимсолидир.

Ўзбекистон профессионал бокс федерацияси юртдошларимизни ўзбек тилига давлат тили мақоми берилганига 35 йил тўлиши муносабати билан муборакбод этади.

✍️Ўзбекистон профессионал бокс федерацияси матбуот хизмати

Обуна бўлинг 👉 Телеграм

🇺🇿🥊Аббосхон Йўлдошев марказий жангда ютқазиб қўйди

🥊Кеча оқшом Buka Promotion компанияси томонидан ташкил этилган бокс оқшомининг асосий жангида қўқонлик Аббосхон Йўлдошев Шерзоджон Ҳабибовга қарши рингга кўтарилди.

Муросасиз кечган жангда ғолиб ҳакамлар қарорига кўра аниқланди. Унда Ҳабибоб жангда фаворит ҳисобланган рақибини очколар ҳисоби билан мағлубиятга учратишга муваффақ бўлди.

✍️Ўзбекистон профессионал бокс федерацияси матбуот хизмати

Обуна бўлинг 👉 Телеграм

🇯🇵🥊✅Наоя Иноуэнинг жанг санаси расман тасдиқланди

🇯🇵🇦🇺Иккинчи энг енгил вазн тоифасида мутлақ жаҳон чемпиони Наоя Иноуэ IBF йўналиши бўйича австралиялик мажбурий даъвогар Сэм Гудман билан жанг қилади.

Бу ҳақда Top Rank промоутерлик компанияси раҳбари Боб Арум ижтимоий тармоқлардаги саҳифаси орқали маълум қилди. Унга кўра, жанг 24 декабрь куни Японияда ташкил этилади.

Жанг аввалроқ эълон қилинган эди, аммо расмий тасдиқлов йўқ эди. Шу сабабли бир ҳафта олдин IBF (Халқаро бокс федерацияси) раҳбарияти томонларни жанг санаси ва жойини ошкора эълон қилишга чақирганди.

Маълумот учун, мазкур вазндаги ўзбекистонлик боксчи Муроджон Аҳмадалиев Наоянинг WBA камари учун даъвогар ҳисобланади.

Обуна бўлинг 👉 Телеграм

🇺🇸🇺🇿🥊Бектемир Мелиқўзиевнинг АҚШдаги жангига 😀😇 кун қолди

Ўрта вазн тоифасидаги профессионал боксчимиз Бектемир Мелиқўзиев навбатдаги жангини 2 ноябрь куни ўтказади.

Унга АҚШнинг Лас-Вегас шаҳридаги "Theatre at Virgin Hotels" мажмуасида ташкил этиладиган бокс оқшомида америкалик Дэвид Стивенс рақиблик қилади. Ушбу жангга роппа-роса 10 кун вақт қолди...

Обуна бўлинг 👉 Телеграм

🇺🇦🇺🇿🥊Промоутер Сергей Богачук - Исроил Мадримов жангига тахмин билдирди

Таниқли промоутер Том Леффлер ўз мижози, украиналик Сергей Богачукнинг собиқ жаҳон чемпиони Исроил Мадримовга қарши бўлажак жанги ҳақида гапирди.

Эслатиб ўтамиз, ушбу жанг 21 декабрь куни Саудия Арабистони пойтахти Ар-Риёд шаҳрида бўлиб ўтади.

"Мадримов Богачук учун яна бир қийин рақиб, аммо ўйлайманки бу Сергей учун ғалабали жанг бўлади. Бу унинг учун яна бир катта имконият. Агар у Мадримовни мағлуб эта олса, бу унинг Брайан Мендоса ва Виржил Ортисга қарши жанглар билан биргаликда ажойиб йил ўтказганини англатади.

Эсингизда бўлсин, ўша пайтда Виржил Ортис 20 та нокаут билан 20:0 ҳисобида рекорд ўрнатган ва одамлар уни Богачукни нокаутга учратишини кутишганди. Аммо Богачук уни икки марта нокдаунга туширганида, бу одамларнинг кўзини очганди.

Ҳозир кўпчилик Богачукни бу жангда аутсайдер сифатида кўрмоқда, лекин мен унинг ғалаба қозонишига ишончим комил. Бу фикрларни Сергей билан ишлаганим учун билдирмаяпман. Унинг имкониятларини яқиндан билганим учун айтяпман", дея Леффлернинг сўзларини келтиради Boxing Scene.

Обуна бўлинг 👉 Телеграм

🇷🇺🥊IBF ташкилоти Артур Бетербиевдан мажбурий ҳимоя талабини олиб ташлади

Аввалроқ, ташкилот Артурнинг германиялик мажбурий ва расмий даъвогар Михаэл Айферт билан жанг қилиши ҳақида хабар берганди.

Ушбу талаб бекор қилинди ва эндиликда Артур сўнгги рақиби Дмитрий Бивол билан реванш жангини эртароқ ўтказиши мумкин бўлади.

Реванш жангининг 2025 йилнинг октябрь ойида ўтказилши тахмин қилинмоқда.

Обуна бўлинг 👉 Телеграм

🇺🇿🥊The Ring янгиланган рейтингни эълон қилди. Мадримов ўз ўрнида қолди

Дунёга машҳур The Ring журнали октябрь ойи учун янгиланган рейтингни эълон қилди.

Супер яримўрта вазн тоифаси рейтингида профессионал боксчимиз, WBA йўналишида собиқ жаҳон чемпиони Исроил Мадримов ўтган ойдаги сингари иккинчи ўринда қайд этилди.

Австралиялик Тим Цзюни мағлуб этган россиялик Бахрам Муртазалиев рейтингга илк бор киритилиб, 3-ўринга жойлаштирилди. Цзюнинг ўзи эса 5-ўриндан 7-поғонага тушиб кетди.

✅The Ring рейтинги:

1. Теренc Кроуфорд (АҚШ)

2. Исроил Мадримов (Ўзбекистон)

3. Бахрам Муртазалиев (Россия)

4. Себастьян Фундора (АҚШ)

5. Виржил Ортис (АҚШ)

6. Сергей Богачук (Украина)

7. Тим Цзю (Австралия)

8. Хесус Рамос (АҚШ)

9. Чарльз Конуелл (АҚШ)

10. Брайан Мендоза (АҚШ).

Обуна бўлинг 👉 Телеграм

🇬🇧🇺🇸🥊Леннокс Льюис Майк Тайсон билан реванш жангини ўтказиш ниятида

Британиялик собиқ жаҳон чемпиони Леннокс Льюис афсонавий Майк Тайсонга реванш беришга тайёрлигини маълум қилди.

Льюиснинг сўзларига кўра, у якуний қарорни Тайсоннинг Жейк Пол билан жангидан кейин қабул қилади.

"Аввал Майкнинг бўлажак жангда қандай ҳолатда бўлишини кўриб олайлик. Шундан кейин мен якуний жавобимни айтаман", деди Льюис.

Льюис ва Тайсон ўртасидаги жанг 2002 йилнинг ёзида бўлиб ўтган ва ўшанда Леннокс саккизинчи раундда нокаут эвазига ғалаба қозонганди.

Обуна бўлинг 👉 Телеграм

🇺🇦🇬🇧Усик ва Фьюри реванш жанги олдидан face to face маросимида тўқнаш келишди

Супероғир вазнда учта асосий йўналиш чемпиони украиналик Александр Усик ҳамда британиялик Тайсон Фьюри ўртасидаги реванш жанги 21 декабрь куни Саудия Арабистони пойтахти Ар-Риёд шаҳрида бўлиб ўтади.

Кеча боксчилар face to face маросимида юзма-юз келишди ва ҳар доимгидек Фьюри ўз ҳазили билан барчага табассум улашди.

Бу боксчилар ўртасида кечган илк жанг 18 май куни айнан Ар-Риёдда ўтказилиб, унда украиналик боксчи очколар ҳисобига кўра ғалаба қозонган ҳамда мултақ жаҳон чемпионига айланган эди. Тўққизинчи раундда Усик рақибини нокдаун ҳолатига ҳам тушириб қўйганди.

Обуна бўлинг 👉 Телеграм

🇺🇿🇺🇦📹Исроил Мадримов Сергей Богачукка қарши жанг учун тайёргарликларни юртимизда давом эттирмоқда

🇸🇦Жанг 21 декабрь куни Ар-Риёд шаҳрида ўтказилади...

Обуна бўлинг 👉 Телеграм

🇯🇵🇦🇺🥊✅Расман! Наоя Иноуэнинг навбатдаги жанги тасдиқланди

Иккинчи энг енгил вазн тоифасида япониялик мутлақ жаҳон чемпиони Наоя Иноуэ декабрь ойида рингга қайтади.

У 24 декабрь куни Токио шаҳрида ташкил этиладиган бокс оқшоми доирасида австралиялик даъвогар Сэм Гудмандан IBF чемпионлик камарини ҳимоя қилишга уриниб кўради.

Иноуэнинг WBA камарига мажбурий даъвогар бўлиб турган ҳамюртимиз Муроджон Аҳмадалиевнинг эса декабрь ойида WBA Interim камари учун жанг қилиши айтилмоқда.

Обуна бўлинг 👉 Телеграм

🇺🇿🇺🇿25 октябрь — Ўзбекистон Ички ишлар органлари ходимлари куни!

Бугун Ўзбекистон Ички ишлар органлари ташкил этилганига 34 йил тўлди.

Сана муносабати билан Ўзбекистон профессионал бокс федерацияси юртимиз тинчлиги, осойишталиги йўлида туну кун хизмат қилаётган ички ишлар органи ходимларини бугунги касб байрами билан муборакбод этади. Барчангизга мустаҳкам соғлик, оилавий бахт ва тинчлик тилаймиз!

Байрамингиз муборак бўлсин, тинчлик посбонлари!

✍️Ўзбекистон профессионал бокс федерацияси матбуот хизмати

Обуна бўлинг 👉 Телеграм