🇺🇿🥊Бугунги бокс оқшомидан 10 та жанг ўрин олган

Хабар берганимиздек, бугун Қарши шаҳрида профессионал бокс кечаси бўлиб ўтади.

"Геолог" спорт мажмуаси мезбонлик қиладиган проф бокс оқшомидан жами 10 та жанг ўрин олган. Қашқадарё вилояти ҳокими соврини учун ташкил этилган турнирнинг марказий жанги бухоролик Азамат Эргашев ҳамда мезбонлар вакили Баҳром Давуров ўртасида ўтказилади.

🇺🇿🥊Бугунги бокс оқшомининг тўлиқ карди:

1. Нормурод Султонов (Қарши) - Шаҳзод Исмоилов (Чироқчи)

2. Айюбхон Бахтиёров (Андижон) - Бунёдбек Эркинов (Наманган)

3. Муҳаммадризо Бозорбоев (Андижон) - Ҳожиакбар Ҳамидов (Қарши)

4. Фаррух Жўраев (Қарши) - Сирож Қаюмов (Самарқанд)

5. Мирзабек Муртазоев (Қарши) - Ҳайитбек Пўлатов (Фарғона)

6. Озодбек Нуриддинов (Наманган) - Забардаст Ҳаётов (Бухоро)

7. Жонибек Жўраев (Бухоро) - Асадбек Солижонов (Андижон)

8. Абдулҳамид Азимов (Андижон) - Раҳматилло Шарифов (Бухоро)

9. Абдували Бўрибоев (Андижон) - Ғайратжон Исоқов (Бухоро)

10. Азамат Эргашев (Бухоро) - Баҳром Давуров (Қарши)

✅Маълумот учун, Нормурод Султонов - Шаҳзод Исмоилов, Жонибек Жўраев - Асадбек Солижонов ва Абдулҳамид Азимов - Раҳматилло Шарифов жанглари кўргазмали мақомда ўтказилади.

✍️Ўзбекистон профессионал бокс федерацияси матбуот хизмати

Обуна бўлинг 👉 Телеграм

🇺🇿🎙Бугун Оскар Дуартега қарши жанг ўтказадиган Ботир Аҳмедов ўз фикрлари билан ўртоқлашди

Биринчи яримўрта вазн тоифасида ўз жангларини ўтказиб келаётган ҳамюртимиз Ботир Аҳмедов (10-3, 9 КО) бугун Саудия Арабистони пойтахти Ар-Риёд шаҳрида ташкил этиладиган проф бокс оқшомида рингга чиқади.

Чарм қўлқоп устамиз WBA камари учун Элиминатор жангида мексикалик Оскар Дуарте (27-2-1, 22 КО)га қарши рингга кўтарилади. Тахминан соат 22:00дан кейин жанги бошланадиган Аҳмедов ўз фикрини билдирди.

Обуна бўлинг 👉 Телеграм

🇺🇿🇲🇽Ботир Аҳмедовнинг мексикалик Оскар Дуартега қарши кечадиган жангига таминан 20 дақиқа қолди...

Обуна бўлинг 👉 Телеграм

🇺🇿🇲🇽🥊Статистик маълумот эълон қилинди: Ботир Аҳмедов ҳакамлар қурбонига айланди

🇸🇦Кеча Саудия Арабистони пойтахти Ар-Риёд шаҳрида Riyadh Season доирасида навбатдаги профессионал бокс турнири бўлиб ўтди.

Биз учун аҳамиятлиси, унинг доирасида "Мир Бокса" промоутерлик компанияси мижози бўлган чарм қўлқоп устамиз Ботир Аҳмедов ҳам ўз жангини ўтказди. Ҳамюртимиз мексикалик Оскар Дуартега қарши рингга кўтарилди. Ўн раунд тўлиқ давом этган Элиминатор мақомидаги жанг якунида ҳакамлар ғайри табиий равишда ғалабани Оскарга тақдим этишди.

Уччала ҳакам ушбу жангда Дуарте 98-92, 97-93, 96-94 ҳисобида ғалаба қозонганини эътироф этди. Лекин эълон қилинган статистик маълумотлар жангда Аҳмедов мағлубиятга лойиқ эмаслигини кўрсатмоқда. Боксчимизнинг аниқ зарбалари рақибига қараганда сезиларли даражада кўпроқ бўлган 480 га 375!

Қизиғи, ҳакамлардан бири 10 та раунддан бор йўғи 2 тасини ҳамюртимизга берган. Жанг якунланганидан кейин америкалик таниқли боксчи Габриэль Росадо Аҳмедов ҳакамлар қарори қурбони бўлганини айтди. Жанг ташкилотчиси афсонавий Оскар Де Ла Хойя ҳам шу фикрда эканини баён қилди ва зудлик билан реванш жанги ўтказилиши урғулади.

Обуна бўлинг 👉 Телеграм

🇺🇿Ўзбекистон байроғи 33 ёшда!

🇺🇿Бугун давлатимиз суверенитетининг рамзларидан бири – мустақил Ўзбекистон Республикасининг «Давлат байроғи тўғрисида»ги қонуни қабул қилинганига 33 йил тўлди.

«Ўзбекистон Республикасининг Давлат Мустақиллиги асослари тўғрисида»ги қонуннинг 16-моддасида «Ўзбекистон Республикаси ўз тараққиёт йўлини, ўз номини аниқлайди, ўз давлат рамзларини: герби, байроғи, мадҳиясини таъсис этади, ўз давлат тилини белгилайди. Ушбу қонуний асосга биноан 1991 йил 18 ноябрда «Ўзбекистон Республикасининг Давлат байроғи тўғрисида»ги қонун қабул қилинди. Давлатимиз байроғи илк бор Бирлашган Миллатлар Ташкилоти биноси қошида тенглар ичра тенг бўлиб ҳилпиради.

Мана 33 йилдирки, халқаро спорт майдонларида ғалабамиз шарафига юрт байроғи энг юксакда ҳилпираб, қалбларимизни чексиз ғурур-ифтихорга тўлдирмоқда. Кўкда ҳилпираган байроқ эса музаффарият белгисидир!

🇺🇿🥊Ўзбекистон профессионал бокс федерацияси бугун байрам билан юртдошларимизни муборакбод этади.

✍️Ўзбекистон профессионал бокс федерацияси матбуот хизмати

Обуна бўлинг 👉 Телеграм

🇺🇦🇺🇿🥊Сергей Богачук Исроил Мадримовга қарши жанг учун Мексикада тайёргарлик кўряпти

Биринчи яримўрта вазн тоифасидаги украиналик боксчи Сергей Богачук (24-2, 23 КО) ушбу вазндаги собиқ чемпион Исроил Мадримов (10-1-1, 7 КО)га қарши бўлажак жангга тайёргарлик ҳақида гапирди.

— Мадримовга қарши жангга қандай тайёргарлик кўряпсиз?

— Ҳозирда тайёргарлик яхши кетмоқда, биз Мексикадамиз. Бу ерда йиғин ўтказяпмиз. Бу ерга бир неча кун олдин келдик. Йиғин 4 ҳафта давом этади. Кейин биз бир ҳафталик машғулот учун Лос-Анжелесга учамиз, кейин Саудия Арабистонига борамиз. У ерда икки ҳафталик йиғин ўтказамиз, кейин эса Мадримов билан жанг.

— Спарринг шерикларингиз кимлар?

— Биз Лос-Анжелесдан ўз залимиздаги йигитларни йиғинга олиб келдик. Улар боксда яхши натижаларга эришган мексикаликлар ҳисобланишади. Айтишим мумкинки, улар жуда қизиқ спарринг-ҳамкорлар.

Эслатиб ўтамиз, Сергей Богачук ва Исроил Мадримов ўртасидаги жанг 21 декабрь куни бўлиб ўтади.

Обуна бўлинг 👉 Телеграм