🇺🇿🎼Ўзбекистон Республикаси давлат мадҳияси қабул қилинганига 32 йил тўлди!

Мадҳиямизга оид қонун 1992 йил 10 декабрда қабул қилинган бўлиб, ушбу мукаммал бадиий асар Ўзбекистон Қаҳрамони, халқ шоири Абдулла Орипов ҳамда атоқли санъат арбоби, беназир композитор Мутал Бурҳонов томонидан яратилган.

Дарҳақиқат, гарчи ким учундир баландпарвоз туюлсада, ўзи туғилиб ўсган мўътабар диёрга меҳр, ўз элига бўлган эҳтиромни шакллантиришда мадҳиямизнинг ўрни беқиёс. Спортчиларимиз шарафига халқаро ареналарда байроғимиз сарбаланд кўтарилиб, мадҳиямиз янграганида қалблар жунбушга келади. Бу туйғуни ўша онларда шоҳсупада турган спортчилар жуда яхши билишади.

Хусусан, бу йил Париж-2024 Олимпиадасида Ўзбекистон спортчилари шарафига Франция заминида давлатимиз мадҳияси 8 маротаба янгради.

🇺🇿Ҳамиша байроғимиз юксакда порлаб, мадҳиямиз янграйверсин!

Обуна бўлинг 👉 Телеграм

🇺🇦🇨🇺🥊Кун тарихи. Бундан 7 йил аввал, 2017 йилнинг шу куни украиналик Василий Ломаченко кубалик Гильермо Ригондони мағлубиятга учратиб, биринчи енгил вазнда ўзига тегишли WBO чемпионлик камарини муваффақиятли ҳимоя қилган эди. Жанг олтинчи раундда кубалик боксчининг мураббийлари томонидан тўхтатилганди. Жанг тўхтатилгунига қадар Лома 60-53, 59-54, 59-54 ҳисобларида ғалаба қозонаётган эди...

Обуна бўлинг 👉 Телеграм

🇺🇿🥊Расман! Қудратилло Абдуқаҳҳоров 15 декабрь куни Мексикада жанг қилади

Супер яримўрта вазн тоифасида ўз жангларини ўтказиб келаётган Қудратилло Абдуқаҳҳоровнинг навбатдаги жанги эълон қилинди.

🇲🇽Унга кўра, 31 ёшли чарм қўлқоп устамиз 15 декабрь тонгида Мексиканинг Тихуана шаҳрида ташкил этиладиган профессионал бокс оқшоми доирасида рингга кўтарилади.

Абдуқаҳҳоровга ўша куни мексикалик тажрибали Хорхе Гарсия Перес рақиблик қилади. Жанг турнирнинг иккинчи асосий тўқнашуви (co main event) бўлади.

Тихуанадаги бокс оқшомининг марказий жанги мексикалик Хайме Мунгия ва Франция вакили Бруно Сюрейс ўртасида кечади.

Маълумот учун, Қудратилло Абдуқаҳҳоров (20-3-0) сўнгги жангини май ойида грециялик Андреас Кацуракисга қарши ўтказиб, ҳакамларнинг нозолис қарори бўйича очколар ҳисобига кўра мағлуб бўлганди. 27 ёшли Гарсия Перес фаолияти давомида 35 та жанг ўтказиб, 31 ғалаба, 4 мағлубият қайд этган.

Обуна бўлинг 👉 Телеграм

🇺🇿🇲🇽⚖️Муроджон Аҳмадалиев рақибидан енгилроқ тош босди

🇲🇨Эртага Монте-Карлода профессионал бокс турнири ўтказилади.

Оқшом доирасида ярименгил вазнда собиқ жаҳон чемпиони Муроджон Аҳмадалиев (12-1, 9 КО) мексикалик Рикардо Эспиноса Франко (30-4, 25 КО)га қарши рингга кўтарилади.

Бироз аввал боксчилар расмий тарозидан ўтиш маросимида ҳозир бўлишди. 30 ёшли Аҳмадалиев тарозида 54,9 кг, 27 яшар мексикалик эса 55,15 кг вазн қайд этди. Иккала боксчи ҳам белгиланган вазн меъёрини бажаришди.

Эслатиб ўтамиз, эртанги 12 раундлик жанг вақтинчалик WBA чемпионлик камари учун кечади.

Обуна бўлинг 👉 Телеграм

🇺🇿🥊Шоҳжаҳон Абдуллаев Германияда проф рингдаги учинчи ғалабасини тантана қилди

🇩🇪Германиянинг Гамбург шаҳрида WBC'нинг 62-Конвенцияни доирасида навбатдаги профессионал бокс кечаси ташкил этилди.

Биз учун аҳамиятлиси, Universum Box Promotion промоутерлик компанияси томонидан ўтказилган проф бокс оқшоми доирасида ҳамюртимиз Шоҳжаҳон Абдуллаев ҳам рингга кўтарилди.

Оғир вазн тоифасидаги чарм қўлқоп устамизга Босния ва Герцеговиния вакили Жамал Босняк рақиблик қилди. Олти раундга мўлжалланган жанг тўлиқ давом этди ва унда ҳакамларнинг якдил қарори (60-53, 60-53, 60-53) билан Абдуллаев ғалаба қозонди.

Маълумот учун, Шоҳжаҳон Абдуллаев проф рингда 3 та ўтказиб, барчасида ғалаба қозонган. Иккита жангида рақибларини муддатидан аввал мағлуб этган. Босняк эса профессионал боксда 7 ғалаба, 8 мағлубият ва 1 дуранг натижа қайд этган.

Обуна бўлинг 👉 Телеграм

🇩🇪🥊Гамбург шаҳри WBC 62-Конвенциясига мезбонлик қилди

8-14 декабрь кунлари Германиянинг Гамбург шаҳрида Бутунжаҳон бокс иттифоқи (WBC)нинг ҳисоб бўйича 62-Конвенцияси бўлиб ўтди.

Нуфузли тадбирда Ўзбекистон профессионал бокс федерациясининг бир гуруҳ расмийлари ҳам иштирок этишди. Ёдингизда бўлса, ўтган йили ноябрь ойида Тошкент шаҳрида WBC 61-Конвенцияси ювори савияда ташкил этилган ва бу халқаро ҳамжамиятнинг эътирофига сазовор бўлган эди.

WBC президенти Маурисио Сулейман бошчилик қилган Гамбург Конвенциясида бир нечта йўналишдаги муҳим масалалар муҳокама марказида бўлди. Якунига етиб бораётган 2024 йил сарҳисоби ҳамда 2025 йилги мавсум режалари кўриб чиқилди.

Обуна бўлинг 👉 Телеграм