🇺🇿😍Муроджон Аҳмадалиевнинг WBA Interim камари...

Обуна бўлинг 👉 Телеграм

🇬🇧🇺🇦👀Фьюри ва Усик face to face маросимида

🇸🇦Хабарингиз бор, 21 декабрь куни Саудия Арабистони пойтахти Ар-Риёд шаҳрида 2024 йилнинг сўнгги катта проф бокс турнири бўлиб ўтади.

Оқшомнинг асосий жангида супероғир вазн тоифасида WBC, WBA ва WBO йўналишлари чемпиони украиналик Александр Усик ҳамда собиқ WBC камари соҳиби британиялик Тайсон Фьюри ўзаро тўқнаш келишади. Бироз аввал боксчилар face to face маросимида рўбарў келишди...

Обуна бўлинг 👉 Телеграм

🎁🎂Адҳам Икрамовни табриклайминз!

🇺🇿🇺🇿Бугун Ўзбекистон Республикаси Спорт вазири Адҳам Икрамов ўз таваллуд кунини нишонламоқда.

Икрамов Адҳам Илҳамович 1968 йил 20 декабрь куни Тошкент шаҳрида дунёга келган. Оилали, уч фарзанднинг меҳрибон отаси. Ихтисослиги бўйича шифокор. Меҳнат фаолиятини Академик В.Воҳидов номидаги Республика ихтисослаштирилган хирургия марказида бошлаган. Турли йилларда Соғлиқни сақлаш вазири, Бош вазир ўринбосари, Савдо-саноат палатаси раиси лавозимларида самарали фаолият олиб борган. 2022 йилнинг 18 февралидан то шу кунгача Ўзбекистон Республикаси Спорт вазири лавозимида меҳнат қилиб келяпти.

Адҳам Икрамовнинг кўп йиллик меҳнати давлатимиз томонидан муносиб тақдирланган. У Президент фармонига кўра "Фидокорона хизматлари учун", "Меҳнат шуҳрати" орденлари, "Ўзбекистон Республикасида хизмат кўрсатган соғлиқни сақлаш ходими" фахрий унвони билан мукофотланган.

Ўзбекистон спортчилари 2016 ва 2024 йилларда Рио ҳамда Париж Олимпиадаларида айнан Адҳам Икрамов бошчилигида тарихдаги энг катта ютуқларга эришган. Ҳар икки Олимпия ўйинларида ҳам бугун туғилган кунини нишонлаётган Адҳам Икрамов Ўзбекистон спорт делегацияси раҳбари сифатида тўрт йилликнинг энг нуфузли мусобақасига борган эди.

Ўзбекистон профессионал бокс федерацияси Адҳам Илҳамовични бугунги унутилмас кун билан муборакбод этади. У кишига узоқ умр, сиҳат-саломатлик тилаймиз.

✍️Ўзбекистон профессионал бокс федерацияси матбуот хизмати

Обуна бўлинг 👉 Телеграм

🇺🇸🥊✅Кун тарихи. 26 йил аввал, 1998 йилнинг шу куни Флойд Мейвезер биринчи енгил вазн тоифасидаги WBC чемпионлик камарини ҳимоя қилганди. Ўшанда америкалик боксчи Энджэл "El Diablo" Манфридини иккинчи раундда техник нокаутга учратган эди...

Обуна бўлинг 👉 Телеграм

🇺🇦🇬🇧⚖️Усик ва Фьюри тарози ҳамда сўнгги face to face маросимида юзма-юз келди

Тайсоннинг вазни 127,5 кг, Александрнинг вазни — 102,5 кг.

Обуна бўлинг 👉 Телеграм

🔥ЖАНГ КУНИ!

🇺🇦Александр Усик - Тайсон Фьюри🇬🇧
📍Саудия Арабистони, Ар-Риёд
⏰Бошланиш вақти: 03:30дан сўнг (22 декабрга ўтар кечаси)

🗣Жонли эфир: SPORT UNIVERSAL

Каналга обуна бўлинг ва жангни томоша қилинг

Обуна бўлинг: Universal

🇺🇦🇬🇧🥊Усик иккинчи жангда ҳам Фьюрини мағлуб этди

🇸🇦Бироз аввал Саудия Арабистони пойтахти Ар-Риёд шаҳрида 2024 йилнинг сўнгги катта проф бокс турнири якунига етди.

Оқшомнинг асосий жангида супероғир вазн тоифасида WBC, WBA, WBO ва IBO йўналишлари чемпиони украиналик Александр Усик ҳамда собиқ WBC камари соҳиби британиялик Тайсон Фьюри ўзаро тўқнаш келишди.

Жанг 12 раунд тўлиқ давом этди ва унда ҳакамларнинг якдил қарори билан Усик ғалаба қозонди. Уччала ҳакам ҳам 116:112 ҳисобидаги ғалабани украиналик чемпионга тақдим этди. AND STILL!!!

Обуна бўлинг 👉 Телеграм

🇺🇦🇬🇧✍️Александр Усик - Тайсон Фьюри жанги ҳакамлари ҳужжатидан кўчирма

✅Уччала ҳакам ҳам раундлар бўйича 8-4 ҳисобида Усикка ғалаба тақдим этган...

Обуна бўлинг 👉 Телеграм

🇬🇧🇺🇦🎅Тайсон Фьюри: "Усик ҳакамлардан Рождество совғасини олди"

Британиялик собиқ жаҳон чемпиони Тайсон Фьюри реванш жангидаги мағлубиятига изоҳ берди.

🇸🇦У Ар-Риёдда ўтган проф бокс оқшомида WBC, WBA ва WBO йўналишлари чемпиони украиналик Александр Усикка очколар ҳисобига кўра имкониятни бой бериб қўйганди.

"Рингда Усикнинг руҳиятини сездимми? Мен қандайдир Рождество байрами руҳияти ва шукуҳини ҳис қилдим. Ўйлайманки, Усик бу оқшом ҳакамлардан Рождество совғасини қабул қилиб олди", — дея Фьюрининг сўзларидан иқтибос келтиради журналист Майк Коппингер.

Обуна бўлинг 👉 Телеграм

🇺🇿🇺🇸🥊Сергей Богачук: "Жанг 12 раунд давом этади ва унда Мадримов ғалаба қозонади"

Супер яримўрта вазн тоифасида украиналик боксчи Сергей Богачук собиқ жаҳон чемпиони Исроил Мадримов (10-1-1, 7 КО) ва WBC Interim чемпиони Виржил Ортис (22-0, 21 КО) ўртасидаги жанг ҳақида гапирди.

— Сизнингча, Мадримов Кроуфордни мағлуб этганмиди?

— Ҳа. Мадримов фаолроқ, ақллироқ эди ва у жангда ғалаба қозонганди. Бу менинг фикрим.

— Исроил Ортисни мағлуб эта оладими?

— Ўйлайманки, жанг 12 раунд давом этади ва унда Мадримов ғалаба қозонади. Мен келажакда Исроил Мадримов билан учрашишга тайёрман.

Эслатиб ўтамиз, Исроил Мадримовнинг Вержил Ортисга қарши жанги 2025 йилнинг 22 февраль куни Саудия Арабистони пойтахти Ар-Риёд шаҳрида бўлиб ўтади. Ушбу оқшомнинг марказий жангида икки рус боксчилари Артур Бетербиев ва Дмитрий Бивол реванш мақомидаги баҳсда тўқнаш келади.

Обуна бўлинг 👉 Телеграм

🇬🇧🥊Тайсон Фьюри келгуси фаолияти бўйича қарор қабул қилди

Супероғир вазн тоифасида собиқ WBC чемпиони Тайсон Фьюри кейинги фаолияти ҳақида берилган саволга жавоб берди.

Британиялик боксчи украиналик Александр Усикка қарши кечган реванш жангида ҳам мағлубият аламини тотиб кўрганди. The Mirror нашринининг хабар беришича, "Циганлар қироли" ҳали бери фаолиятини якунламайди. Бу ҳақда унинг ўзи оиласи ва жамоасига айтан.

Бир муддат аввал оғир вазнда собиқ UFC чемпиони Фрэнсис Нганну Тайсон Фьюри билан реванш жанги ўтказиш истагида эканини маълум қилганди. У ўтган йилнинг октябрь ойида британияликка ҳакамларнинг айри қарори билан имкониятни бой бериб қўйганди.

Шунингдек, Энтони Жошуа ҳам ҳамюрти Тайсон Фьюри билан жанг қилмоқчи бўляпти. Бу хабарни унинг промоутери Эдди Хирн ҳам тасдиқлади.

"Тайсон Фьюрида фақат битта жанг ва рақиб қолди - Энтони Жошуа. Бу жангни кўришни ҳамма хоҳлаяпти. Шахсан мен учун ҳам Эй Жей ягона танлов. Жанг учун идеал жой - "Уэмбли" стадиони. Бу жанг жаҳон миқёсидаги катта воқеликка айланади", - деди Хирн.

Обуна бўлинг 👉 Телеграм

🥊XXI асрнинг оғир вазнли боксчилари Топ-10`талиги эълон қилинди

Бокс ҳақида ёзувчи дунёнинг машҳур BoxingScene нашри 21-асрнинг Топ-10 оғир вазнли боксчилари рейингини тузиб чиқди.

Рўйхатнинг биринчи поғонасидан амалдаги WBC, WBA ва WBO йўналишлари чемпиони Александр Усик жой олган. Украиналик боксчи реванш жангида ҳам собиқ WBC камари соҳиби британиялик Тайсон Фьюрини очколар ҳисобига кўра мағлубиятга учратган эди.

Эътиборлиси, кучли учликни ҳам украиналик боксчилар банд этишган. Аллақачон фаолиятларини якунлаган ака-ука Виталий ва Владимир Кличко Топ-3`ни якунлаб беришган. Рейтингнинг сўнгги 10-поғонаси собиқ IBF чемпиони Крис Бёрд томонидан банд этилган.

🥊✅BoxingScene талқини бўйича 21-асрнинг Топ-10 оғир вазнли боксчилари:

1. Александр Усик (амалдаги WBC, WBA ва WBO чемпиони)

2. Владимир Кличко (собиқ WBA, IBF ва WBO чемпиони)

3. Виталий Кличко ("умрбод" WBC чемпиони)

4. Леннокс Льюис (собиқ мутлақ жаҳон чемпиони)

5. Тайсон Фьюри (собиқ WBC чемпиони)

6. Энтони Жошуа (собиқ WBA, IBF ва WBO чемпиони)

7. Деонтей Уайлдер (собиқ WBC чемпиони)

8. Жозеф Паркер (собиқ WBO чемпиони)

9. Энди Руис (собиқ WBA, IBF ва WBO чемпиони)

10. Крис Бёрд (собиқ IBF чемпиони)

Обуна бўлинг 👉 Телеграм

🇺🇸🥊Мураббий Деонтей Уайлдернинг 2025 йилга мўлжалланган режаларини очиқлади

Супероғир вазн тоифасида собиқ жаҳон чемпиони Деонтей Уайлдерни янги йилда қандай жанглар кутмоқда?

Америкалик боксчининг мураббийи Малик Скотт бу саволга жавоб берди.

"Деонтей фаолиятини якунламоқчи эмас. Бундан хабарим бор. Қалбига бир нечта жангларни тугиб қўйган. 2025 йил у учун унутилмас бўлиши керак. Уайлдернинг олдида бир нечта вариантлар бор. Чжан Чжилэйга ютқазганидан кейинги Деонтейни ҳолатини кўрмагансиз. Балки кўрмаганингиз ҳам маъқулдир. У юлдуз ва шундайлигича қолади", — деди Скотт The Stomping Ground YouTube-каналига берган интервьюсида.

Эслатиб ўтамиз, Деонтей Уайлдер сўнгги жангини шу йилнинг июнь ойида хитойлик Чжан Чжилэйга қарши ўтказиб, бешинчи раундда техник нокаут эвазига мағлуб бўлган эди.

Обуна бўлинг 👉 Телеграм

🇺🇿🥊Янгиланган WBC рейтингида Мадримов кўтарилди

Бутунжаҳон бокс иттифоқи (WBC) декабрь ойи учун янгиланган рейтингни эълон қилди.

Декабрь ойи рейтингидан 6 нафар чарм қўлқоп устамиз ўрин олган. Исроил Мадримов ва Ҳасанбой Дўсматов ўз вазн тоифаларида 3-ўринни эгаллаб турибди. Бектемир Мелиқўзиев 9-ўриндан жой олган бўлса, оғир вазнли боксчимиз Баҳодир Жалолов Топ-10`ни якунлаб берган.

🇺🇿Рейтингдан ўрин олган боксчиларимиз:

✅Супероғир вазн: Баҳодир Жалолов 10-ўрин;

✅Суперўрта вазн тоифаси (76,2 кг): Бектемир Мелиқўзиев 9-ўрин;

✅Биринчи ўрта вазн (69,8 кг): Исроил Мадримов 3-ўрин;

✅Ярименгил вазн (57,1 кг): Отабек Холматов 17-ўрин;

✅Енгил вазн (50,82 кг): Олимжон Назаров 37-ўрин;

✅Биринчи ўта енгил вазн (47,6 кг): Ҳасанбой Дўсматов 3-ўрин.

Обуна бўлинг 👉 Телеграм

🇺🇿🇺🇸🥊Отабек Холматов собиқ жаҳон чемпиони билан реванш жангини ўтказмоқчи

Ярим енгил вазн тоифасидаги профессионал боксчимиз Отабек Холматов жароҳатидан тикланиб, машғулотларни давом эттирмоқда.

Боксчи ҳозирда ўзи туғилиб ўсган Сирдарё вилоятининг Бахт шаҳрида бўлиб турибди ва кунига икки маҳалдан машғулотларни ўтказяпти.

У жорий йилнинг март ойида вакант бўлиб турган WBA камари учун америкалик Раймонд Фордга қарши рингга кўтарилиб, жанг якунланишига бир неча сония қолганида аламли мағлубиятни қабул қилиб олганди.

Жангдан кейин Холматов оёғидаги жиддий жароҳатини операция қилдирди. Узоқ танаффусдан кейин Холматов яна машғулотларга киришди. У 2025 йил аввалида Форд билан реванш жангини ўтказиш ниятида.

Раймонднинг ўзи Отабекни мағлуб этганидан кейинги илк ҳимоя жангидаёқ Ник Боллга ютқазиб, камарини топширган эди.

Обуна бўлинг 👉 Телеграм