🇺🇿🥊Исроил Мадримов WBO рейтингида юқорилади

Жаҳон бокс ташкилоти (WBO) супер яримўрта вазн тоифасидаги энг яхши боксчилар рейтингини янгилади.

Биз учун аҳамиятлиси, мазкур вазн тоифасида жанг қилувчи собиқ жаҳон чемпиони Исроил Мадримов ташкилот рейтингида ўтган ойдагидан уч поғона юқорилаб, еттинчи ўринга жойлашган.

Айни пайтда WBO чемпионлик камари америкалик Себастьян Фундорага тегишли бўлиб турибди.

✅WBO'нинг декабрь ойи учун янгиланган рейтинги:

1. Хандер Заяс

2. Чарльз Конвелл

3. Жош Келли

4. Хорхе Гарсия

5. Чердал Букер

6. Ареал Холмс

7. Исроил Мадримов

8. Сергей Богачук

9. Никита Цзю

10. Хесус Рамос.

Обуна бўлинг 👉 Телеграм

🇺🇿🥊Бектемир Мелиқўзиев машғулотларни бошлади

🇺🇸У сўнгги жангини 3 ноябрь куни АҚШнинг Невада штати Лас-Вегас шаҳрида ўтказган эди.

Иккинчи ўрта вазн тоифасидаги профессионал боксчимиз Бектемир Мелиқўзиев (15-1, 10 КО) америкалик Дэвид Стивенс (14-2, 10 КО)ни 12 раунд тўлиқ давом этган муросасиз жангда ҳакамларнинг айри қарори билан очколар ҳисобига кўра мағлуб этган ҳамда WBA чемпионлик камари учун мажбурий даъвогарга айланганди.

Обуна бўлинг 👉 Телеграм

🇯🇵🇺🇿✅Наоя Иноуэ Муроджон Аҳмадалиев билан жангга розилик берди

Иккинчи энг енгил вазн тоифасида япониялик мутлақ жаҳон чемпиони Наоя Иноуэнинг келгуси режалари бўйича маълумот берилди.

Top Rank промоутерлик компанияси раҳбари, Иноуэнинг промоутери Боб Арумнинг сўзларига кўра, Наоя 24 январь куни Сэм Гудман билан жанг қилганидан сўнг, май ёки июнь ойида Лас-Вегас (АҚШ) шаҳрида WBC камарини Алан Пикассодан ҳимоя қилади.

Арумнинг айтишича, шундан сўнг навбат Муроджон Аҳмадалиев билан жангга етиб келади. Ўзбекистонлик собиқ жаҳон чемпиони билан баҳс шу йил охирида ёки 2026 йил бошида Саудия Арабистонида ўтказилиши режалаштирилган.

Аввалроқ, япониялик чарм қўлқоп устаси WBA Interim чемпиони Муроджон Аҳмадалиевга: "Агар жанг қилишни истасанг, ғалабангни "қийматини" ушлаб тур ва кут", дея мурожаат қилганди. WBA ташкилоти мазкур жангга ҳозирга қадар икки маротаба буйруқ берган.

Обуна бўлинг 👉 Телеграм

🥊2025 йил ҳисобидан илк WBA рейтинги эълон қилинди

Бутунжаҳон бокс ассоциацияси (WBА) январь ойи учун янгиланган рейтингни эълон қилди.

Ушбу рейтингдан 6 боксчимиз ўрин олган бўлиб, Муроджон Аҳмадалиев вақтинчалик чемпион сифатида қайд этилган. Шаҳрам Ғиёсов ва Ҳасанбой Дўсматов ўз вазн тоифаларида биринчи ўринни эгаллаб турибди.

🇺🇿Рейтингдаги боксчиларимиз:

✅Ҳасанбой Дўсматов - (минимал вазн) 1-ўрин (ўтган ойда ҳам 1-ўрин;)

✅Муроджон Аҳмадалиев (биринчи ярименгил вазн) - вақтинчалик чемпион;

✅Отабек Холматов (ярименгил вазн) - ўтган ойдаги сингари 4-ўрин;

✅Шаҳрам Ғиёсов (яримўрта вазн) - ўтган ойдаги сингари 1-ўрин;

✅Исроил Мадримов (суперярим ўрта вазн) - 4-ўрин (ўтган ойда ҳам 4-ўринда эди);

✅Бектемир Мелиқўзиев (суперўрта вазн) - 3-ўрин (ўтган ой ҳам 3-ўринда эди).

Обуна бўлинг 👉 Телеграм

🇺🇿🥊Шоҳжаҳон Эргашев баҳоргача жанг ўтказиши мумкин

Биринчи яримўрта вазн тоифасидаги професионал боксчимиз Шоҳжаҳон Эргашев навбатдаги жанги бўйича тафсилотларни очиқлади.

"Машғулотларни давом эттиряпман. Тайёргарлик кўряпмиз. Январь ойининг охири ёки февраль ойи бошида жанг қиламиз", деди 33 ёшли Эргашев.

Маълумот учун, IBF камари учун собиқ даъвогар чарм қўлқоп устамиз шу кунга қадар профессионал фаолияти давомида 26 та жанг ўтказиб, 24 та ғалаба (21 та KO) ва 2 мағлубият қайд этган. У сўнгги жангини 2024 йилнинг июль ойида америкалик Жулиан Смитга қарши ўтказиб, очколар ҳисобига кўра мағлуб бўлганди.

Обуна бўлинг 👉 Телеграм

🇺🇸🇬🇧🥊Кун тарихи. Тўрт йил аввал, 2021 йилнинг шу куни Райан Гарсия Лондон-2012 Олимпиадаси чемпиони Люк Кэмпбеллни еттинчи раундда нокаутга учратиб, енгил вазнда вақтинчалик WBC камарини қўлга киритганди...

Обуна бўлинг 👉 Телеграм

🇺🇿🥊Руслан Чагаевдан душанба тавсияси...

Обуна бўлинг 👉 Телеграм

🇱🇹🇺🇿🥊Эймантас Станионис Шаҳрам Ғиёсовга қарши жангдан қочишга уриняпти

Яримўрта вазн тоифасида IBF чемпиони Жейрон Эннис (33-0, 29 КО) ҳамда WBA чемпиони Эймантас Станионис (15-0, 9 КО) ўзаро жанг қилиш бўйича музокара ўтказмоқда.

"Умид қиламанки, биз келишувни муваффақиятли якунлай оламиз", дея вазиятга муносабат билдирган Энниснинг промоутери Эдди Хирн.

2022 йилдан бери Станионис бор-йўғи икки марта рингга чиққан. Унинг WBA камари учун ҳамюртимиз Шаҳрам Ғиёсов мажбурий даъвогар саналади. Ташкилот боксчилар ўртасидаги жангга расман буйруқ берган ва икки томон жанг бўйича музокара олиб бораётганди.

Қизиғи, Эдди Хирн бир пайтнинг ўзида Шаҳрам Ғиёсовнинг ҳам промоутери ҳисобланади.

Обуна бўлинг 👉 Телеграм

🎁🎂Элдор Собировни табриклаймиз!

🇺🇿🥊Бугун Ўзбекистон профессионал бокс федерацияси оммавий тадбирларни ташкил этиш ва назорат қилиш бўлими ходими Элдор Собиров ўз таваллуд айёмини нишонлаяпти.

Мамлакатимизда профессионал бокс турнирлари, турли оммавий тадбирларни юқори савияда ташкил этишда бугунги кун қаҳрамонининг хизмати ва ҳиссаси катта. Ўз ишининг жонкуяр мутахассиси бугун яна бир ёшга улғайди.

🤲Ўзбекистон профессионал бокс федерацияси Элдор Собировни бугунги унутилмас кун билан муборакбод этади. Унга узоқ умр, сиҳат-саломатлик, оилавий бахт тилаймиз.

✍️Ўзбекистон профессионал бокс федерацияси матбуот хизмати

Обуна бўлинг 👉 Телеграм

🇺🇦✅Sports Illustrated Александр Усикни йил боксчиси деб топилди

Супероғир вазн тоифасида асосий камарлардан учтасини ўзида сақлаб турган Александр Кличко WBC томонидан йил боксчиси деб топилганди.

Дунёга машҳур Sports Illustrated нашри ҳам украиналик жаҳон чемпионини 2024 йилнинг энг яхши боксчиси деб эълон қилди. Мағлубият ва муроса нималигини билмай келаётган Усик 2024 йилда 2 та жанг ўтказиб, ҳар иккисида собиқ WBC чемпиони Тайсон Фьюрини очколар ҳисобига кўра мағлубиятга учратди.

Боксчилар ўртасидаги дастлабки жанг 18 май куни бўлиб ўтган ва ўшанда Фьюри WBC чемпиони эди. Ўн икки раунд тўлиқ давом этган жангда Александр ҳакамларнинг айри қарори билан зафар қучганди. Ўша ғалаба эвазига Усик супероғир вазнда мутлақ жаҳон чемпионига айланганди. 21 декабрь куни Ар-Риёд шаҳрида бўлиб ўтган реванш жангида украиналик ҳакамларнинг якдил қарори билан ғалаба қозонди.

Обуна бўлинг 👉 Телеграм