🇺🇿⚖️Исроил Мадримов мажбурий вазн ўлчашдан муваффақиятли ўтди

Биринчи ўрта вазн тоифасида собиқ жаҳон чемпиони Исроил Мадримов(10-1-1, 7 КО) жангга 30 кун қолганида мажбурий вазн ўлчаш маросимидан муваффақиятли ўтиб олди.

Мадримовнинг америкалик 26 ёшли Вержил Ортис (22-0, 21 КО)га қарши вақтинчалик WBC чемпионлик камари учун кечадиган жангига 22 февраль куни Саудия Арабистони пойтахти Ар-Риёд шаҳри мезбонлик қилади. WBC қоидаларига кўра боксчилар жангга 30, 14 ва 7 кун қолганда тарозидан мажбурий тарзда ўтишлари шарт. 29 ёшли Мадримов тарозида 76,02 кг тош босди...

Обуна бўлинг 👉 Телеграм

🇱🇹🇺🇸🥊Станионис ва Эннис ўртасида бирлаштирувчи чемпионлик жанги ўтказилади

Яримўрта вазн тоифасида IBF чемпиони Жейрон Эннис (33-0, 29 КО) WBA чемпиони Эймантас Станионис (15-0, 9 КО) билан жанг ўтказиш борасида деярли келишувга эришди.

Бирлаштирувчи чемпионлик жанги 12 апрель куни Нью-Жерси штатининг Атлантик-Сити шаҳрида бўлиб ўтади.

Маълумот учун, мазкур вазн тоифасидаги чарм қўлқоп устамиз Шаҳрам Ғиёсов Станиониснинг WBA камари учун мажбурий даъвогар ҳисобланади.

Ғиёсов интервьюда айтганидек, ушбу жанг ғолибига қарши рингга кўтарилади:
👇👇👇👇
https://www.youtube.com/watch?v=9FXS52WU6So

Обуна бўлинг 👉 Телеграм

🇺🇸🥊Кун тарихи. Бундан 52 йил аввал, 1973 йилнинг шу куни афсонавий Жорж Форман яна бир афсона Жо Фрейзерни иккинчи раундда нокаутга учратиб, рақибининг супероғир вазн тоифасидаги WBA ва WBC чемпионлик камарларини тортиб олди.

💰Фрейзер ўша жанг учун кафолатланган 850 000, Форман — 375 000 АҚШ доллари миқдорида гонорар олган эди.

🥊Ярим аср аввалги жанг 15 раунд этиб белгиланган бўлиб, 8 унц ҳажмдаги қўлқопларда ўтказилганди.

Жанг давомида Фрейзер уч бор нокдаун ҳолатига тушиб қолган. Учинчи ҳолатдан кейин рефери жангни тўхтатишга мажбур бўлган эди.

Афсоналар ўртасидаги ушбу тўқнашув The Ring журнали томонидан 1973 йилнинг энг яхши жанги деб топилганди...

Обуна бўлинг 👉 Телеграм

🇺🇿🛫🇺🇸Бектемир Мелиқўзиев ҳам Америкага жўнаб кетди

Суперўрта вазн тоифасидаги профессионал боксчимиз Бектемир Мелиқўзиев Америка Қўшма Штатларига жўнаб кетди.

У ҳам навбатдаги жанги учун машғулотларни океан ортида давом эттиради. Аввалроқ, ўзбекистонлик боксчилардан Исроил Мадримов, Баҳодир Жалолов ва Отабек Холматов ҳам АҚШга йўл олганди.

Эслатиб ўтамиз, Бектемир Мелиқўзиев сўнгги жангини 3 ноябрь куни америкалик Дэвид Стивенсга қарши ўтказиб, рақибини очколар эвазига мағлуб этганди.

Обуна бўлинг 👉 Телеграм

🇺🇸🥊Кун тарихи. Катта жалжал кўтарган жангга 16 йил бўлди. 2009 йилнинг шу куни Шейн Мозли Антонио Маргаритони 9-раундда техник нокаутга учратиб, рақибининг яримўрта вазн тоифасидаги WBA чемпионлик камарини тортиб олганди.

Жанг рефери томонидан тўхтатилган пайтда Мозли ҳакамларнинг ҳисоб-китоби бўйича (80-71, 79-72, 78-73) ғалаба қозонаётганди. Маргарито бу жангда амалдаги чемпион сифатида 4 га 1 кўринишида фаворит эди.

Жанг якунланганидан кейин катта жанжал бошланади. Маргаритонинг бинтида гипс қоришмаси элементлари борлиги аниқланганди...

Обуна бўлинг 👉 Телеграм

🇺🇿🇯🇵🥊Эдди Хирн Наоя Иноуэни камардан маҳрум қилишга чақирди

Matchroom Boxing промоутерлик компанияси раҳбари Эдди Хирн WBA раҳбарларини япониялик жаҳон чемпионидан камарни олиб қўйишга чақирди.

Британиялик промоутернинг сўзларига қараганда, иккинчи енгил вазн (55,3 кг) тоифасида мутлақ жаҳон чемпиони бўлиб турган Наоя Иноуэ WBA камари учун мажбурий даъвогар Муроджон Аҳмадалиевга қарши жанг ўтказишдан очиқчасига қочмоқда.

"Наоя Иноуэ Муроджон Аҳмадалиевдан қочяпти. Уни бир эмас, икки маротаба Муроджондан камарини ҳимоя қилишга чақиришди. Лекин у ҳар икки сафар ҳам жангдан очиқчасига қочди ва бунинг ўрнига атйин қилгандек, Дохени ҳамда Кимга қарши рингга кўтарилди. WBA Иноуэга ортиқча қочмаслик ва камарини Аҳмадалиевдан ҳимоя қилиш бўйича сўнгги огоҳлантиришни бериши шарт. Кутинг, тез орада Наоя Иноуэнинг ўзи камардан воз кечади", — дея Хирннинг сўзларини келтирмоқда talkSPORT.

Обуна бўлинг 👉 Телеграм

🇺🇿🥊Эртага Тошкентда профессионал бокс оқшоми ўтказилади

Хабар берганимиздек, эртага пойтахтимиздаги "Юнусобод" спорт мажмуасида Lift промоутерлик компанияси томонидан профессионал бокс оқшоми ташкил этилади.

Турнир кардидан жами 10 та жанг ўрин олган бўлиб, оқшомнинг марказий тўқнашувида ҳаваскор боксда Париж-2024 Олимпиадаси чемпиони Лазизбек Мулложонов Руслан Мираимовга қарши рингга кўтарилади. Кечанинг co-main event жанги ўрта вазн тоифасида Суҳробжон Қаюмов ва Одилжон Жўрабоев ўртасида бўлиб ўтади.

Яна бир қизиқарли жангда ҳаваскор боксда анча тобланган Мужибилло Турсунов Шаробиддин Жўрахонов билан тўқнаш келади. Бекзодбек Исадуллаев Достон Қодиров билан рингда муносабатларига ойдинлик киритиб олади.

📍Бугун соат 13:30да "Frankfort" меҳмонхонасида боксчиларни расмий тарозидан ўтказиш ҳамда face to face маросимлари ўтказилади.

✍️Ўзбекистон профессионал бокс федерацияси матбуот хизмати

Обуна бўлинг 👉 Телеграм

🇺🇿🥊🔥Бугун Тошкентда катта проф бокс оқшоми ўтказилади

Бугун пойтахтимиздаги "Юнусобод" спорт мажмуасида Lift промоутерлик компанияси томонидан профессионал бокс турнири ташкил этилади. Турнир кардидан 10 та жанг ўрин олган. Кеча вазн ўлчаш ва face to face маросимида Бекзодбек Исадуллаевнинг рақиби Достон Қодиров тарсаки тушириб қолди. Исадуллаев эса рингда буни шундоқ қолдирмасликка ваъда берди.

⏰Бокс кечаси соат 18:00 да бошланади...

Обуна бўлинг 👉 Телеграм