🇺🇿🇺🇸🥊Мадримов Ортисга қарши жанг учун спарринг машғулотларини давом эттирмоқда

Яримўрта вазн тоифасидаги профессионал боксчимиз, собиқ WBA чемпиони Исроил Мадримов навбатдаги жанги учун тайёргарликни давом эттиряпти.

🇸🇦Ҳамюртимиз 22 февраль куни Ар-Риёд (Саудия Арабистони) шаҳрида ташкил этиладиган бокс оқшоми доирасида WBC Interim камари соҳиби Виржил Ортисга қарши рингга кўтарилади.

Мадримов шу кунларда Калифорнияда (АҚШ) мазкур жанг учун сўнгги тайёргарликларни олиб бормоқда.

Обуна бўлинг 👉 Телеграм

🇺🇿🇫🇷❌Баҳодир Жалоловнинг жанги ҳуснбузар сабаб бекор бўлди

🥊Супероғир вазн тоифасидаги боксчимиз, икки карра Олимпиада чемпиони Баҳодир Жалолов бизнинг вақт билан эртага тонг саҳарда Канаданинг Монреаль шаҳрида ташкил этиладиган оқшомда ўзининг навбатдаги жангини ўтказиши керак эди.

Афсуски, унинг франциялик Дэвид Спильмонтга қарши кечадиган жанги бекор қилинибди. Бунга Жалоловнинг лаб қисмидаги кичик ҳуснбузар (угри) сабаб сифатида кўрсатилибди. Боксчилар расмий тарозидан ўтиш маросимида ҳам қатнашиб улгуришганди.

Маълумот учун, Баҳодир Жалолов проф фаолияти давомида ҳозирга қадар 14 та жанг ўтказиб, уларнинг барчасида ғалаба қозонган. Дэвид Спильмонт эса шу кунгача 25 та жанг ўтказиб, 16 ғалаба, 8 мағлубият ва 1 та дуранг қайд этган. Ғалабаларининг 11 тасини нокаут орқали қўлга киритган.

Обуна бўлинг 👉 Телеграм

🇺🇿🇺🇸⚖️Исроил Мадримов Ортисдан ярим килограмм оғирроқ тош босди

🇸🇦🥊Бугун Саудия Арабистони пойтахти Ар-Риёд шаҳрида узоқ кутилган профессионал бокс турнири бўлиб ўтади.

Турки Ал аш-Шейх томонидан ташкил этилаётган катта бокс оқшомининг марказий жанги яримоғир вазн тоифасида ўтказилади. Унда россиялик боксчилар Артур Бетербиев ва Дмитрий Бивол ўзаро реванш жангида тўқнаш келади. Илк жангда Артур очколар ҳисобига кўра ғалаба қозониб, мутлақ жаҳон чемпионига айланганди.

Биз учун аҳамиятлиси, ушбу кард доирасида ҳамюртимиз Исроил Мадримов америкалик Виржил Ортисга қарши 12 раундлик чемпионлик жангида рингга кўтарилади. Бугунги жанг олдидан барча иштирокчилар тарозидан ўтиш маросимида ҳозир бўлишди. Мадримов тарозида рақибидан ярим килограмм оғирроқ тош босди. Иккала боксчи ҳам белгиланган вазн меъёрини бажарган.

⚖️✅Тарози натижалари:

Жозеф Паркер — 121,1 кг
Мартин Баколе — маросимга етиб кела олмади

Шакур Стивенсон — 60,8 кг
Жош Пэдли — 60,8 кг

Карлос Адамес — 71,7 кг
Хамза Шираз — 72,1 кг

Виржил Ортис — 69,4 кг
Исраил Мадримов — 69,9 кг

Агит Кабайел — 109,3 кг
Чжан Чжилэй — 130,4 кг

Жошуа Буатси — 79,4 кг
Каллум Смит — 79 кг

Зияд Альмааюф — 65 кг
Жонатас Родригу Гомеш де Оливейра — 64,3 кг

Муҳаммад Алалкел — 60,8 кг
Энхель Гомес — 59,9 кг

Обуна бўлинг 👉 Телеграм