🇰🇿🇫🇷🥊Қозоғистоннинг Астана шаҳрида Top Rank промоутерлик компанияси томонидан ташкил этилган профессионал бокс оқшоми якунига етди.

Марказий жанг ўрта вазнда WBO ва IBF камарлари соҳиби қозоғистонлик Жанибек Алимханули (17-0, 12 КО) ҳамда франциялик Анауэль Нгамиссенге (14-1, 9 КО) ўртасида ўтказилиб, унда чемпион рақибини зарбалар алмашинуви натижасида нокаутга учратди...

Обуна бўлинг 👉 Телеграм

🇷🇺🥊❌Кутилмаган хабар — Бивол энди мутлақ жаҳон чемпиони эмас!

Яримоғир вазн тоифасида WBA, WBC, WBO, IBF, The Ring ва IBO йўналишлари чемпиони бўлиб турган Дмитрий Бивол энди мутлақ жаҳон чемпиони эмас.

Ган шундаки, россиялик боксчи WBC чемпионлик камарини вакант, яъни эгасиз қолдирди. У бу билан вақтинчалик WBC камари соҳиби, мексикалик Дэвид Бенавидес билан жанг қилишдан воз кечди.

Дмитрийнинг бундай қарорга келиши унинг ҳамюрти Артур Бетербиевга қарши учинчи жангни ўтказиши билан боғлиқ. Бивол 23 февраль куни Ар-Риёд (Саудия Арабистони) шаҳрида ўтган реванш жангида Бетербиевни очколар ҳисобига кўра мағлуб этиб, яримоғир вазнда мутлақ жаҳон чемпионига айланганди. Турки ал-аш-Шейх кузда бу икки боксчининг учинчи жангини ўтказмоқчи.

Дарвоқе, энди биргина мутлақ жаҳон чемпиони қолди - Наоя Иноуэ! Балки, Муроджон Аҳмадалиев японияликни ҳам бу унвондан маҳрум қилар? Воқеалар ривожини кузатамиз.

Обуна бўлинг👉 Olamsportcom

🎁🎂Бектемир Мелиқўзиевни табриклаймиз!

🇺🇿🥊Бугун бокс бўйича XXXI ёзги Олимпия ўйинларининг кумуш медали совриндори, профессионал боксда муваффақиятли одимлаётган Бектемир Мелиқўзиев ўз таваллуд айёмини нишонламоқда.

Бектемир Мелиқўзиев 1996 йил 8 апрель куни дунёга келган. Бугунги кун қаҳрамони ўсмирлар ўртасида жаҳон чемпиони, Нанкин-2014 ўсмирлар Олимпиадаси ғолиби бўлган. Рио-2016 Олимпия ўйинларининг кумуш медали соҳиби, жаҳон чемпионатининг совриндори (2015, 2017), икки карра Осиё чемпиони (2015, 2017) ҳисобланади. Спорт соҳасидаги юксак ютуқлари давлатимиз томонидан "Ўзбекистон ифтихори" фахрий унвони билан тақдирланган.

🇺🇿🥊Ўзбекистон профессионал бокс федерацияси Бектемир Мелиқўзиевни бугунги таваллуд айём билан муборакбод этиб, чарм қўлқоп устамизга узоқ умр, мустаҳкам соғлиқ тилайди.

✍️Ўзбекистон профессионал бокс федерацияси матбуот хизмати

Обуна бўлинг 👉 Телеграм

🇺🇿🥊Руслан Абдуллаевнинг проф боксдаги иккинчи жанги санаси маълум

Суперенгил вазн тоифасида фаолият олиб бораётган ўзбекистонлик профессионал боксчи Руслан Абдуллаевнинг кейинги жанги бўйича маълумотлар пайдо бўлди.

Унга кўра, 22 ёшли Руслан 19 апрель куни рингга қайтади. Ҳамюртимиз АҚШ ёки Мексикадаги профессионал бокс оқшомларининг бирида иштирок этади. Абдуллаевга ўша куни ким рақиб бўлиши шу кунларда маълум бўлади.

Бу Руслан Абдуллаев учун проф боксдаги иккинчи жангга айланади. Чарм қўлқоп устамиз илк жангини шу йилнинг март ойида Хосе Валенсуэла Альварадога қарши ўтказиб, нокаут эвазига ғолиб бўлганди. Абдуллаев ҳаваскор боксда жаҳон чемпиони (2023) ҳисобланади.

Обуна бўлинг 👉 Телеграм

🇺🇿🇦🇷👀Шаҳрам Ғиёсов рақиби билан face to face маросимида

🇺🇸Якшанба тонгида АҚШнинг Нью-Жерси штати, Атлантик-Сити шаҳрида профессионал бокс оқшоми бўлиб ўтади.

Турнир доирасида яримўрта вазн тоифасидаги чарм қўлқоп устамиз Шаҳрам Ғиёсов (16-0, 9 КО) аргентиналик Франко Окампо (17-2, 8 КО)га қарши рингга кўтарилади.

Обуна бўлинг 👉 Телеграм

🇺🇿🇦🇷⚖️Шаҳрам Ғиёсов рақибидан деярли 2 кг енгил тош босди

🇺🇸Эртага тонг саҳарда АҚШнинг Нью-Жерси штати, Атлантик-Сити шаҳрида профессионал бокс оқшоми бўлиб ўтади.

Турнир доирасида яримўрта вазн тоифасидаги чарм қўлқоп устамиз Шаҳрам Ғиёсов (16-0, 9 КО) аргентиналик Франко Окампо (17-2, 8 КО)га қарши рингга кўтарилади.

Бугун тонгда боксчилар тарозидан ўтиш маросимида иштирок этишди. 31 ёшли Ғиёсов 67,6 кг, 28 яшар Окампо эса 69,4 кг тош босди...

Обуна бўлинг 👉 Телеграм

🇺🇸🇱🇹⚖️Ғиёсов оқшомининг асосий жанги иштирокчилари ҳам тарозига чиқди

Бизнинг вақт билан эртага тонг саҳарда АҚШнинг Нью-Жерси штати, Атлантик-Сити шаҳрида профессионал бокс оқшоми бўлиб ўтади.

Биз учун аҳамиятлиси, турнир доирасида яримўрта вазн тоифасидаги чарм қўлқоп устамиз Шаҳрам Ғиёсов (16-0, 9 КО) аргентиналик Франко Максимилиано Окампо (17-2, 8 КО)га қарши рингга кўтарилади. Бугун тонгда боксчилар тарозидан ўтиш маросимида иштирок этишди. 31 ёшли Ғиёсов 67,6 кг, 28 яшар Окампо эса 69,4 кг тош босди. Шаҳрам рақибидан деярли 2 кг енгилроқ экани ойдинлашди. Айнан шу жанг асосий кардни очиб беради.

Оқшомнинг асосий жанги яримўрта вазнда IBF чемпиони Жейрон Эннис ҳамда WBA камари соҳиби Эймантас Станионис ўртасида кечади. Ҳар икки чемпион ҳам бир белгиланган вазн меъёрини бажаришди. Америкалик 27 ёшли Жейрон Эннис 66,4 кг, литвалик боксчи эса 66,6 кг вазн қайд этди. Ушбу жанг ғолиби вакант бўлиб турган The Ring чемпионлик камарини ҳам қўлга киритади.

Эннис - Станионис жанги биз учун ҳам аҳамиятли ҳисобланади. Боиси, Шаҳрам Ғиёсов ўз жангида ғалаба қозонган тақдирда, икки чемпион ўртасидаги тўқнашув ғолибига қарши рингга чиқиш ҳуқуқини қўлга киритади. Ҳамюртимиз айнан шу шарт билан бу жангнинг ўтказилишига розилик берган.

Обуна бўлинг 👉 Телеграм

🇺🇸🥊😢25 нафар жаҳон чемпионини тарбиялаган мураббий вафот этди

Америкалик бокс мураббийи, Шон-шуҳрат зали аъзоси Кэнни Адамс вафот этди.

У 84 ёшида бу ёруғ оламни тарк этди.

Адамс 1984 ва 1988 йилларда Қўшма Штатлар Олимпия терма жамоасининг мураббийи бўлиб, у ерда Пернел Уиттакер, Эвандер Холифилд, Мелдрик Тейлор, Виржил Хилл, Риддик Боу, Рей Мерсер ва кичик Рой Жонс каби боксчиларни шуғуллантирган.

Кэнни жами 25 нафар жаҳон чемпионига устозлик қилган. Улар орасида Майкл Нанн, Френки Лайлс, Жонни Тапия, Самуел Питер, Майкл Бентт, Майк Маккаллум бор эди.

Обуна бўлинг 👉 Телеграм

🇺🇦🇬🇧🥊WBO Усикнинг навбатдаги жангини расман эълон қилди

Халқаро бокс ташкилоти (WBO) президенти Густаво Оливери бу маълумотни расман тасдиқлади.

Украиналик учта асосий йўналиш чемпиони Александр Усик IBF камари соҳиби британиялик Даниэл Дюбуага қарши яна мутлақ жаҳон чемпионлиги учун рингга кўтарилади.

"Бизнинг ташкилотга Усик ва Дюбуа ўртасидаги бирлаштирувчи чемпионлик жанги юзасидан сўровнома келиб тушди. Биз бу жанг ўтказилишини қаноатлантирамиз. Қолаверса, Жозеф Паркер мақомини ҳам кўриб чиқамиз", — дея Оливерининг сўзларини келтирмоқда Sky Sports портали.

Эслатиб ўтамиз, Усик сўнгги жангини ўтган йилнинг 22 декабрь куни Ар-Риёд (Саудия Арабистони) шаҳрида британиялик Тайсон Фьюрига қарши ўтказиб, очколар ҳисобига кўра ғалаба қозонганди. Дюбуа 22 февраль куни Жозеф Паркердан камарини ҳимоя қилиши керак эди. Аммо жангга икки кун қолганида Паркер бетоб бўлиб қолган ва унинг ўрнини қисқаф фурсатда африкалик Мартин Баколе эгаллаганди.

Обуна бўлинг 👉 Телеграм

🇺🇿🇦🇷🥊Шаҳрам Ғиёсов рақибини муддатидан аввал мағлуб этди

🇺🇸АҚШнинг Нью-Жерси штати, Атлантик-Сити шаҳрида профессионал бокс оқшоми бўлиб ўтди.

Турнир доирасида яримўрта вазн тоифасидаги чарм қўлқоп устамиз Шаҳрам Ғиёсов (17-0, 10 КО) аргентиналик Франко Окампо (17-3, 8 КО)га қарши рингга кўтарилди ва рақибини тўртинчи раундда техник нокаутга учратди. Бу бухоролик боксчимизнинг 17-ғалабаси бўлди.

Обуна бўлинг 👉 Телеграм

🇺🇸🇱🇹🥊Жейрон Эннис нокаут эвазига камарларни бирлаштирди

Бугун тонгда АҚШнинг Нью-Жерси штати, Атлантик-Сити шаҳрида профессионал бокс оқшоми бўлиб ўтди.

Оқшомнинг асосий жанги яримўрта вазнда IBF чемпиони Жейрон Эннис ҳамда WBA камари соҳиби Эймантас Станионис ўртасида кечди. Ўн икки раундга мўлжалланган жангнинг олтинчи раундида америкалик 27 ёшли Эннис литвалик рақибини нокаутга учратди. Жейрон IBF камари билан бирга вакант бўлиб турган The Ring чемпионлик камарини ҳам қўлга киритди.

Обуна бўлинг 👉 Телеграм