🇺🇿🥊Бугун WBC Гран-при турнирида рингга чиқадиган Аюбхон Бахтиёровнинг вазни учун қуръа натижалари

🇸🇦Хабар берганимиздек, бугун Саудия Арабистони пойтахти Ар-Риёд шаҳрида бокс бўйича WBC Гран-приси бошланади.

Турнирнинг илк куни доирасида ярименгил вазн тоифасидаги боксчимиз Аюбхон Бахтиёров илк босқичда франциялик Жамал Хажабга қарши рингга кўтарилади...

Обуна бўлинг 👉 Телеграм

🇺🇿🇫🇷🥊Аюбхон Бахтиёров WBC Гран-присининг 1/8 финалига чиқди

🇸🇦Бугун Саудия Арабистони пойтахти Ар-Риёд шаҳрида бокс бўйича WBC Гран-приси бошланди.

Турнирнинг илк куни доирасида ярименгил вазн тоифасидаги боксчимиз Аюбхон Бахтиёров франциялик Жамал Хажабга қарши рингга кўтарилди ва рақибини 6-раундда техник нокаут эвазига мағлубиятга учратди. Ушбу ғалаба ҳамюртимизни 1/8 финалга олиб чиқди. Бу босқич жанглари 20-22 июнь кунлари бўлиб ўтади.

Обуна бўлинг 👉 Телеграм

🇺🇿🥊Бугун Жаъфаров ва Саидраҳимов проф боксдаги иккинчи жангларини ўтказишади

🇷🇺Бугун Россия Федерациясининг Челябинск шаҳрида "IBA.Pro 2" профессионал бокс турнири бўлиб ўтади.

Биз учун аҳамиятлиси, ушбу оқшом доирасида ўзбекистонлик икки боксчи ҳам рингга кўтарилади. "Premier Boxing Academy" жамоаси аъзоси Саиджамшид Жаъфаров 6 раундлик жангда россиялик Сергей Лубковичга қарши рингга чиқади. Бу чарм қўлқоп устамиз учун проф рингдаги иккинчи жанг бўлади. Тажрибали Лубкович эса 18 (12 нокаут) ғалаба ва бир мағлубиятга эга.

Кеча боксчилар тарозидан ўтиш маросимида ҳозир бўлишди. Иккала боксчи ҳам 71 килограммгача вазн тоифасида ташкил этиладиган ушбу жанг учун белгиланган вазн меъёрини бажаришди. Сергей Лубкович - 70,6 кг, Саиджамшид Жаъфаров эса 70,75 кг вазн қайд этди. Саиджамшид тўрт кун аввал Боку шаҳрида якунига етган "Буюк ипак йўли" турнирида Озарбайжон номидан қатнашиб, якунда чемпион бўлган эди.

Бугун турнир кардидан Мадияр Саидраҳимов иштирокидаги жанг ҳам ўрин олган. Боксчимиз 6 раундлик жангда россиялик Андрей Стоцкийга қарши баҳс олиб боради. Ҳамюртимиз тарозида рақибидан бир килограммга яқин оғирроқ тош босди.

⚖️IBA PRO тарози натижалари:

-71 кг, 6 раунд, IBA PRO: Сергей Лубкович (18-0-1, КО 12, 70,6 кг) - Саиджамшид Жаъфаров (1-0, Ўзбекистон, 70,75 кг);

-90,7 кг, 6 раунд, IBA PRO: Андрей Стоцкий (5-0-1, КО 3, Россия, 90,35 кг) – Мадияр Саидраҳимов (1-0, Ўзбекистон, 91,2 кг);

Бугунги турнирнинг асосий жанги яримоғир вазн тоифасида собиқ жаҳон чемпиони Сергей Ковалёв иштирокидаги ўтказилади. Ушбу жангга тайёргарликнинг катта қисмини Ўзбекистонда ўтказган россиялик боксчи германиялик Артур Маннга қарши рингга чиқади. Бу Ковалёв учун профессионал фаолиятидаги сўнгги жанг бўлади.

Обуна бўлинг 👉 Телеграм

🇺🇿🥊Бугун WBC Гран-присида Мужибилло ва Камронга мухлислик қиламиз

🇸🇦Саудия Арабистони пойтахти Ар-Риёд шаҳрида бокс бўйича WBC ташкилотининг Гран-при турнири ўтказилмоқда.

Кеча мусобақа доирасида ҳамюртимиз Аюбхон Бахтиёров франциялик рақиби устидан техник нокаут эвазига ғалаба қозониб, 1/8 финалга йўл олганди. Бугун Мужибилло Турсунов ва Камронбек Эшматов 1/6 финалда рингга кўтарилади.

🇺🇿🥊Боксчиларимиз иштирокидаги бугунги жанглар:

Мужибилло Турсунов - Майкл Адесодун (ЖАР)

Камронбек Эшматов - Данило Лозан (Украина)

⏰Жанглар бизнинг вақт билан соат 17:00дан кейин бошланади.

Обуна бўлинг 👉 Телеграм

🇺🇿🇰🇿🥊WBC Гран-приси. Аюбхон Бахтиёровнинг кейинги рақиби қозоғистонлик боксчи!

🇸🇦Кеча Саудия Арабистонининг Ар-Риёд шаҳрида бокс бўйича WBC Гран-приси старт олган эди.

Мусобақанинг илк куни ярименгил вазн тоифасидаги Аюбхон Бахтиёров Франция вакили Жамал Хажабни олтинчи раундда муддатидан олдин зафар қучганди.

Энди ҳамюртимиз нимчорак финал босқичида қозоғистонлик Жолдас Женисов билан тўқнаш келади. Женисов кеча биринчи жангида Испания вакили Элязид Эззайданини иккинчи раундда нокаутга учратди.

Маълумот ўрнида, Гран-при доирасида нимчорак финал беллашувлари июнь ойида ташкил этилади.

Обуна бўлинг 👉 Телеграм

🇺🇿🥊Мужибилло Турсунов WBC Гран-приси 1/8 финалида!

🇸🇦Саудия Арабистони пойтахти Ар-Риёд шаҳрида бокс бўйича WBC ташкилотининг Гран-при турнири ўтказилмоқда.

Бироз аввал Мужибилло Турсунов 6 раунд тўлиқ давом этган жангда ЖАР боксчиси Майкл Адесодунни очколар бўйича яққол устунлик билан мағлуб этиб, 1/8 финалга йўл олди. Мужибилло 3-раундда рақибини нокдаун ҳолатига ҳам тушириб қўйди.

Афсуски, Камронбек Эшматов украиналик Данило Лозанга 6 раундлик жангда очколар ҳисобига кўра имкониятни бой бериб қўйди.

Обуна бўлинг 👉 Телеграм

🇺🇿🥊👏Саиджамшид Жафаров россиялик тажрибали рақибини мағлубиятга учратди

🇷🇺Россия Федерациясининг Челябинск шаҳрида IBA.Pro 2 профессионал бокс турнири бўлиб ўтди.

Мусобақа доирасида ҳамюртимиз Саиджамшид Жафаров ҳам рингга кўтарилди. "Premier Boxing Academy" жамоаси аъзоси бўлган Жафаров россиялик тажрибали Сергей Лубковичга қарши олти раундлик тўлиқ жанг ўтказди.

Супер яримўрта вазн тоифасида ташкил этилган жангда Саиджамшид тажрибали рақибини ҳакамларнинг якдил қарори билан, очколар ҳисобига кўра мағлубиятга учратди. Бу Лубковичнинг проф фаолиятидаги иккинчи мағлубияти бўлди. Бунга қадар у 18 та жангда ғалаба қозонган эди.

Обуна бўлинг 👉 Телеграм

🇺🇿🥊👏Саидраҳимов россиялик боксчини муддатидан олдин мағлуб этди

🇷🇺Хабар берганимиздек, кеча тунда Россия Федерациясининг Челябинск шаҳрида "IBA.Pro 2" профессионал бокс турнири бўлиб ўтди.

Биз учун аҳамиятлиси, ушбу оқшом доирасида ўзбекистонлик икки боксчи ҳам рингга кўтарилди ва уларнинг ҳар иккиси ҳам россиялик рақибларини мағлуб этишди.

Жумладан, Мадияр Саидраҳимов олти раундлик жангда мезбонлар вакили Андрей Стоцкийни муддатидан аввал таслим этди. Бу Мадиярнинг проф боксдаги иккинчи ғалабаси бўлди.

Обуна бўлинг 👉 Телеграм

🇺🇿🇵🇭⚖️✅Руслан Абдуллаев ва унинг рақиби тарозидан ўтиб олди

Супер енгил вазн тоифасидаги профессионал боксчимиз Руслан Абдуллаев эртага тонг саҳарда навбатдаги жангини ўтказади.

🇺🇸АҚШнинг Калифорния штати Оушенсайд шаҳрида ташкил этиладиган проф бокс оқшомида 22 ёшли ҳамюртимизга филиппинлик Жино Родриго рақиб бўлади. Боксчилар тарози маросимида белгиланган вазн меъёрини бажаришди.

Обуна бўлинг 👉 Телеграм

🇺🇿🇦🇷🥊Мужибилло Турсуновнинг WBC Гран-приси 1/8 финалидаги рақиби аргентиналик!

🇸🇦Кеча Ар-Риёд шаҳри (Саудия Арабистони)да давом этаётган бокс бўйича WBC Гран-приси доирасида суперенгил вазн тоифасидаги жанглар ўтказилган эди.

Оқшом доирасида ҳамюртимиз Мужибилло Турсунов Нигерия вакили Майкл Адесодунга қарши рингга кўтарилиб, очколар ҳисобига кўра ғалаба қозонганди.

Энди Турсунов июнь ойида Гран-прининг 1/8 финалида аргентиналик Алан Эзикель Дутрага қарши баҳс олиб боради. Дутра кеча илк босқичда америкалик Кризтеч Базалдуани тўртинчи раундда нокаутга учратган эди.

Обуна бўлинг 👉 Телеграм

🇺🇿🇫🇷😔WBC Гран-приси. Суҳроб Қаюмов тажрибали рақибга очколар ҳисобига кўра ютқазиб қўйди

🇸🇦Саудия Арабистони пойтахти Ар-Риёд шаҳрида WBC ташкилотининг Гран-При турнири ўтказилмоқда.

Ҳозиргина ҳамюртимиз Суҳроб Қаюмов (4-1, 2 КО) иштирокидаги жанг якунланди. Ушбу жангда боксчимизга Эпрем Барико (11-0, 6 КО) рақиблик қилди. 

Олти раундга мўлжалланган жанг тўлиқ давом этди ва унда афсуски франциялик боксчи ҳакамларнинг якдил қарори билан 59-55, 59-55, 59-55 ҳисобларида ғалабага эришди. 

Шу тариқа, Суҳроб Қаюмов профессионал боксдаги илк мағлубиятини қабул қилиб олди. 

Обуна бўлинг 👉 Телеграм

🇺🇿🥊👏Руслан Абдуллаев WBA Continental камари соҳиби!

Супер енгил вазн тоифасидаги профессионал боксчимиз Руслан Абдуллаев ҳозиргина иккинчи жангини якунлади.

🇺🇸АҚШнинг Калифорния штати Оушенсайд шаҳрида ташкил этилаётган проф бокс оқшомида 22 ёшли ҳамюртимизга филиппинлик Жино Родриго рақиб бўлди. Саккиз раунд тўлиқ давом этган жангда чарм қўлқоп устамиз рақибини ҳакамларнинг якдил қарори билан (80:71, 80:71, 80:71) мағлубиятга учратди.

Эътиборлиси шундаки, Оскар Де Ла Хойяга тегишли Golden Boy промоутерлик компанияси мижози бўлган Руслан Абдуллаев проф боксдаги иккинчи жангидаёқ WBA Continental камарини қўлга киритди.

Обуна бўлинг 👉 Телеграм

🇺🇿🥊WBC Гран-приси. Бугун Лазизбек Мулложоновга мухлислик қиламиз

🇸🇦Бугун Саудия Арабистони пойтахти Ар-Риёд шаҳрида WBC Гран-присининг дастлабки босқичи якунига етади.

Бугун мусобақа доирасида оғир вазн тоифасидаги жанглар ташкил этилади ва биз учун аҳамиятлиси, ҳамюртимиз Лазизбек Мулложонов ҳам кард доирасида рингга кўтарилади. Чарм қўлқоп устамизга 1/16 финалда панамалик Марвин Мендоса рақиблик қилади.

🇺🇿🇵🇦Маълумот учун, ҳаваскорлар ўртасида Париж-2024 Олимпиадаси ғолиби бўлган Мулложонов проф фаолияти давомида ҳозирга қадар 5 та жанг ўтказиб, уларнинг барчасида ғалаба қозонган. Мендоса ҳисобида эса 3 та ғалаба, 1 та мағлубият ва 1 та дуранг бор.

Обуна бўлинг 👉 Телеграм

🇺🇿🇵🇦🥊WBC Гран-приси. Лазизбек Мулложонов рақибини техник нокаутга учратди

🇸🇦Саудия Арабистони пойтахти Ар-Риёд шаҳрида ўтказилаётган WBC Гран-присининг дастлабки босқичи якунига етиб бормоқда.

Ҳозиргина ҳамюртимиз Лазизбек Мулложонов 1/16 финал жангида панамалик Марвин Мендосани учинчи раундда техник нокаутга учратди.

Обуна бўлинг 👉 Телеграм