🇺🇿🇫🇷😔WBC Гран-приси. Суҳроб Қаюмов тажрибали рақибга очколар ҳисобига кўра ютқазиб қўйди

🇸🇦Саудия Арабистони пойтахти Ар-Риёд шаҳрида WBC ташкилотининг Гран-При турнири ўтказилмоқда.

Ҳозиргина ҳамюртимиз Суҳроб Қаюмов (4-1, 2 КО) иштирокидаги жанг якунланди. Ушбу жангда боксчимизга Эпрем Барико (11-0, 6 КО) рақиблик қилди. 

Олти раундга мўлжалланган жанг тўлиқ давом этди ва унда афсуски франциялик боксчи ҳакамларнинг якдил қарори билан 59-55, 59-55, 59-55 ҳисобларида ғалабага эришди. 

Шу тариқа, Суҳроб Қаюмов профессионал боксдаги илк мағлубиятини қабул қилиб олди. 

Обуна бўлинг 👉 Телеграм

🇺🇿🥊👏Руслан Абдуллаев WBA Continental камари соҳиби!

Супер енгил вазн тоифасидаги профессионал боксчимиз Руслан Абдуллаев ҳозиргина иккинчи жангини якунлади.

🇺🇸АҚШнинг Калифорния штати Оушенсайд шаҳрида ташкил этилаётган проф бокс оқшомида 22 ёшли ҳамюртимизга филиппинлик Жино Родриго рақиб бўлди. Саккиз раунд тўлиқ давом этган жангда чарм қўлқоп устамиз рақибини ҳакамларнинг якдил қарори билан (80:71, 80:71, 80:71) мағлубиятга учратди.

Эътиборлиси шундаки, Оскар Де Ла Хойяга тегишли Golden Boy промоутерлик компанияси мижози бўлган Руслан Абдуллаев проф боксдаги иккинчи жангидаёқ WBA Continental камарини қўлга киритди.

Обуна бўлинг 👉 Телеграм

🇺🇿🥊WBC Гран-приси. Бугун Лазизбек Мулложоновга мухлислик қиламиз

🇸🇦Бугун Саудия Арабистони пойтахти Ар-Риёд шаҳрида WBC Гран-присининг дастлабки босқичи якунига етади.

Бугун мусобақа доирасида оғир вазн тоифасидаги жанглар ташкил этилади ва биз учун аҳамиятлиси, ҳамюртимиз Лазизбек Мулложонов ҳам кард доирасида рингга кўтарилади. Чарм қўлқоп устамизга 1/16 финалда панамалик Марвин Мендоса рақиблик қилади.

🇺🇿🇵🇦Маълумот учун, ҳаваскорлар ўртасида Париж-2024 Олимпиадаси ғолиби бўлган Мулложонов проф фаолияти давомида ҳозирга қадар 5 та жанг ўтказиб, уларнинг барчасида ғалаба қозонган. Мендоса ҳисобида эса 3 та ғалаба, 1 та мағлубият ва 1 та дуранг бор.

Обуна бўлинг 👉 Телеграм

🇺🇿🇵🇦🥊WBC Гран-приси. Лазизбек Мулложонов рақибини техник нокаутга учратди

🇸🇦Саудия Арабистони пойтахти Ар-Риёд шаҳрида ўтказилаётган WBC Гран-присининг дастлабки босқичи якунига етиб бормоқда.

Ҳозиргина ҳамюртимиз Лазизбек Мулложонов 1/16 финал жангида панамалик Марвин Мендосани учинчи раундда техник нокаутга учратди.

Обуна бўлинг 👉 Телеграм

🇺🇿🥊Ҳавасбек Асадуллаев проф боксдаги тўртинчи жангини ўтказади

🇷🇺25 апрель куни Россия Федерациясининг Уфа шаҳрида жойлашган "Wrestling Palace" мажмуасида IBA PRO 3 профессионал бокс оқшоми ташкил этилади.

Биз учун аҳамиятлиси, турнир доирасида чарм қўлқоп устамиз Ҳавасбек Асадуллаев ҳам рингга кўтарилади. Андижонлик 25 ёшли Ҳавасбекка ўша куни россиялик тажрибали боксчи Алан Хугаев рақиб бўлади. Жанг яримўрта вазн тоифасида ташкил этилади.

Маълумот учун, бу Асадуллаев учун профессионал боксдаги тўртинчи жанг бўлади. У бундан аввалги барча жангларида ғалаба қозонган. Икки жангида рақибларини муддатидан аввал мағлуб этган. 26 ёшли Алан Хугаев ҳисобида эса 19 та ғалаба бор. У ғалабаларининг 9 тасини муддатидан олдин қўлга киритган.

Обуна бўлинг 👉 Телеграм

🇺🇸🛬🇺🇿WBA Continental камари соҳиби Руслан Абдуллаев Ватанга қайтди

Супер енгил вазн тоифасидаги профессионал боксчимиз Руслан Абдуллаев якшанба тонггида АҚШнинг Калифорния штати Оушенсайд шаҳрида ташкил этилган проф бокс оқшомида филиппинлик Жино Родригони саккиз раунд тўлиқ давом этган жангда ҳакамларнинг якдил қарори билан (80:71, 80:71, 80:71) мағлубиятга учратганди. Ҳозиргина у Ўзбекистонга қайтиб келди.

Эътиборлиси шундаки, Оскар Де Ла Хойяга тегишли Golden Boy промоутерлик компанияси мижози бўлган Руслан Абдуллаев проф боксдаги иккинчи жангидаёқ WBA Continental камарини қўлга киритди.

Обуна бўлинг 👉 Телеграм

🇺🇿🛫🇭🇺Абдуллаев ва Турғунбоев навбатдаги жанглари учун Венгрияга йўл олишяпти

🇭🇺26 апрель куни Венгрия пойтахти Будапешт шаҳридаги "Folyondar Sports Hall" мажмуасида профессионал бокс оқшоми бўлиб ўтади.

Биз учун аҳамиятлиси, турнир доирасида икки чарм қўлқоп устамиз — Шоҳжаҳон Абдуллаев ҳамда Комронбек Турғунбоев ҳам рингга кўтарилади. Айни шу дақиқаларда боксчиларимиз мураббий Даврон Ғофуров ва Руслан Телимбаев ҳамроҳлигида турнир манзили томон йўлга чиқишган.

Маълумот учун, 22 ёшли Абдуллевга 26 апрель кунги жангида Венесуэла вакили Иван Матьют рақиблик қилса, 21 яшар Турғунбоев молдовалик Иван Петровга қарши рингга кўтарилади.

Бу Шоҳжаҳон Абдуллаев учун проф боксдаги тўртинчи жанг бўлади. У бундан аввалги жангларининг барчасида рақибларидан устун келганди. Абдуллаевнинг бўлажак рақиби — 31 яшар Матьют ҳисобида эса 31 ғалаба, 20 та мағлубият ва 2 дуранг бор.

Ярим ўрта вазнли Комронбек эса 2023 йилда проф боксда дебют қилиб, Богдан Утегеновни мағлуб этганди. Петров (7-16-2)га қарши жанг ҳамюртимиз учун профессионал фаолиятидаги иккинчиси бўлади.

Обуна бўлинг 👉 Телеграм

🇺🇸🇺🇿🥊Расман: WBA Шаҳрам Ғиёсов - Жарон Эннис жангига буйруқ берди

Бутунжаҳон бокс ассоциацияси (WBA) чемпион Жарон Эннисга ўз камарини Шаҳрам Ғиёсовдан ҳимоя қилиши кераклиги борасида буйруқ берди.

WBA қоидаларига кўра, Эннис 12 апрель куни Станиосисни мағлуб этганидан сўнг 120 кун ичида камарини Шаҳрам Ғиёсовдан ҳимоя қилиши керак. Ҳамюртимиз бу ҳолатда иккита камар учун ўтказади.

Маълумот учун, Жарон Эннис айни пайтда WBA ва IBF камарлари соҳиби ҳисобланади. У сўнгги жангида литвалик Эймантас Станионисни муддатидан аввал мағлубиятга учратган эди. Шаҳрам Ғиёсов эса 13 апрель тонгида АҚШнинг Нью-Жерси штати, Атлантик Сити шаҳрида ўтган профессионал бокс оқшомида аргентиналик Франко Максимилиано Окампони тўртинчи раундда техник нокаутга учратганди.

Обуна бўлинг 👉 Телеграм

🇺🇿🥊Чемпионлик камари учун яқинлашаётган Шехов Будапештда жанг ўтказади

🇭🇺26 апрель куни Венгрия пойтахти Будапешт шаҳридаги "Folyondar Sports Hall" мажмуасида профессионал бокс оқшоми ўтказилади.

Биз учун аҳамиятлиси, ушбу бокс турнири доирасида иккинчи энг енгил вазн тоифасида фаолият олиб бораётган чарм қўлқоп устамиз Муҳаммад Шехов венесуэлалик Орландо Моралесга қарши рингга кўтарилади. Жанг 8 раунд этиб белгиланган.

Маълумот учун, бухоролик 32 ёшли боксчимиз фаолияти давомида 16 та жанг ўтказиб, 15 ғалаба ва 1 та дуранг қайд этган. У сўнгги жангини ўтган йилнинг декабрь ойида хитойлик Зонг Лиуга қарши ўтказиб, очколар ҳисобига кўра ғалаба қозонган ва вакант бўлиб турган IBF Intercontinental камарини қўлга киритганди. Шехов ҳозирда WBO рейтингида 5-ўринни эгаллаб турибди.

🇻🇪Унинг бўлажак рақиби, 20 ёшли Орландо Моралес ҳисобида эса 13 ғалаба ва 2 мағлубият бор.

Аввалроқ, Венгриядаги мазкур турнирда Шоҳжаҳон Абдуллаев ва Комронбек Турғунбоевнинг ҳам рингга кўтарилиши ҳақида хабар берган эдик.

Обуна бўлинг 👉 Телеграм

🇬🇧🥊💸Даҳшат! Жанги "Tottenham Hottspur Stadium"да ўтадиган икки британияликнинг гонорари эълон қилинди

Эртадан кейин, 26 апрель куни Буюк Британиянинг Лондон шаҳрида катта профессионал бокс турнири бўлиб ўтади.

"Тоттенхэм" клуби тегишли "Tottenham Hottspur Stadium"да ўтадиган оқшомнинг асосий жангида икки британиялик боксчилар - Крис Юбэнк ва Конор Бенн ўзаро тўқнаш келади. Ўрта вазн тоифаси вакилларининг ўзаро жангига бўлган қизиқиш жуда юқори.

Крис Юбэнк ва Конор Бенн фаолиятларидаги энг катта гонорарни ҳам айнан британ дербисидаги жангларидан олишади. Юбэнк 13,3 млн, Бенн эса 10,6 млн АҚШ доллари миқдорида кафолатланган гонорарга эга бўлади. Бу суммага жуда кўп машҳур чемпионлар ҳавас қилади.

Эслатиб ўтамиз, Крис Юбэнк ўзининг сўнгги жангини 2024 йилнинг октябрь ойида Камил Шереметга қарши ўтказиб, рақибини еттинчи раундда техник нокаутга учратганди. Бенн эса 2024 йилнинг февралида Питер Добсондан очколар ҳисобига кўра устун келган эди.

Обуна бўлинг 👉 Телеграм

🇺🇿🤲Бугунги кун хайрли ўтсин, биз учун қадрли кузатувчилар!

📸Сурат тарихдан сўзлар. Кимларни танидингиз? Таниган инсонларингиз бўлса, уларга жўнатиб қўйинг

Обуна бўлинг 👉 Телеграм

🇺🇿🤲Шаҳрам Ғиёсов: "Чемпион ким бўлса, ўша билан жанг қилиб, камарни Ўзбекистонга олиб келаман"

Профессионал бокснинг яримўрта вазн тоифасида WBA камари учун ўзбекистонлик мажбурий даъвогар Шаҳрам Ғиёсов йўналиш суперчемпиони билан жангга муносабат билдирди.

"Эннис жуда кучли боксчи. Жуда ақлли ва жуда тезкор. Биз ҳам анойилардан эмасмиз. Мен 20 йил шунчаки юрганим йўқ. Ким рақиб бўлишининг менга фарқи йўқ. Чемпионлик камари кимда бўлса, ўша билан жанг қилиб, камарни Худо хоҳласа Ўзбекистонга олиб келаман", деди Ғиёсов.

Аввалроқ, WBA ташкилоти суперчемпион Жейрон Эннис ҳамда мажбурий даъвогар Шаҳрам Ғиёсов ўртасидаги жангга расман буйруқ бериб, томонларга музокара ўтказиши учун 30 кун мухлат берганди.

Обуна бўлинг 👉 Телеграм