🔥G‘alaba uchun og‘ir mehnat!
Mujibullo Tursunov va murabbiy Sardorbek Razakov hozirda Saudiya Arabistonining Riyod shahrida bo‘lib o‘tayotgan Boxing Grand Prix musobaqasidagi navbatdagi jangga jiddiy tayyorgarlik ko‘rishmoqda.
Hamyurtimizga omad tilab qolamiz!

🇺🇿 Mujibillo Tursunov WBC Grand-prisida ikkinchi g‘alabasiga erishdi

Saudiya Arabistonining Ar-Riyod shahrida professional boks bo‘yicha WBC Grand-prisining navbatdagi bosqichi boshlandi.

To‘rtta divizionda tashkil etilayotgan Grand-prining bugungi bellashuvlari doirasida super engil vazn toifasida o‘zbekistonlik charmqo‘lqop ustasi Mujibillo Tursunov ringga ko‘tarildi.

Hamyurtimizga Argentina vakili Alan Ezikyel Dutra raqiblik qildi.

Ahamiyatlisi, 6 raundlik bellashuv to‘liq davom etib, yakunda Mujibillo ochkolar hisobiga ko‘ra zafar quchdi. Bu g‘alaba orqali Tursunov WBC Grand-prisining chorak final bosqichi chiptasini qo‘lga kiritdi.

Endilikda Andijonda tug‘ilgan Mujibillo Tursunov hisobida 7 ta jangda qo‘lga kiritilgan 7 ta g‘alaba mavjud. Alan Dutra esa bugun faoliyatidagi 16-jangida ilk bor mag‘lubiyat alamini totib ko‘rdi.