🇰🇿Мемлекет басшысы Тәуелсіздік күнімен құттықтады

Құрметті отандастар!

Тәуелсіздік күні құтты болсын!

Бұл мерекенің еліміз үшін мән-маңызы айрықша. Осы күні халқымыз Қазақстанды егемен ел ретінде дамыту жолында ерікті әрі түпкілікті таңдау жасады.

Тәуелсіздік бәрінен қымбат! Біз бабалар рухына тағзым етіп, өскелең ұрпақ алдындағы тарихи жауапкершілікті сезіне отырып, осы ұстанымға адал боламыз.

Азаматтарымыздың ырысты ынтымағының, өзара қолдауының және жасампаз еңбегінің, сондай-ақ қоғамдағы тұрақтылық пен келісімнің арқасында Қазақстан Тәуелсіздікті нығайту ісінде елеулі жетістіктерге қол жеткізді. Қазір бүкіл әлем жылдам өзгеріп жатыр. Түрлі сынақтармен қатар, тың мүмкіндіктерге толы жаңа тарихи дәуір басталды.

Мұндай жағдайда біз жас және озық ойлы ұлт ретінде болашаққа зор үмітпен және нық сеніммен қарап, берекелі бірлігімізді сақтауымыз керек. Еліміздің жаһандық деңгейдегі беделі мен бәсекеге қабілетін арттырып, Қазақстанды көркейген мемлекет ретінде дамыту үшін аянбай еңбек етуіміз қажет.

Қазір жүзеге асырылып жатқан ауқымды реформалардың нәтижесінде зор табысқа жетеміз деп сенемін. Жан-жақты жаңғыруға бағытталған стратегиялық бағдарымыздан ауытқымай, Әділетті, Күшті, Таза, Қауіпсіз Қазақстанды құрамыз.

Баршаңызға мол бақыт, бақ-береке және толағай табыс тілеймін!

Қастерлі Тәуелсіздігіміз мәңгі болсын!

@ptrkkz

🇰🇿Қазақстан Республикасының Тәуелсіздік күні құтты болсын!

@ptrkkz

🇰🇿Мемлекет басшысы энергетика саласы қызметкерлерін кәсіби мерекесімен құттықтады

▫️Тұрақты қуат көзі болмаса, қуатты мемлекет құру мүмкін емес. Энергетика саласында қызмет ету – еліміздің дамуына үлес қосу деген сөз

▫️Маңызды міндеттерді жүзеге асыру үшін энергетика саласын түбегейлі жаңғыртуымыз керек

▫️Cоңғы алты жылда электр энергиясын өндіру 16 миллиард киловатт-сағатқа артты. Қазіргі кезде Қазақстанның электр энергетикасы жүйесіне жалпы қуаты 25 гигаваттан асатын 237 электр станциясы кіреді

▫️2030 жылға дейін кемінде 200 нысанға реконструкция жасалады, 86 мың шақырым желі жаңарады

▫️Биыл батыс аймақтардың электр желісін күшейтетін бірегей жоба аяқталады. Бұл жоба Батыс Қазақстан, Атырау, Маңғыстау облыстарының энергетикалық тораптарын біріктіреді

▫️Екібастұздағы екінші ГРЭС-те жаңа энергоблоктар салынады. Сондай-ақ үшінші ГРЭС-тің құрылысы басталмақ. Бұл нысандар еліміздегі энергетика жетіспеушілігін жоюға тиіс

▫️2026 жылы Алматыдағы электр станцияларын жаңғырту – Үкімет пен әкімдік алдында тұрған маңызды мақсат. Келесі жылы Қызылорда және Түркістан облыстарында бу-газ қондырғысы бар электр станцияларын толық іске қосу керек

▫️Біз 2035 жылға дейін 26 гигаваттан астам қуат көзін өндіретін нысандарды іске қосуды жоспарлап отырмыз

▫️Қазақстан – көмірге бай ел. Жыл сайын 110 миллион тоннадан астам көмір өндіріледі. Осы стратегиялық артықшылықты дұрыс пайдаланған жөн. Біз заманауи үлгідегі «таза көмір» технологиясына тезірек көшуіміз керек

▫️Қазақстанның энергетикалық картасында атом станциясының пайда болуы ел экономикасының жаңа әрі сапалы деңгейге көшкенін білдіреді

▫️Мемлекет энергетика мамандарының жаңа буынын даярлап, осы саланың әлеуетін арттыра береді

▫️Ысырапшылдыққа жол беруге болмайды. Халқымыз «Үнемшілдік – ырыстың кілті» деп бекер айтпаған. Біз осы қасиетті ұлттық дағдымыз етіп, қоғамда мүлдем жаңа мәдениет қалыптастыруымыз керек.

@ptrkkz

💬💬 Президент салада таяу жылдары атқарылатын нақты жұмыс бағыттарын атап өтті

@ptrkkz

⚛ Президент: «Благодаря усилиям государства существенно повышена устойчивость энергообъектов и инженерно-коммунальных сетей»

@ptrkkz

⚛ Президент Үкіметтің «Энергетикалық және коммуналдық секторларды жаңғырту» жөніндегі ұлттық жобаның басталғанын еске салды

@ptrkkz

⚠ Мемлекет басшысының айтуынша, Қазақстан – көмірге бай ел. Осы стратегиялық артықшылықты дұрыс пайдаланған жөн.

@ptrkkz

⚛ Қасым-Жомарт Тоқаев: «Біз заманауи үлгідегі «таза көмір» технологиясына тезірек көшуіміз керек»

@ptrkkz

🇰🇿 «Тірек» – елге тірек болған адамдар туралы фильм

🎥 ҚР Президентінің Телерадиокешені әзірлеген фильмде өзінің күнделікті ісін адал атқарып жүрген адамдар туралы баяндайды.

☑ Ерекше кадрлар, жылы естеліктер мен өзге де қызықты сәттер қамтылған деректі фильмді жуырда YouTube арнамыздан тамашалаңыз.

@ptrkkz

🇰🇿 Еңбекпен өрілген өмірлер

🎥 ҚР Президентінің Телерадиокешені еңбек адамдарын насихаттау мақсатында «Тірек» атты жаңа деректі фильм әзірледі.

☑ Туынды өз ісін күнделікті адал атқарып жүрген агроном, сауыншы, теміржолшы, механизатор сынды қарапайым жұмысшы маман иелеріне арналған.

▫️Мамандықтың қадір-қасиетін ұғындыратын фильм жуырда көрермен назарына ұсынылады.

🐆 Біздің YouTube арнамыздан көріңіздер.

@ptrkkz

🇰🇿 Адал еңбек – өмірімнің тынысы

🎥 ҚР Президентінің Телерадиокешені әзірлеген фильмде еңбек адамдары Мемлекет басшысының қолынан марапат алғаны көрсетіледі.

☑ Қызықты, әрі маңызды естеліктер қамтылған деректі фильмді жуырда YouTube арнамыздан тамашалаңыз.

@ptrkkz

☑ Түйе шаруашылығына жан бітірген

🎥 «Тірек» – ҚР Президентінің Телерадиокешені түсірген жаңа деректі фильм.

⚠ Мамандыққа адал болуға үндейтін туынды көрерменге жол тартады. Жуырда YouTube арнамыздан тамашалаңыз.

@ptrkkz

🇰🇿🇯🇵Қасым-Жомарт Тоқаев Жапонияға ресми сапармен барды

Қазақстан Президентін Токио қаласының Ханэда халықаралық әуежайында Жапонияның мемлекеттік сыртқы істер министрі Аяно Кунимицу қарсы алды.

@ptrkkz