🎥 Қысқы Олимпиада ойындарына қатысатын қазақстандық спортшыларға Мемлекеттік ту тапсырылды

@ptrkkz

🇰🇿Қасым-Жомарт Тоқаев Қысқы Олимпиада ойындарына қатысатын спортшыларға Мемлекеттік туды тапсырып, алда жарқын жеңістер күтіп тұрғанына сенім білдірді

@ptrkkz

📑 Қасым-Жомарт Тоқаев: «Қоғамымызға, жалпы елімізге заң үстемдігі, тәртіп мықтылығы ауадай қажет»

Президент Бас прокуратурада жиын өткізді

▫️Заң мен тәртіп мемлекеттік саясатымыздың негізгі қағидаты ретінде қабылдануы керек, бұл қағидатты жаңа Конституциямызға міндетті түрде енгізу қажет деп санаймын

▫️Прокуратура қызметкерінің заңның бұзылуына бейтарап, селқос қарауға құқығы жоқ

▫️Құқық қорғау жүйесін цифрландыру үдерісі біркелкі емес, яғни әр жерде әрқалай

▫️Үкіметке қолданыстағы барлық цифрлық шешімдерді саралап, тексеріп, олардың тиімділігін арттыруды тапсырамын

▫️Дербес деректерді барынша қорғау үшін бұл жұмыспен жүйелі түрде айналысу керек

▫️Киберқылмыспен күрес тәсілдерін түбегейлі қайта қарау қажет

▫️Елге келген шетел азаматтарын уақтылы есепке алып, олардың жүріс-тұрысын бақылайтын техникалық құралдарды жетілдіру – аса маңызды міндет

▫️Үкіметке Ұлттық қауіпсіздік комитетімен бірлесіп, осы жұмысты тездетуді тапсырамын

▫️Отанға деген сүйіспеншілік – саяси ұпай жинау немесе қызметтік мансап жасау емес, бұл – Отаныңа жақсылық жасау, еліңе пайда әкелу деген сөз.

@ptrkkz

🇰🇿🇮🇱Мемлекет басшысы Израильдің сыртқы істер министрі Гидеон Саарды қабылдады

🤝 Кездесуде сауда-экономикалық және ғылыми-техникалық ықпалдастықты жандандыруға, жасанды интеллект, ауыл шаруашылығы, су ресурстарын басқару, сондай-ақ басқа салалардағы бірлескен жобаларды жүзеге асыруға баса мән берілді.

✔️ Қасым-Жомарт Тоқаев Гидеон Саардың Астанаға сапары аясында Қазақстан-Израиль бизнес форумын өткізуді қолдап, оның қорытындысы екі елдің инвестициялық серіктестігін кеңейтуге елеулі үлес қосатынына сенім білдірді. Кездесу барысында халықаралық күн тәртібінің өзекті мәселелері талқыланды.

@ptrkkz

🤝 Мемлекет басшысы Конституциялық комиссияның төрағасын қабылдады

✔️ Президентке Конституциялық комиссияның бұған дейін өткен отырыстарының нәтижесі туралы мәлімет берілді. Эльвира Әзімова Комиссия қызметінің ашықтығын қамтамасыз ету мақсатында барлық отырыс медиа кеңістікте, соның ішінде арнайы телеграмм арналары арқылы тікелей көрсетіліп жатқанын баяндады.

✉️ Қасым-Жомарт Тоқаев алдағы Конституциялық реформа еліміздің дамуына тың серпін беретінін атап өтті. Ал Комиссия жұмысы Конституциялық реформаларды іске асыруда өте маңызды рөл атқаратынын жеткізді.

@ptrkkz

🔹 Президент Қаржылық мониторинг агенттігінде жиын өткізді

– Жалпы, осындай қысқа мерзім ішінде көп жұмыс істелді, біраз тәжірибе жинақталды. Бүгінде Қаржылық мониторинг агенттігі еліміздің экономикалық және ұлттық қауіпсіздік жүйесінде маңызды рөл атқаратын дербес құрылымға айналды. Мұны табанды еңбек пен адал қызметтің нәтижесі деуге болады. Агенттік қызметкерлеріне ризашылығымды білдіремін. Бірақ босаңсуға болмайды. Себебі алдымызда биік мақсаттар мен ауқымды жұмыс бар. Әсіресе, қазір өте қарқынды дамып жатқан цифрлық технология мен жасанды интеллект дәуірінде жұмысқа түбегейлі жаңа көзқараспен қарау міндеті тұр, – деді Қасым-Жомарт Тоқаев.

@ptrkkz

📊 Қасым-Жомарт Тоқаев жиында басты көрсеткіштер мен деректерге назар аударды

▫️Қазақстан 2023 жылдан бері «Эгмонт» тобының қаржылық барлау бірлестігінде Еуразия аймағының мүддесін қорғайды. 20 ірі криптобиржамен сындарлы серіктестік орнатылды

▫️Былтыр қаржыны қолма-қол ақшаға айналдыратын 200-ге жуық жалған компания әшкереленді. Олардың заңсыз айналымдағы қаражаты 500 миллиард теңгеден асады. Сексеннен астам қылмыстық топ құрықталды. 100-ден астам қаржы пирамидасы жойылды

▫️Қылмыстың салдарын емес, себебін анықтап, онымен күресу маңыздырақ. 2023 жылы шығын көлемі 325 миллиард теңгеге бағаланды. Оның 53 миллиард теңгесі немесе шамамен 16,5 пайызы қайтарылды; 2024 жылы шығын көлемі 4,4 триллион теңгеге бағаланды. Оның 236 миллиард теңгесі немесе 5,5 пайызы қайтарылды; 2025 жылы шығын көлемі 135 миллиард теңгені құраған, яғни айтарлықтай азайған. Оның 20 миллиард теңгесі немесе 15 пайызға жуығы қайтарылған

▫️2025 жылы Агенттік 2710 іс қозғаған, оның 1061-інде күдіктілер ақталып, іс тоқтатылған

▫️Бүгінге дейін 62 миллиард теңгеден астам қаржы айналымы бар 130 заңсыз криптоалмасу қызметі жойылды. Осы істердің аясында 2,6 миллиард теңгенің мүлкіне тыйым салынды

▫️Агенттік қаржы пирамидаларымен белсенді күрес жүргізіп жатыр. Тек былтырдың өзінде 140-тан астам қылмыстық іс тергеліп, жарты миллионнан аса адамның қаржысын тартпақшы болған 15 мың сайт пен 123 чат жабылды.

@ptrkkz

🤝 Президентіміз Higgsfield AI басшылығын қабылдады

✉️ Мемлекет басшысының айтуынша, Қазақстан IT саласындағы компаниялар тез арада іске қосылып, қарқынды түрде дамып, әлемдік нарыққа шығатын алаңға айналуы қажет. Бұл – негізгі міндет.

@ptrkkz

✉️ Мемлекет басшысының айтуынша, құқық қорғау мекемелері технологиялық тұрғыдан артта қалып қоймауы керек

@ptrkkz

✉️ Президент: «Құқық қорғау мекемелері, соның ішінде Қаржылық мониторинг агенттігі технологиялық тұрғыдан артта қалып қойса, бұл жағдай ұлттық қауіпсіздігімізге қатер төндіруі мүмкін»

@ptrkkz

✉️ Мемлекет басшысы криптоға айырбастау жарнамасы тыйылмай тұрғанын және мәселе түбегейлі шешімін таппағанын сынға алды

@ptrkkz

⚡️ Қасым-Жомарт Тоқаев заңды тұлғалардың күмәнді табыстарды заңдастыруына қатысты жазаны күшейтуді тапсырды

@ptrkkz

❕ Президент
Қаржылық барлау қызметкерлерінен нағыз жауапкершілік пен жасампаздық тұрғысынан қарайтын отаншылдықты талап етті

@ptrkkz

🧷«Шаш ал десе, бас алып», шектен шығуға болмайды»

@ptrkkz

🎓 Отыз ұлт пен ұлыстың жастарын біріктірген білім ордасы

✔️ Қожа Ахмет Ясауи атындағы Халықаралық қазақ-түрік университеті – тек түркі елдерінің ғана емес, шартараптан студенттерді қабылдап, білім әлеміне жол сілтеп келеді.

🎥 ҚР Президентінің Телерадиокешені «ШАМШЫРАҚ» деректі фильмінде тәуелсіздіктің төл құрдасы, Түркістанда орналасқан университеттің құрылуы, әлемдік рейтингтердегі орны, жетістігі және өзге де қызық ақпараттар қамтылды.

🗓️ Ертең, 30 қаңтар сағат 18:25-те Jibek Joly телеарнасынан тамашалаңыздар!

@ptrkkz

✔️ Мемлекет басшысы Волонтерлер форумында сөз сөйледі

▫️Ерікті болу – игі істер жасау, жақсылық істеп, басқаға үлгі көрсету, Отаныңа адал қызмет ету, туған жеріңе жанашыр болу деген сөз

▫️Қазақстан «волонтер болам, қоғамдық іспен айналысам» деген әрбір азаматты қолдайды

▫️Еріктілердің саны да артып келеді. 2020 жылы Қазақстанда 50 мың волонтер бар еді. Қазір олардың қатары 300 мың адамға жетті

▫️Мен волонтердің цифрлық паспортын жасау туралы ұсынысты толық қолдаймын

▫️Тәжірибе алмасуға және халықаралық деңгейдегі волонтерлік бастамаларды үйлестіруге арналған жаңа платформалар құру қажет деп санаймын

▫️Биыл біздің бастамамызбен Қазақстанда Тәуелсіз Мемлекеттер Достастығына мүше елдер еріктілерінің алғашқы форумы өтеді

▫️Каспий теңізіндегі іс-қимыл апталығы мен Арал маңындағы табиғатты қалпына келтіру жөніндегі халықаралық волонтерлік апталық өткізу көзделген. Аталған жиындарға түрлі мемлекеттерден еріктілер шақырылады

▫️Биыл еріктілер ісін дамытуға арналған үш жылдық Жол картасын іске асыру мерзімі аяқталады. Сондықтан Үкімет 2030 жылға дейінгі кезеңді қамтитын жаңа мазмұнды құжат әзірлегені жөн

▫️Бизнес өкілдері корпоративтік волонтерлік қызметке назар аударып, осы бағыттағы жобаларға барынша қолдау көрсетуі керек

▫️Комиссия Конституцияға қатысты ұсыныстың бәрін мұқият саралап шықты. Мұқият ойластырылған түзетулер Конституцияның барлық негізгі бөлімдері мен баптарын, преамбуласын түгел қамтитын болады

▫️Әрбір азамат өзінің және қоғамның игілігі жолында күнделікті адал еңбек етіп, әлемді жақсарта түсуге ұмтылуға тиіс. Отанға деген шынайы сүйіспеншілік – осы

▫️Қазақстанның болашағы – осындай белсенді әрі жігерлі ұл-қыздарымыздың қолында. Бәріңізге «Жарайсыздар!» деп айтқым келеді».

@ptrkkz