🇰🇿 Біздің Президент Қазақстан құрамасын Көшпенділер ойындарындағы табысты өнерімен құттықтады

Мемлекет басшысы чемпиондар мен жүлдегерлерге, бапкерлер құрамына және барша мамандарға шынайы ризашылығын жеткізіп, мұндай ерен жетістіктер Қазақстанның ұлттық спорт түрлері дамыған ел ретінде халықаралық беделін асқақтата түсетінін айтты.

🥇 Қасым-Жомарт Тоқаев спортшыларымыздың ең беделді сайыстарда биік белестерді бағындыра беруіне тілектестік білдірді.

@ptrkkz

⭐️Silk Way Star мегажобасының екінші маусымының тұсаукесері Қытайда өтті

Қытайда Silk Way Star халықаралық музыкалық байқауының екінші маусымының алғашқы шығарылымы көрерменге жол тартты.

Жобаға 12 елден — Қазақстан, Қытай, Қырғызстан, Ресей, Вьетнам, Малайзия, Түркия, Сербия, Оңтүстік Африка Республикасы, Жаңа Зеландия, Бразилия және Грузиядан өнерпаздар қатысуда.

🇰🇿 Қазақстан атынан байқауға Рухия Байдүкенова қатысып, қазақтың халық әні «Бұлбұлды» орындады. Ол Silk Way Star байқауының екінші маусымындағы алғашқы турдың жеңімпазы атанды.

✔️ Халықаралық музыкалық жобаны ҚР Президентінің Телерадиокешені China Media Group компаниясымен бірлесіп жүзеге асырып келеді. Байқау әртүрлі елдердің өнерпаздары мен музыкалық дәстүрлерін бір сахнада тоғыстырады.

@ptrkkz

#СЛОВОТОКАЕВА

🥇 Наш Президент:

Достижения каждого гражданина – это достижения всего Казахстана, честь каждого спортсмена – это авторитет всего нашего народа

@ptrkkz

🈂️Ертістен Баянауылға дейін – «Таза қала» сапары

Ертіс жағалауы, Павлодардың демалыс орындары және Баянауылдың көркем табиғаты – жаңа шығарылымның назарында. Өңірдегі туристік инфрақұрылымның дамуы мен көпшілік демалатын орындардың тазалығы да сараланады.

🌳Баянауылдың табиғатын сақтап, туристер үшін жайлы жағдай қалыптастыруға не қажет? Қала мен курортты аймақтағы өзекті мәселелер қалай шешіліп жатыр?

📺 Бүгін 19:30-да Jibek Joly телеарнасында!

@ptrkkz

🎾 Біздің Президент теннисші Елена Рыбакинаны «Әлемнің бірінші ракеткасы» атануымен құттықтады

– Сіз айрықша талант пен тынымсыз еңбектің және өзіңізге деген нық сенімнің арқасында WTA рейтингінде көш бастап, биік шыңды бағындырдыңыз. Осынау тарихи жеңісіңіз қазақ спортының даңқын асырды. Есіміңіз әлемдік теннис жылнамасынан ойып тұрып орын алды. Сіздің жетістікке толы жолыңыз – еліміздің жас спортшылары мен дүниенің түкпір-түкпіріндегі миллиондаған теннис жанкүйері үшін үлгі-өнеге, – деп жазылған құттықтауда.

🇰🇿 Қасым-Жомарт Тоқаев Елена Рыбакинаның чемпиондарға тән жалынды рухтан қуат алып, жаңа белестерге батыл қадам баса беруіне тілектестік білдірді.

@ptrkkz

📌 Қасым-Жомарт Тоқаев ТМҰ-ға мүше мемлекеттердің Ішкі істер министрлерімен кездесті
 
Жиынға:

🇦🇿Әзербайжан Республикасы Ішкі істер министрі Вилаят Эйвазов
🇰🇬Қырғыз Республикасы Ішкі істер министрі Улан Ниязбеков
🇹🇷Түркия Республикасы Ішкі істер министрі Мустафа Чифтчи
🇺🇿Өзбекстан Республикасы Ішкі істер министрі Азиз Ташпулатов
🇰🇿Қазақстан Республикасы Ішкі істер министрі Ержан Сәденов қатысты.

– Біздің достығымызды бекемдей түсуге Түркі мемлекеттері ұйымы зор үлес қосуда. Қазақстан бұл беделді құрылыммен жан-жақты ықпалдастықты нығайтуға баса мән беріп отыр. Ұйымға мүше елдер түрлі саладағы, соның ішінде күштік құрылымдар арасындағы өзара байланысын күшейтіп келеді. Осы тұрғыдан алғанда, Ішкі істер министрлерінің кездесуі айрықша маңызды екені сөзсіз, – деді Мемлекет басшысы.

@ptrkkz

🇰🇿 Біздің Президент VІ Дүниежүзілік көшпенділер ойындарының жеңімпаздары мен жүлдегерлерін марапаттап, жарқын жеңістерімен құттықтады

🔹Сайыс қорытындысы бойынша спортшыларымыз 74 медаль еншіледі. Оның 32-сі – алтын жүлде. Осы тамаша жеңіс қазақтың рухы биік, жігері мықты, нағыз жеңімпаз ұлт екенін тағы бір мәрте айқын көрсетті

🔹Әлемнің 100-ден астам елінен келген спортшылармен бәсекеге түсіп, көк байрағымызды биікке көтеру – нағыз ұлт перзенттеріне тән асыл қасиет

🔹Былтыр менің тапсырмаммен «Дене шынықтыру және спорт туралы» заңға бірқатар өзгеріс енгізілді. Жаңа заң отандық спорттың дамуына күшті серпін бермек, соның ішінде ұлттық спорттың өркендеуіне ерекше ықпал етеді

🔹Балаларымыз спортпен немесе дене шынықтырумен міндетті түрде айналысуы керек. Бұл – еліміздің жарқын болашағының кепілі

🔹Спорт мектептерінде оқитын әр балаға бөлінетін қаражат көлемі екі есеге жуық артты, яғни 233 мың теңгеден 415 мың теңгеге ұлғайды. Былтыр 220 мыңнан астам бала спорт үйірмесіне мемлекет есебінен ақысыз барды. Осы мақсатқа 50 миллиард теңге бөлінді. Дене шынықтырумен шұғылданатын адамдардың саны 8 миллионнан асты

🔹«Ұлттық және ат спорты түрлері орталығы» да табысты қызмет ете бастады. Елімізде жыл сайын қазақ күресі, тоғызқұмалақ, асық ату, көкпар, бәйге және басқа да спорт түрлері бойынша мыңнан астам жарыс өткізіледі

🔹Жас ұрпақты табанды, қайсар, шыдамды болумен қатар, оларды әдепті, мәдениетті, тиянақты болуға үйрету өте маңызды. Сонда жастарымыздың тәні де, жаны да сау, санасы сергек болады

@ptrkkz

🗓️ Сондай-ақ Қасым-Жомарт Тоқаев Қазақстан халқына Жолдау жасайтын уақытын мәлімдеді

– Таяуда ғана Құрылтай сайлауы өтті. Құрылтайға кәсіби, іскер, жаңашыл азаматтар кірді. Олардың ішінде жастар да аз емес. Вице-Президент тағайындалды. Жаңартылған Үкімет жұмысына кірісті. Қауіпсіздік Кеңесінің аппараты жасақталды. Көп ұзамай Қазақстан Халық Кеңесінің құрамы бекітіледі. Құрылтайдың келісімімен Конституциялық сот судьялары, Орталық сайлау комиссиясы мен Жоғары аудиторлық палатаның мүшелері тағайындалады. Осылайша, еліміздің негізгі мемлекеттік институттары толық жаңғыртылады. Бұл да – ауқымды реформаларымыздың өте маңызды бөлігі. Ал қазан айында мен Конституцияның 46-бабына сәйкес Қазақстан халқына Жолдауымды жасап, алдағы жоспарымызды айқындаймын, – деді Мемлекет басшысы.

@ptrkkz