⚛Президент Қытайдың ірі компаниялары басшыларымен бірқатар кездесу өткізді:

🤝CNPC директорлар кеңесінің төрағасы Дай Хоулянды қабылдады. Кездесуде CNPC-дің Қазақстанның мұнай-газ саласындағы стратегиялық серіктесі екені атап өтілді. Шымкент мұнай өңдеу зауытын жаңғырту, газ химиясы өндірісін дамыту және Ақтөбе облысындағы карбамид зауытының құрылысы сияқты жобалар талқыланды.

🤝Азия инфрақұрылымдық инвестициялар банкінің президенті Цзинь Лицюнмен кездесті. Тараптар көлік, энергетика және денсаулық сақтау салаларындағы ынтымақтастықты талқылады. Мемлекет басшысы Қазақстанның «жасыл» және зияткерлік технологиялар жобаларына аймақтық алаң болуға дайын екенін атап өтті. Банк еліміздегі маңызды жобаларға 2 млрд доллардан астам инвестиция салған.

🤝Huawei компаниясының директорлар кеңесінің төрағасы Хуа Лянді қабылдады. Кездесуде цифрлық шешімдер мен инновациялық технологиялар саласындағы ынтымақтастық талқыланды. «Самұрық-Қазына» мен Huawei арасындағы стратегиялық келісім құпталды. Сондай-ақ компанияның білім беру бастамалары мен IT саласындағы кадр даярлауға үлесі атап өтілді.

🤝Sany Group төрағасы Сян Вэньбоны қабылдады. Кездесуде «жасыл» энергетика мен машина жасау салаларындағы бірлескен жобалар талқыланды. Мемлекет басшысы Жамбыл облысындағы жел генераторына бөлшек шығаратын зауытты маңызды қадам деп атап өтті. Sany Group қуаттылығы 1 ГВт болатын жел электр стансасын салып жатыр.

🤝Бейжіңде China Energy Engineering Group бас директоры Ни Чжэнмен кездесті. Тараптар электр желілерін жаңғырту, дата-орталық салу және қалдықтардан энергия өндіру жобаларын талқылады. Компания Қазақстанда солтүстік пен оңтүстікті жалғайтын электр желілерін салуға және жаңартылатын энергетика жобаларын іске асыруға ниетті.

🤝CNNC бас директоры Шэнь Яньфэнді қабылдады. Кездесуде атом саласындағы ынтымақтастық пен бірлескен жобалар талқыланды. Мемлекет басшысы CNNC-пен екінші атом электр стансасының құрылысы сәтті жүзеге асады деп сенетінін айтты.

🤝CRRC төрағасы Сунь Юнцайды қабылдады. Кездесуде темір жол саласындағы ынтымақтастық пен локомотив өндірісін локализациялау мәселесі талқыланды. ҚТЖ 200 тепловоз сатып алу жөнінде келісімге келген, болашақта тағы 270 гибридті тепловоз алу жоспарлануда. Мемлекет басшысы сервистік орталықтар ашу мен өндірісті дамыту қажеттігін атап өтті.

@ptrkkz

🏛️Президент Қытайдағы Қазақстан мәдениет орталығының ашылу рәсіміне қатысты

Мемлекет басшысы бұл оқиғаны қазақ-қытай достығының символы деп атап, Төраға Си Цзиньпин мен барша қатысушыға алғыс білдірді. Қасым-Жомарт Тоқаеа мәдени-гуманитарлық байланысты нығайтудың маңызын атап өтіп, өнер мен мәдениетті халықтар арасындағы «алтын көпір» деп сипаттады.

▫️Сапар аясында Қытайда Лу Бань зертханасының екі жаңа орталығы ашылды. Президент Қазақстан экономикасының өсіп жатқанын, ЖІӨ биыл 300 млрд долларға жетуі мүмкін екенін айтты.

💬💬Мемлекет басшысының айтуынша, мәдениет орталығы қазақ пен қытай халқы арасындағы достықты тереңдетуге қызмет етеді.

⚛Кейін Қасым-Жомарт Тоқаев ҚХР мәдениет және туризм министрі Сунь Елимен бірге Орталықты аралады. Президентке кітапхана, қазақ тілі, музыка және шығармашылық кабинеттері таныстырылды.

@ptrkkz