🇰🇿🇺🇸Мемлекет басшысы АҚШ-тың ірі компаниялары басшыларымен бірқатар кездесу өткізді

🤝 Cameco корпорациясының президенті Тим Гитцельді қабылдады. Канадалық трансұлттық компания 500 миллион доллардан астам инвестиция құйған әрі технологиялар трансфертіне ықпал еткен. Сондай-ақ «Қазатомөнеркәсіп» ұлттық компаниясының тұрақты серіктесі. «Инкай» бірлескен кәсіпорны Түркістан облысында орналасқан кен орнын ширек ғасырдан бері игеріп келеді. Қасым-Жомарт Тоқаев Қазақстанның уран өндіру саласындағы ынтымақтастық перспективасына тоқталып, үш атом электр стансасын салу көзделгенін атап өтті.

🤝 Goldman Sachs Global Institute компаниясының жаһандық мәселелер бойынша президенті Джаред Коэнмен кездесті. Мемлекет басшысы Қазақстан Ұлттық банкімен ұзақ мерзімді серіктестік орнатқан америкалық жетекші инвестициялық банкінің ықпалдастық деңгейіне жоғары баға берді. Сондай-ақ еліміз жасанды интеллект, қаржы экожүйесін цифрландыру салаларындағы ынтымақтастыққа қызығушылық танытатынын білдірді.

🤝 Educational Testing Service (ETS) компаниясының президенті және бас атқарушы директоры Амит Севакты қабылдады. Білімді тестілеу мен бағалау саласында көш бастап келе жатқан компания әлемінің 180 еліне 50 милионнан аса тест әзірлеп, әкімшілендіреді. Сонымен қатар ұлттық білім беру жүйесіне арналған бейіндік шешімдерді ұсынады. Президенттің айтуынша, Қазақстан аталған тәжірибені зерделеу мен пайдалануға ынталы.

🤝 Смитсон институтының басшылығымен кездесті. Мемлекет басшысы орталықтың халық шығармашылығы және мәдени мұра арнайы жобалары жөніндегі директоры Халле Батвинге қазақ мәдениетін АҚШ-та белсенді түрде дәріптеп жүргені үшін алғыс айтты. Сонымен қатар бұл мәдени дипломатия Қазақстан мен Америка Құрама Штаттары арасындағы қарым-қатынасты жаңа деңгейге көтеретініне сенім білдірді.

@ptrkkz