🇰🇿 Қасым-Жомарт Тоқаев: «Жаһан жұрты қазақты рухы биік, көзі ашық, мәдениеті бірегей, зияткер ұлт ретінде тануда. Бұл – жылдар бойы жүргізілген жүйелі және тиімді жұмыстың нәтижесі»

@ptrkkz

⚠ Президент алдағы уақытта шағын және орта кәсіпті қолдау үшін қосымша шаралар қолданылатынын хабарлады

@ptrkkz

📈 2019 жылдан бері Қазақстан экономикасы 16 пайызға өсті. Бұл туралы Президент Республика күніне арналған салтанатты жиында мәлімдеді.

🎥 Басқа да сандар бейнежазбада

@ptrkkz

🇰🇿Мемлекет басшысы Республика күнімен құттықтады

Қымбатты отандастар!

Республика күні құтты болсын!

Қазақстан осыдан 35 жыл бұрын Егемендік декларациясын қабылдап, жаңа дәуірге қадам басты. Тарихи құжатта халқымыздың өз болашағын дербес айқындау құқығы нақты көрініс тапты. Сол арқылы бостандықтың байрағын көтеріп, заманауи мемлекет құруымызға жол ашылды.

Содан бері еліміз қиын да күрделі жолдан өтті. Біз Тәуелсіздігіміздің саяси-экономикалық тұғырын бекіттік, шекарамызды айқындап, оны бүкіл әлемге таныттық, жаңа астанамызды салдық. Сондай-ақ жалпыұлттық бірегейлігімізді нығайту, азаматтарымыздың әл-ауқатын арттыру жолында зор жетістікке қол жеткіздік. Қазақстан салиқалы әрі сындарлы сыртқы саясатының арқасында өзінің ұлттық мүддесіне адал, халықаралық абырой-беделі жоғары мемлекет ретінде қалыптасты.

Дегенмен алдымызда бұдан да зор міндеттер тұр. Біз қазіргі алмағайып замандағы орасан сын-қатерлерге қарамастан, барлық азаматқа бірдей мүмкіндік беретін Әділетті Қазақстанды құрып жатырмыз. Саясаттағы, экономика мен әлеуметтік саладағы реформалар Отанымыздың өсіп-өркендеуін қамтамасыз етіп, халқымыздың тұрмыс сапасын арттыруды көздейді.

Біз «Заң және тәртіп» қағидатын, «Таза Қазақстан» идеологиясын, отаншылдық пен тілеулестік, еңбекқорлық пен жауапкершілік, білімпаздық пен кәсібилік құндылықтарын қоғамда барынша орнықтырып, келешегіне сеніммен қарайтын озық ойлы ұлт ретінде қалыптасып келеміз.

Әр буынның өз миссиясы бар. Осы орайда, бабалар өсиетін ұмытпай, қастерлі Тәуелсіздігімізді нығайта түсу, Қазақстанды дамыған, жасампаз әрі әділетті ел ету – бәрімізге ортақ парыз.

Біз еселі еңбектің, өзара қолдаудың және ең бастысы, мызғымас бірліктің арқасында барлық жоспарымызды табысты жүзеге асырып, жаңа белестерді бағындыра беретінімізге сенімдімін.

Еліміздің келешегі – әрқайсымыздың қолымызда.

Қазақстанның көк туы әрдайым биікте желбіресін!

Баршаңызға зор денсаулық, бақ-береке және мол табыс тілеймін!

@ptrkkz

🇰🇿 Ұлттық мереке – Республика күні құтты болсын!

@ptrkkz

🥇Мемлекет басшысы Шұғыла Өмірбекті әйелдер арасындағы күрестен U23 әлем чемпионатының жеңімпазы атануымен құттықтады

«Бұл – тарихи жеңіс. Өйткені еліміз мұндай халықаралық жарыста алғаш рет алтын медаль иеленіп отыр.

Әр салада өзінің табандылығымен, еңбекқорлығымен табысқа жететін жастардың өсіп келе жатқаны қуантады. Шұғыланың алдағы уақытта да биік белестерді бағындыра беруіне тілектестік білдіремін!», - деді Президент.

@ptrkkz

Президент смотрит в зеркало — и видит в нём тысячи лиц: врачей и учителей, фермеров и студентов, строителей и спортсменов.

🇰🇿Каждый из нас — часть единого народа, сила и энергия нашей Родины.

@ptrkkz

🇰🇿 Біздің күшіміз – бірлікте, ал бірлігіміздің негізі – өзара сенім мен ортақ жауапкершілік.

Президент халықпен бірге, ал халық Президентпен бірге.

Бір жүрек. Бір мақсат. Бір рух.

Республика күні құтты болсын!

@ptrkkz

🇰🇿🇫🇮Финляндия Президенті Александр Стуббтың Қазақстанға ресми сапары

📰Ақордадағы кездесу рәсімін Silk Way телеарнасының тікелей эфирінде сағат 11:00-де көріңіз!

🔴🟥📹Сондай-ақ онлайн трансляция Silk Way Qazaqstan YouTube арнасында жүргізіледі.

@ptrkkz

🇰🇿🇫🇮 Мемлекет басшысы Ақордада Финляндия Президенті Александр Стуббты қарсы алды

@ptrkkz

🇰🇿🇫🇮Финляндия Президенті: «Астана» велокомандасының жейдесі үйімнің төрінде әлі күнге сақтаулы тұр»

@ptrkkz