🤝 Президентіміз Бельгия Премьер-министрі Барт де Вевермен кездесті

Кездесуде тараптар саяси диалогты нығайту, сауда-экономикалық және инвестициялық ынтымақтастықты дамыту мәселелерін талқылады.

🇰🇿🇧🇪 Екі елдің өзара сауда айналымында тұрақты өсім байқалады. Оның көлемі былтыр 580 миллион доллардан асты.

– Қазақстанда Бельгия капиталының үлесі бар 110-нан астам компания жұмыс істейді. Бұл өзара тиімді ынтымақтастықты нығайтуға деген ортақ ұмтылысымызды аңғартады. Танымал бельгиялық компаниялар біздің елдің нарығына көптеп келіп жатыр, – деді Қасым-Жомарт Тоқаев.

@ptrkkz

🤝 Біздің Президент Еуропалық Одақ көшбасшыларымен келіссөз жүргізу үшін «Еуропа» ғимаратына келді

@ptrkkz

🤝 Қасым-Жомарт Тоқаев ЕО көшбасшылары Антониу Коштамен және Урсула фон дер Ляйенмен келіссөздер жүргізді

Президентіміздің сөзінен негізгі түйіндерді ұсынамыз:

▫️Біз Еуропалық Одақтың Орталық Азиядағы сенімді серіктесі болғанымызды мақтан тұтамыз. Сондай-ақ еуропалық инвесторлар үшін тұрақты әрі тартымды инвестициялық климат жасауға ұмтыламыз

▫️Қазақстан Erasmus+, Horizon Europe және басқа да білім беру мен зерттеу бағдарламалары аясындағы ынтымақтастықтың артып келе жатқанын жоғары бағалайды. Біз алдағы уақытта да еліміздің университеттері мен еуропалық жоғары оқу орындары арасындағы әріптестікке қолдау көрсетеміз

▫️Бүгінгі келіссөз қорытындылары Қазақстан-Еуропа қарым-қатынасының жаңа кезеңіне жол ашады деп сенемін

Сонымен қатар Мемлекет басшысы визалық режимді жеңілдету және реадмиссиялау туралы келісім жобалары бойынша келіссөздердің аяқталғанына ерекше ризашылығын білдірді.

@ptrkkz

🤝 Біздің Президент Еуропалық Одақ көшбасшыларымен бірге

@ptrkkz

🇰🇿🇪🇺 Мемлекет басшысы Еуропалық Одақ пен Еуропалық инвестициялық банк өкілдерімен кездесті

Кездесуге Марош Шефчович, Эдуардс Стипрайс және Марек Мора қатысты.

Тараптар Қазақстан мен ЕО арасындағы стратегиялық әріптестікті дамыту, сауда-экономикалық ынтымақтастықты кеңейту және инвестициялық жобаларды ілгерілету мәселелерін талқылады.

🤝 Кездесу қорытындысында тараптар ортақ бастамаларды жүзеге асыру бойынша конструктивті диалогты жалғастыруға уағдаласты.

@ptrkkz

🇰🇿🇪🇺Мемлекет басшысы «Қазақстан – ЕО» дөңгелек үстелінде сөз сөйледі

▫️Тек өткен жылдың өзінде екіжақты тауар айналымы 45 миллиард доллардан асты

▫️Қазақстанда 4 мыңға жуық еуропалық компания табысты жұмыс істейді

▫️Қазақстан соңғы 15 жылда көлік және логистика инфрақұрылымына 35 миллиард доллардан астам қаржы салды

▫️Дәліздің жүк өткізу қабілетін 10 миллион тоннаға дейін ұлғайтуды көздейміз

▫️Қазақстан ЕО аса маңызды шикізат ресурстарының тізбесіне қосқан 34 минералдың 21-імен қамтамасыз етуге әзір. Осы әлеуетті барынша пайдалану үшін біз «офтейк» негізіндегі ынтымақтастық жолын ұсынамыз

▫️Қазақстан жаһандық жаңа энергетикалық жүйеге көшу бастамасын ілгерілетуге қашанда ынталы

▫️Goldman Sachs болжамына сәйкес, ЖИ әлем экономикасына 7 триллион доллардан астам табыс әкеледі

▫️Біз білімге негізделген экономика құрғымыз келеді

▫️Horizon Europe келесі негіздемелік бағдарламасының қауымдастырылған мүшелігіне өту үшін өтініш бердік

▫️Еуропаның инвестициясына және озық технологиясына айырбас ретінде маңызды қазба байлықтары мен қуат ресурстарын пайдалануға мүмкіндік беретін прагматикалық формуланы ұсыну арқылы сенімді серіктес болуға әзірміз

▫️Жоғары технологиялық агробизнестен бастап жасанды интеллект саласындағы жаңашыл өнертабыстарға, АХҚО аясындағы қаржыландыру тетіктеріне дейінгі көптеген салада ұзақмерзімді интеграцияға ашықпыз

▫️Үкіметіміз маңызды бастамаларды тез әрі табысты іске асыру үшін коммерциялық ұсыныстарыңызды зерделейтін болады

@ptrkkz

🤝 Президентіміз Жаһандық өзгерістер институтының атқарушы төрағасы Тони Блэрмен кездесті

Кездесу барысында Қазақстанда жүргізіліп жатқан ауқымды реформаларды жүзеге асыру мәселелері, сондай-ақ елді саяси және әлеуметтік-экономикалық тұрғыдан жаңғыртудың негізгі бағыттары талқыланды.

📊 Президент мемлекеттік институттарды одан әрі дамытуды, басқару тиімділігін арттыруды және халықтың тұрмыс сапасын көтеруді көздейтін қазіргі өзгерістер жөнінде айтты.

@ptrkkz

🤝 Мемлекет басшысы Groupe ADP компаниясының бас директоры Филипп Паскальмен кездесті

Кездесуде Алматы әуежайын дамытудың ұзақмерзімді жоспары талқыланды. Президент әуе хабтарын дамыту көлік-логистика саласындағы стратегиялық басымдықтардың бірі екенін атап өтті.

✈️ Компанияның 2050 жылға дейінгі инвестициялық бағдарламасы аясында Алматы әуежайының өткізу қабілетін жылына 55 миллион жолаушыға дейін арттыру көзделіп отыр.

@ptrkkz

🤝 Қасым-Жомарт Тоқаев Inditex Group бас директорының орынбасары Сантьяго Мартинес-Лахе Собредоны қабылдады

🔹Кездесуде Қазақстан мен Испания арасындағы инвестициялық және сауда-экономикалық ынтымақтастықты дамыту мәселелері талқыланды.

🔹Мемлекет басшысы елімізде жұмыс істеп жатқан шамамен 60 испан компаниясының барын айтып, Inditex-тің Қазақстандағы қызметін кеңейтуді қолдайтынын жеткізді.

🔹Сондай-ақ Президент компанияның елде логистикалық хаб құру бастамасын құптап, болашақта өндірістік бағытты дамыту мүмкіндігін атап өтті.

@ptrkkz

🧷 Біздің Президент:

«Қазақстан экономикамен шектелмей, Орталық Азия елдеріне және басқа да мемлекеттерге біліктілігі жоғары мамандар даярлайтын өңірлік білім беру орталығы ретіндегі рөлін нығайта түседі»

@ptrkkz