🎾 Президентіміз Елена Рыбакинамен кездесті
 
Қасым-Жомарт Тоқаев Елена Рыбакинаны АҚШ ашық чемпионатындағы жарқын жеңісімен және теннистен «әлемнің бірінші ракеткасы» мәртебесіне ие болуымен құттықтады. Сондай-ақ Президент Елена Рыбакинаның адами қасиеттеріне айрықша тоқталды.

– Сіз кортта да, жұртшылық ортасында да байыптылығыңызды байқатасыз. Ішкі мәдениетіңіз жоғары екенін үнемі айтып жүремін. Қазақстанды спортқа, әсіресе, тенниске қолдау көрсететін өркениетті әрі дамыған мемлекет ретінде таныту тұрғысынан мұның маңызы өте зор, – деді Қасым-Жомарт Тоқаев.

🇰🇿 Әлемнің бірінші ракеткасы Қазақстан атынан өнер көрсетуді мақтан тұтатынын мәлімдеді. Теннисші алдағы уақытта да жоғары нәтижеге қол жеткізіп, жанкүйерлерін жаңа жеңістермен қуанта беруге ниетті.

@ptrkkz

♟ Біздің Президент Самарқандта өткен Дүниежүзілік шахмат олимпиадасында екінші орын алған қазақтың шахматшы қыздарын құттықтады

Отандастарымыз әлемдегі ең мықты, әйгілі команда – Қытай құрамасына ғана есе жіберіп, үлкен нәтиже көрсетті.
 
Президентіміз құттықтауында даңқты шахматшы Бибісара Асаубаева бастап барған Қазақстан құрамасы беделді турнирдің бірде-бір ойынында жеңілмегенін атап өтті. Мұны шахмат сарапшылары үлкен жетістік ретінде бағалап отыр.

Қасым-Жомарт Тоқаев шахматшы аруларымызға толайым табыс, зор денсаулық және бақ-береке тіледі.

@ptrkkz

Астанада «Al Jazeera Week in Kazakhstan» халықаралық жобасының екінші маусымы басталды

✔️ «Al Jazeera Week Қазақстанда» білім беру жобасының екінші маусымы ҚР Президенті Телерадиокешенінің қатысуымен Maqsut Narikbayev University жанындағы Халықаралық журналистика мектебінде ашылды.

📑Жаңа маусым аясында Al Jazeera Media Network мамандары қазіргі журналистиканың өзекті мәселелері, әлемдік ақпарат кеңістігіндегі маңызды үдерістер, цифрлық медианың дамуы және мазмұнды, жауапты әрі бәсекеге қабілетті ақпараттық ортаны қалыптастырудағы жаңа буынның рөлі жөнінде тәжірибе бөлісіп, пікір алмасады.

Бағдарламаға 130-дан астам бакалавриат студенті, медиасалада еңбек етіп жүрген 100-ге жуық маман, сондай-ақ магистранттар, докторанттар мен профессор-оқытушылар құрамы қатысады.

@ptrkkz