🤝 Президентіміз Оман Сұлтанымен шағын құрамда келіссөз жүргізді

Мемлекет басшысы мәртебелі мейманға ілтипат білдіріп, Оман Сұлтанының Қазақстанға жасаған бірінші сапарының маңызды оқиға екенін атап өтті.

– Аса мәртебелі Сұлтан, елімізге алғаш рет мемлекеттік сапармен келген Сізді қарсы алу – мен үшін үлкен мәртебе. Мұның тарихи мәні ерекше екеніне сенімдімін. Өйткені бұл елдеріміз арасындағы сан қырлы ынтымақтастықты жандандырып, жаңа деңгейге көтеруге жол ашады. Бұған дейін атап өткендей, өзара ықпалдастықтың әлеуеті мол. Мұны толығымен іске асыру қажет, – деді Қасым-Жомарт Тоқаев.

🇰🇿🇴🇲Президент елдеріміз сенімді серіктеске айналуы үшін барынша күш салатынын айтты.

@ptrkkz

🇰🇿🇴🇲 Екі ел басшыларының келіссөзі кеңейтілген құрамда жалғасты

Мемлекет басшысы қол жеткізген уағдаластықтар бауырлас халықтарға айтарлықтай пайда әкеліп, стратегиялық серіктестікті жаңа деңгейге көтеруге ықпал ететініне сенім білдірді.
 

– Келіссөздер қорытындысы бойынша экономикалық ынтымақтастықтың түрлі бағыттарын, соның ішінде энергетика, көлік-логистика, ауыл шаруашылығы, ақпараттық технологиялар, цифрландыру, денсаулық сақтау және басқа да салаларды қамтитын екіжақты келісімдерге қол қоямыз. Бұдан бөлек, серіктестігіміздің басым бағыттарын белгілейтін Бірлескен мәлімдеме қабылдаймыз, – деді Қасым-Жомарт Тоқаев.

 
✈️ Хайсам бен Тариқ Әл Саид Президентімізді өзіне қолайлы кез келген уақытта Оманға сапармен келуге шақырды.

@ptrkkz

🤝 Қасым-Жомарт Тоқаев Оманның ең жоғары мемлекеттік наградасымен марапатталды

Оман Сұлтаны Хайсам бен Тариқ Әл Саид Президентімізге Оман Сұлтандығының ең жоғары мемлекеттік наградасы – Әл Саид орденін табыстады.

@ptrkkz

🈂️ «100 SARBAZ»: Әскери-патриоттық реалити-жоба

Қатысушылар түрлі сынақтардан өтіп, күш пен төзімділікпен қатар, шапшаң шешім қабылдау, тәртіп сақтау және командамен бірлесе әрекет ету қабілетін көрсетеді.

Қазақстан сарбаздарының кәсібилігі мен жауынгерлік рухын көрсететін жобаны өткізіп алмаңыз!

📺 11 қазаннан бастап Jibek Joly телеарнасында.

@ptrkkz

⚡️ Біздің Президент қазақ-оман бизнес форумында сөз сөйледі

▫️Қазақстан-Оман іскерлік кеңесі бизнес өкілдері бір-бірімен белсенді араласатын алаң болатынына сенімдімін

▫️Біз «Самұрық-Қазына» АҚ мен Оман инвестициялық басқармасы арасындағы бірлескен инвестициялық құрылымды іске қосу туралы келісімге қол қойылуын құптаймыз. Бұл маңызды бастама қаржылық мүмкіндіктерді біріктіріп, қосымша инвестиция тартуға мүмкіндік береді

▫️Сондай-ақ біз Оманның жақында құрылған Халықаралық қаржы орталығымен ынтымақтастықты жолға қоюға болады деп санаймыз. Екі ел қаржы институттарының бір-бірімен тікелей байланыс орнатуы инвестициялық мүмкіндіктерге жол ашады

▫️Біз Оманды көлік-логистика саласындағы маңызды серіктес ретінде қарастырамыз. Өйткені, бұл – стратегиялық тұрғыдан ұтымды орналасқан, порт инфрақұрылымы ілгері, Таяу Шығыс пен Африка нарықтарына шығатын жолы бар ел

▫️Қазақстан мен Оман кәсіпкерлерін серіктестік байланыс орнату, келешегі зор жобаларды пысықтау және инвестиция ауқымын кеңейту мақсатында Іскерлік кеңес мүмкіндіктерін кеңінен пайдалануға шақырамын

@ptrkkz

🎥 Оман Сұлтаны Хайсам бен Тариқ Әл Саидтың Қазақстанға мемлекеттік сапары

@ptrkkz