🇰🇿🇨🇳Орталық Азия – Қытай: БАҚ интеграциясының жаңа кезеңі

🐆Астанада «Қытай – Орталық Азия» ақпарат агенттіктерінің форумы өтті. Іс-шараны «Синьхуа» ақпарат агенттігі ҚР Президенті Телерадиокешенінің қолдауымен ұйымдастырған.

▫️Форум қарсаңында ҚР Президенті Телерадиокешенінің директоры Раушан Қажыбаева мен «Синьхуа» ақпараттық агенттігінің Бас директоры Фу Хуа екіжақты кездесу өткізді.

☑Тараптар екіжақты және көпжақты гуманитарлық байланыстарды дамыту, бірлескен жобаларды ілгерілету, контент алмасу, кадр даярлау, БАҚ әлеуетін нығайту және «Бір белдеу – бір жол» бастамасы аясында ресурстарды бірлесіп пайдалану мәселелерін талқылады.

@ptrkkz

⚛Ертең Мемлекет басшысы Қасым-Жомарт Тоқаевтың төрағалығымен құқық қорғау органдарының кеңейтілген алқа отырысы өтеді

Жиынға ҚР Үкіметі, Президент Әкімшілігі, Бас прокуратура, Ішкі істер министрлігі, Қаржы мониторингі агенттігі, Сыбайлас жемқорлыққа қарсы іс-қимыл агенттігінің басшылары қатысады.

@ptrkkz

🤝Президент «Эгмонт» тобының төрайымын қабылдады

▫️Қасым-Жомарт Тоқаев «Эгмонт» қаржылық барлау бөлімшелері тобының төрағасы Эльжбета Франков-Яскевичпен кездесті. Кездесуде ақшаны жылыстатуға және терроризмді қаржыландыруға қарсы күрестегі халықаралық ынтымақтастық талқыланды.

▫️Президент «Эгмонт» тобының жаһандық қаржылық қауіпсіздікке қосқан үлесін атап өтіп, Қазақстан осы саладағы ұлттық жүйесін халықаралық стандарттарға сай жетілдіруге ниетті екенін айтты. Сонымен қатар, қоғамдық қауіпсіздікті нығайту үшін «Заң және тәртіп» тұжырымдамасы қабылданғанын жеткізді.

⚛Эльжбета Франков-Яскевич еліміздегі реформаларға жоғары баға берді.

@ptrkkz

Қасым-Жомарт Тоқаевтың айтқан басқа да маңызды сөздері

✉️✉️✉️✉️✉️✉️

– Үкімет білім мекемелеріндегі тәрбие жұмысын қайта зерделеп қарауы керек. Жас ұрпақты заңды сыйлауға үйрету мәселесіне баса мән берген жөн. Балалар мектептен «Адал азамат» болып шығуы қажет

– Бүгін мен «Заң және тәртіп» апталығын жариялауды ұйғардым. Алдағы жеті күн құқықтық мәдениетті нығайтуға, сондай-ақ құқық қорғау органдарының абырой-беделін арттыруға арналуы керек

– Менің тапсырмаммен «Құқық бұзушылықтың алдын алу туралы» Заң жобасы әзірленіп, Мәжілістің қарауына берілді. Жаңа заң аталған саладағы мемлекеттік саясатты біріздендіріп, профилактикалық шаралармен қамтылатын тұлғалардың санатын кеңейтеді

– Заңнамалық өзгерістермен қатар, ұйымдық құрылымды да жаңғырту қажет. Ішкі істер министрлігі жүйесінде профилактикалық жұмыстарды үйлестіретін дербес бөлімше құратын уақыт келді

– Қылмысқа көбінесе тұрмысы нашар отбасыдан шыққан адамдар барады. Алдын алу шараларын жүзеге асырғанда дәл осы санатқа айрықша назар аударған жөн

– Жасанды интеллект пен «үлкен дерекқор» мүмкіндіктерін жұмылдыру қажет. Көп ұзамай іске қосылатын суперкомпьютерімізді осы мақсатта пайдалануға болады

– Бұдан бөлек, «Қауіпсіз қала» ұлттық платформасын іске қосу керек. Бұл – қаладағы бейнебақылау құралдары енді адамның бет-жүзін анықтап, оның жүріс-тұрысына талдау жасап, көшедегі көлікті де есепке алады деген сөз

– Азаматтарымыздың жеке мәліметтерінің сенімді жерде сақталуын қамтамасыз ету өте маңызды. Халықтың қаржылық сауатын арттырып, қоғамда алаяқтардың әрекеттеріне иммунитет қалыптастыру үшін барлық деңгейдегі депутаттармен бірлескен жұмысты күшейткен жөн

– Үкіметке уәкілетті органдармен бірлесе сим-карталарды сату тәртібін реттеуді және оларды таратқаны үшін мобильді операторлардың жауапкершілігін күшейтуді тапсырамын

– Биыл Конституцияның қабылданғанына 30 жыл толады. Осыған орай, құқық қорғау құрылымдары, депутаттар мен құқық қорғаушылар сотталған азаматтарға рақымшылық жасау туралы бастама көтерді

– Парламент тиісті заңды қарады, мен бұл заңға қол қойдым. Осы ізгі шараның арқасында жазасын өтеп жатқан 15 мыңнан астам адамға амнистия жарияланды

– Мемлекет шалыс қадам басқан азаматтан теріс айналмайды, тек оның тура, дұрыс жолға түсуіне жәрдем береді

– Жазасын өтеп жүргендерді қалыпты өмірге дайындаудың тағы бір тиімді жолы – еңбекпен, яғни, жұмыспен қамту. Бұл бағытта біраз түйткілдер бар, нақты шаралар қолдану керек

@ptrkkz

⚛Сондай-ақ Мемлекет басшысы мына мәселелерге тоқталды:

– Учаскелік инспекторлардың әлеуетін одан әрі нығайту қажет. Себебі олар іс жүзінде мемлекет мен қоғам арасындағы басты дәнекер саналады

– Менің ойымша, ауылдағы учаскелік инспекторларға шен берген кезде жеңілдік жасап, яғни бір жылдық еңбек өтілін 1,5 жыл деп есептеу қажет

– Ауылдағы учаскелік инспекторларды баспанамен қамтып, материалдық-техникалық базасын нығайту керек. Өңір әкімдері осы мәселеге мұқият назар аударғаны дұрыс

– Менің тапсырмаммен биылдан бастап күштік құрылымдар еңбекақы төлеудің жаңа жүйесіне көшті. Бұл тәсіл, ең алдымен, аудан деңгейіндегі қызметкерлердің жалақысын көтеруге мүмкіндік берді

– Оқуда үздік нәтиже көрсеткен және үлгілі тәртібімен ерекшеленген академия түлектеріне бірден «аға лейтенант» шенін беру қажет деп санаймын. Сондай-ақ оларға бос жұмыс орындарынан өзі қалаған қызмет түрін таңдауына мүмкіндік берілуі керек. Үкімет заңға енгізілетін өзгерістерді әзірлесін

– Құқық қорғау органдарында үздіксіз әрі мінсіз қызмет атқарғандарға «құрметті қызметкер» атағы беріледі. Алайда кейбір құрылымдарда бұл жоғары атақ басшыларға ғана бұйырады. Қатардағы қарапайым қызметкерлер арасында ұзақ жылдар бойы кәсіби борышын адал атқарып жүрген лайықты кандидаттар жеткілікті

– Сіздердің күнделікті жұмыстарыңыз қауіп-қатерге толы. Өкінішке қарай, Тәуелсіздік жылдарында 842 азамат қызметтік міндетін орындау кезінде қазаға ұшырады, 4,5 мың адам жарақат алды

– Бүгін біз қаза болған ерлеріміздің жақындарына марапат тапсырамыз

– Менің тапсырмам бойынша Президент Әкімшілігі мен Қауіпсіздік Кеңесі бір аптаның ішінде Құқық қорғау органдарының жұмысы туралы арнайы талдау дайындауы керек.

@ptrkkz

🇰🇿Президент: «Заң және тәртіп» апталығына азаматтардың құқықтық сана-сезімін көтеретін маңызды, жүйелі шара ретінде қараған жөн»

@ptrkkz

©Қасым-Жомарт Тоқаев: Соңғы 5 жылда әйелдерге қатысты құқық бұзушылықтар екі есе азайды

@ptrkkz

🖋Президент: Менің тапсырмаммен сот арқылы жемқорлардан алынған қаражат мектептер салуға жұмсалуда

@ptrkkz