Президент жоғары Еуразиялық экономикалық кеңес отырысына қатысты

🤝ЕАЭО елдері Тәуелсіздік сарайында экономикалық интеграцияны терең дамыту мәселесін қарады.

Жиынға Беларусь, Ресей, Қырғызстан президенттері мен Армения премьер‑министрі (бейнебайланыс арқылы) қатысты.

@ptrkkz

Мемлекет басшысы нейрохирургтермен кездесті

Президент Қасым-Жомарт Тоқаев әлемдік медицинаны дамытуға қосқан үлесі үшін нейрохирургтерді атап өтіп, олардың ізгі миссиясын жоғары бағалады.

– Сіздер мыңдаған адамның өмірін сақтап қалатын жоғары білікті мамандарсыздар. Астанада өтіп жатқан конгресс медицинада шекара жоқ екенін көрсетеді. Ғылым мен инновация нейрохирургияда шешуші рөл атқарады, – деді Президент.

🏥Мемлекет басшысы Қазақстанның медициналық технологиялар трансфері мен халықаралық ынтымақтастықты кеңейтуге мүдделі екенін атап өтті. Сонымен қатар, медициналық туризмді дамыту үшін мемлекетаралық байланысты нығайтуға дайын екенін білдірді.

🩺Кездесу барысында қатысушылар Қазақстандағы нейрохирургияның даму әлеуетін жоғары бағалап, кадр даярлау мен технология алмасу бағытында қолдау көрсетуге уағдаласты.

Президент мазмұнды әрі нәтижелі пікір алмасу үшін алғыс айтып, Денсаулық сақтау министріне нейрохирургияға озық технологияларды енгізу және шетел азаматтарын емдеу бойынша үкіметаралық келісімдер жасау мәселелерін пысықтауды тапсырды.

@ptrkkz

🏢Президент Астанадағы АӨСШК штаб-пәтерінің ашылуына қатысты

Қасым-Жомарт Тоқаев Астанада Азиядағы өзара іс-қимыл және сенім шаралары кеңесінің (АӨСШК) жаңа штаб-пәтерінің ашылу рәсіміне қатысып, бас хатшымен бірге ескерткіш тақтаны ашты. Шара барысында Құрмет қарауылы АӨСШК туын көтерді. Мемлекет басшысы ғимаратты аралап, жұмыс орындарымен танысты.

@ptrkkz

Кейін Президент іс-шараға жиналған қауым алдында сөз сөйлеп, еліміздегі дипломатия саласының қызметкерлері мен ардагерлерін кәсіби мерекелерімен құттықтады:

💼Халқымыздың мәмілегерлік дәстүрінің арқасында Ұлы далада бейбіт өмірдің ерекше үлгісі қалыптасқан

💼Біз әуел баста тек ынтымақтастық, өзара түсіністік пен диалог арқылы ғана бейбітшілік пен тұрақтылықты сақтап, өсіп-өркендей алатынымызға сендік

💼Азияның 90 пайызын қамтитын және әлем халқының жартысынан астамын біріктіретін АӨСШК халықаралық қатынастардың дамып келе жатқан архитектурасындағы маңызды элементке айналды

💼Менің Президент ретіндегі ұстанымым – елімізде заң мен тәртіп мызғымас қағидатқа айналуға тиіс. Жүргізілген реформалар нәтижесінде бейбіт жиналыстар туралы заң жетілдіріліп, саяси партияларды тіркеу шегі төмендетілді

💼Жала жабуды қылмыс санатынан шығарып, өлім жазасын алып тастадық

💼Қазақстан халықаралық серіктестермен бірге теміржол және автокөлік дәліздерін, теңіз порттарын, жалпы транзит және логистика саласын жаңғыртуды белсенді түрде қолға алды

💼Біз Қазақстанды цифрлық мемлекетке айналдырғымыз келеді. Өйткені жасанды интеллект өсімі инновация мен цифрлық дербестіктің негізгі қозғаушы күші болады

💼Біз жаһандық қосылған құн тізбегімен толық интеграцияланған, сондай-ақ климат пен орнықты даму саласындағы мақсаттарға сай келетін тұрақты экономиканың негізін қалап жатырмыз

💼Бұл ұзақмерзімді мақсатқа жету үшін халықаралық серіктестермен тығыз ынтымақтастық құруға мүдделіміз.

@ptrkkz

🏙️Президент Астана күнімен құттықтады

Құрметті отандастар!

Астана күні құтты болсын!

Биыл бұл мереке Домбыра күнімен тұспа-тұс келіп отыр. Мұның символдық мәні зор. Қазақтың қасиетті қара домбырасы Ұлы даланың мыңжылдық бірегей мәдени мұрасын әйгілейді. Ал елордамыз Қазақстанның тұрақты әрі қарқынды өсіп-өркендеуін және жасампаз ұлттың жарқын болашаққа ұмтылысын айшықтай түседі.

Бүгінде Астана – еліміздің қоғамдық, саяси және іскерлік ордасы. Дәл осы жерде халқымыздың болашағына қатысты маңызды шешімдер қабылданады, озық идеялар іске асырылып, биік мақсаттар орындалады. Мұнда білімпаздық пен еңбекқорлық құндылықтары берік орнығып, жұртымыздың ынтымағы мен келісімі нығая береді.

Астана Орталық Еуразияның жауһары, заманауи Қазақстанның келбеті саналады. Халықаралық қауымдастық бас қаламызды бітімгершілік бастамаларды жүзеге асырып, жаһандық диалог орнату ісінде ерекше рөл атқаратын бейбітшілік шаһары ретінде біледі.

Елордамыз әрдайым түбегейлі өзгерістер мен ауқымды реформалардың бастауында тұрады. Алдағы уақытта да Астанамыз Әділетті, Таза және Қуатты Қазақстанды құру жолындағы жалпыұлттық жаңғыру жұмыстарына ұйытқы бола береді деп сенемін.

Сүйікті қаламыз өркендеп, гүлдене берсін!
Баршаңызға зор денсаулық, бақ-береке тілеймін!

@ptrkkz