🇰🇿🇯🇴Қасым-Жомарт Тоқаев Астанаға шақыруын қабыл алғаны үшін Корольге алғыс айтып, жыл басында Амманға жасаған сапарын ықыласпен еске алды

@ptrkkz

⚛Мемлекет басшысы Қазақстанның Иорданиямен өзара тиімді ынтымақтастықты дамытуға ерекше мән беретінін жеткізді

@ptrkkz

🇰🇿🤝🇯🇴Қазақстан мен Иордания арасындағы достықтың символы

2025 жылғы 19 ақпанда Мемлекет басшысы Қасым-Жомарт Тоқаев Иордания Королі II Абдалланы ҚР-ның жоғары мемлекеттік наградасы – «Алтын Қыран» орденімен марапаттады.

Ал бүгін, 2025 жылғы 27 тамызда, Король II Абдалла Қасым-Жомарт Тоқаевты Иорданияның ең жоғары мемлекеттік марапаты – «Әл-Нахда» орденімен наградтады.

@ptrkkz

☑ Мемлекет басшысының айтуынша, Қазақстан өңірдегі экономикасы ең ірі ел болып қала береді

@ptrkkz

⚛ Мемлекет басшысы: Экономикамыз биылғы жеті айда 6,3 пайызға ұлғайып, сенімді түрде өсіп келеді

@ptrkkz

🐆ҚР Президентінің Телерадиокешені ресми жаңалықтарын Aitu ұлттық мессенджерінен де оқи аласыз!

Арнаға сілтеме: https://i2.app.link/zfV9uguRaWb

@ptrkkz

🇺🇦🇺🇳🇮🇳🇩🇿🇸🇪🇧🇪🇬🇧🇱🇻🇬🇪

Қасым-Жомарт Тоқаев сегіз мемлекеттің елшілері мен БҰҰ өкілінен сенім грамоталарын қабылдады. Президент елшілерді құттықтап, Қазақстанның көпвекторлы, теңгерімді сыртқы саясаты мен өзара тиімді ынтымақтастыққа ашық екенін атап өтті. Мемлекет басшысы жаңа елшілердің екіжақты қатынастарды дамытуға үлес қосатынына сенім білдірді.

@ptrkkz

🐆🎞️ҚР Президентінің Телерадиокешені «Бағбан» деректі фильмін ұсынады!

🇰🇿Мемлекет басшысы Қасым-Жомарт Тоқаев 2025 жылды «Жұмысшы мамандықтар жылы» деп жариялады. Мақсат – қоғам болып қарапайым жұмысшының қадірін арттырып, еңбек культін қалыптастыру. Сондай-ақ Президенттің 2027 жылға дейін елдегі орман алқабына 2 миллиард, елді мекендерде 15 миллион ағаш егу туралы да тапсырмасы бар.

🌳«Бағбан» деректі фильмі осы аталған екі тақырыпты да қамтиды. Фильмнің кейіпкері осы күнге дейін 2 миллион түп ағаш егіп, зейнетке шыққаннан кейін де 8 гектар жерді бау-бақшаға айналдыруымен көпке үлгі болған Бектай Сүлейменұлы. Ол кісі қазір 86 жаста. Қызылордалық ақсақал өмірінің алпыс жылын орман шаруашылығына арнапты.

📰📺29 тамыз сағат 15:45-те Jibek Joly телеарнасынан көріңіз!

@ptrkkz

🖋 Қасым-Жомарт Тоқаев: «Біз кейінгі ұрпақтың жарқын болашағы үшін бейбітшілікті нығайтуымыз керек»

@ptrkkz

🇰🇿«2019 жылдан бері біз бірнеше саяси реформа жүргізіп, саяси жүйені дәйекті түрде жаңғырттық»: Президент Конституциясының 30 жылдығына арналған конференцияда сөз сөйледі

✉️✉️✉️✉️✉️✉️

– Ата заңнан биік ештеңе жоқ. Себебі Конституция – мемлекеттігіміздің мызғымас тұғыры, Тәуелсіздігіміздің айнымас темірқазығы

– Қазақ – Ұлы дала заңына бас иген, ар-ұяттан аттамаған халық. Қасым ханның қасқа жолы, Есім ханның ескі жолы, Әз Тәукенің Жеті жарғысы – нағыз дала заңының жарқын үлгілері. Осы дәстүр ешқашан үзілген емес

– Ең басты конституциялық өзгеріс осыдан үш жыл бұрын жасалды деп айтсақ, орынды болар. Конституциялық реформаның арқасында еліміздің саяси-құқықтық жүйесі түбегейлі жаңа сипатқа ие болды

– Сондықтан референдум өткізу туралы бастамаға барша халық бірауыздан қолдау көрсетті. Жұртымыз Конституцияға енгізілген түзетулерді зор құлшыныспен жақтап, дауыс берді

– Мемлекеттік биліктің бірден-бір бастауы – халық» деген Конституция бабы нақты жүзеге асырылды. Бұл қоғамымыздағы саяси үрдіске зор серпін берді

– Енді еліміздегі барлық маңызды шешімдерді бір ел болып талқылап, бірге қабылдайтын болдық. Былтыр Атом электр стансасын салуға қатысты өткен референдум – соның айқын дәлелі

– 2022 жылы жүргізілген реформа Қазақстанның конституциялық құрылымы тарихындағы ең мазмұндысы еді. Мұндай реформаны қолға алуға сол кезеңдегі өте күрделі саяси жағдай себеп болды

– Нақты реформаның нәтижесінде Конституция баптарының үштен бірі жаңартылды. Бұл – конституциялық реформа ауқымының айқын көрсеткіші

– Президенттің жеті жылға бір рет қана сайлануы ел тарихындағы аса маңызды саяси-құқықтық бетбұрыс деп айтуға толық негіз бар. Себебі мұндай жағдай Қазақстанда бұрын-соңды болған емес

– Президенттің жақын туыстарына билік жүйесінде лауазымды қызмет атқаруға тыйым салынды. Биліктегі отбасылыққа тосқауыл қойылды. Бұл да өте қажетті қадам болды

– Әділетті Қазақстанды құру процесін енді ешкім тоқтата алмайды. Өткенге оралуға, ең алдымен, еліміздің жастары жол бермейді

– Біздің қазіргі Конституциямыз – өркениетті болашаққа жол ашатын, халқымыздың игілігіне қызмет ететін Ата Заң.

@ptrkkz

⚛Мемлекет басшысының басқа да маңызды ойлары:

🇰🇿Ата-ана, мектеп және мемлекет күш жұмылдырып, бала тәрбиесіне баса мән бергені жөн. Сонда ғана заңға бағынатын, өзінің де, өзгенің де құқығына құрметпен қарайтын ұрпақ тәрбиелейміз

🇰🇿Қазақстан халықаралық қауымдастыққа ашық мемлекет, бізде ғаламтор еркіндігі бар екенін ешкім жоққа шығара алмайды. Елімізде бірде-бір желінің негізгі арнасы жабылған жоқ, барлық азаматтарға әлемдік жаңалықтардың көздеріне жол ашық

🇰🇿Біз ұлттық экономикамыздың мықты индустриялық негізін қалап жатырмыз. Инвестиция тартып, бизнеске қолайлы жағдай жасап, аймақтарды қолдау үшін жүйелі жұмыс істелуде. Соның нәтижесінде биылғы жеті айдағы экономикалық өсім 6 пайыздан асты

🇰🇿Қазақстан біртіндеп дамудың даңғыл жолына түсіп келеді. Енді бос сөзге берілмей, жан-жақты өркендеуге бастайтын осы бағдарымыздан айнымай, тек қана алға ұмтылуымыз керек

🇰🇿Біз бәріміз төл тарихымызға қазақтың қайта жаңғыру дәуірінің өкілі ретінде енуге тиіспіз. Себебі бәріміз бір дәуірде өмір сүреміз, еліміздің болашағына бірге жауаптымыз.

@ptrkkz

⚠ Президенттің айтуынша, тарихи өлшем тұрғысынан өте қысқа уақыт ішінде қоғам саяси кемелдік пен азаматтық жауапкершілікті күшейтетін іргелі өзгерістерді бастан өткерген

@ptrkkz