ក្រចេះ៖ នៅថ្ងៃទី ២៧-២៨ ខែតុលា ឆ្នាំ២០២៦ ដោយមានការយកចិត្តទុកដាក់ដ៏ខ្ពង់ខ្ពស់ពីឯកឧត្តម ជា សុមេធី រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា ក្រុមការងារផ្តល់សេវាជួសជុលចល័តតាមសហគមន៍របស់មជ្ឈមណ្ឌលស្ដារលទ្ធភាពពលកម្មកាយសម្បទាខេត្តក្រចេះ បានចុះផ្តល់សេវាពិនិត្យ និងជួសជុលឧបករណ៍អវយវៈសិប្បនិម្មិត រណប រទេះរុញ និងគ្រឿងជំនួយការ ជូនដល់បងប្អូនជនមានពិការភាពនៅសាលាឃុំចំបក់ ស្រុកព្រែកប្រសព្វ ខេត្តក្រចេះ។ កម្មវិធីចុះជួសជុលចល័តតាមសហគមន៍នេះ មូលនិធិជនពិការ មានការសហការគាំទ្រដោយគម្រោងបោសសម្អាតមីនដើម្បីលទ្ធផល ដំណាក់កាលទី៥ តាមរយៈកម្មវិធីអភិវឌ្ឍសហប្រជាជាតិ (UNDP)។
……………………………………………
សូមចុច Link ខាងក្រោមដើម្បីទទួលបានព័ត៌មានបន្ថែមទៀត៖
Facebook Page:
https://www.facebook.com/pwdf.pagelike

បាត់ដំបង៖ ថ្ងៃចន្ទ ៧រោច ខែអស្សុជ ឆ្នាំមមី អដ្ឋស័ក ព.ស. ២៥៧០ ត្រូវនឹង ថ្ងៃទី២ ខែវិច្ឆិកា ឆ្នាំ២០២៦ ដោយទទួលបានការចង្អុលបង្ហាញ និងយកចិត្តទុកដាក់ដ៏ខ្ពង់ខ្ពស់ពី ឯកឧត្តម ជា សុមេធី រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា ឯកឧត្តម ខុម ផលលឿន ប្រតិភូរាជរដ្ឋាភិបាលកម្ពុជាទទួលបន្ទុកជានាយកមូលនិធិជនពិការ បានចាត់តាំងសាខាមូលនិធិជនពិការខេត្តបាត់ដំបង សហការជាមួយការិយាល័យសង្គមកិច្ចស្រុកសង្កែ និងអាជ្ញាធរមូលដ្ឋានចុះសួរសុខទុក្ខ គ្រួសារជនមានពិការភាពជាស្រ្តីមេម៉ាយ ឈ្មោះ សួម លីដា ភេទស្រី អាយុ៣៦ឆ្នាំ មានកូនចំនួន៤នាក់(ស្រី២នាក់)ក្នុងបន្ទុក រស់នៅភូមិរាំងក្រោល ឃុំរាំងកេសី ស្រុកសង្កែ ខេត្តបាត់ដំបង និងបានយកអំណោយស្បៀងអាហារ គ្រឿងឧបភោគ បរិភោគ ដ៏ថ្លៃថ្លារបស់ឯកឧត្តម ជា សុមេធី រដ្ឋមន្ត្រី ក្រសួងសង្គមកិច្ច អតីតយុទ្ធជននិងយុវនីតិសម្បទា និងលោកជំទាវ ជា ផល្គុន ជូនដល់គ្រួសារជនមានពិការភាពខាងលើនេះរួមមាន៖ អង្ករ២៥គីឡូ មី១កេស ត្រីខ១យួរ ទឹកត្រី១យួរ ទឹកស៊ីអ៊ីវ១យួរ អំបិល១កញ្ចប់ និងស្ករស១កញ្ចប់។
សូមអានបន្ដ

សូមបងប្អូនជនមានពិការភាពដែលរស់នៅ៖
_ ស្រុកគៀនស្វាយ ខេត្តកណ្តាល
_ ស្រុកក្រគរ ខេត្តពោធិ៍សាត់
មេត្តាអញ្ជើញទៅទទួលសេវាជួសជុលចល័តពីក្រុមការងាររបស់មជ្ឈមណ្ឌលស្ដារលទ្ធភាពពលកម្មកាយសម្បទា ទៅតាមពេលវេលា និងទីកន្លែងដូចខាងលើ៖
……………………………………………
សូមចុច Link ខាងក្រោមដើម្បីទទួលបានព័ត៌មានបន្ថែមទៀត៖
Facebook Page:
https://www.facebook.com/pwdf.pagelike
Telegram Channel:
https://t.me/pwdf_kh

ក្រចេះ៖ ដោយមានការយកចិត្តទុកដាក់ដ៏ខ្ពង់ខ្ពស់ពីឯកឧត្តម ជា សុមេធី រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា ក្រុមការងារផ្តល់សេវាជួសជុលចល័តតាមសហគមន៍របស់មជ្ឈមណ្ឌលស្ដារលទ្ធភាពពលកម្មកាយសម្បទាខេត្តក្រចេះ បានចុះជួបលោកមេឃុំ ស្នួល ស្រុកស្នួល ខេត្តក្រចេះ ដើម្បីផ្សព្វផ្សាយអំពីសេវាស្ដាររបស់មជ្ឈមណ្ឌល និងសុំកិច្ចសហការពីឃុំ ក្នុងការសម្របសម្រួលផ្តល់ទីតាំង ដល់ក្រុមការងារបច្ចេកទេសជួសជុលចល័តរបស់មជ្ឈមណ្ឌលស្តារខេត្តក្រចេះ ចុះជួសជុលគ្រឿងជំនួយស្តារ នៅថ្ងៃទី ១១-១២ ខែវិច្ឆិកា ឆ្នាំ ២០២៦ ខាងមុខ ដែលកម្មវិធីចុះជួសជុលចល័តតាមសហគមន៍នេះ មូលនិធិជនពិការ មានការសហការគាំទ្រដោយគម្រោងបោសសម្អាតមីនដើម្បីលទ្ធផល ដំណាក់កាលទី៥ តាមរយៈកម្មវិធីអភិវឌ្ឍសហប្រជាជាតិ (UNDP)។ ជាមួយគ្នានេះ ក្រុមការងារនៃមជ្ឈមណ្ឌលស្តារ បានចុះតាមខ្នងផ្ទះដើម្បីសាកសួរសុខទុក្ខ និងតាមដានជនពិការដែលកំពុងប្រើប្រាស់ឧបករណ៍អវយវៈសិប្បនិម្មិតពីមជ្ឈមណ្ឌលស្តារផងដែរ។
……………………………………………
សូមចុច Link ខាងក្រោមដើម្បីទទួលបានព័ត៌មានបន្ថែមទៀត៖
Facebook Page:
https://www.facebook.com/pwdf.pagelike
Telegram Channel:
https://t.me/pwdf_kh