ILM-FAN VA TA’LIM TILINING RIVOJIDA O‘ZBEK TILINING IMKONIYATLARI

O‘zbek tili ilm-fan, ta’lim va innovatsiyalar rivojida keng imkoniyatlarga ega. 1989-yil
21-oktabrda davlat tili maqomining berilishi, 1995-yil 21-dekabrda “Davlat tili haqida”gi Qonunning yangi tahriri tasdiqlanishi til taraqqiyotining huquqiy poydevorini mustahkamladi. 2023-yilgi yangi tahrirdagi Konstitutsiyaning 4-moddasida o‘zbek tili davlat tili sifatida belgilandi. Bugun ilmiy atamalarni takomillashtirish, darslik va tadqiqotlarni o‘zbek tilida yaratish, raqamli lug‘atlar hamda elektron ta’lim resurslarini kengaytirish dolzarb vazifalardir. Buning uchun terminologiyani ilmiy asosda rivojlantirish, tarjima sifatini oshirish va zamonaviy texnologiyalarda til imkoniyatlaridan foydalanish zarur.

O‘zbek tilining ilm-fandagi ravnaqi — milliy tafakkur, sifatli ta’lim va intellektual taraqqiyot garovidir!

#Chilonzor_24

📚 TIL — MILLATNING RUHI, KELAJAKNING POYDEVORI!

🇺🇿 21-oktabr — O‘zbek tili bayrami kuni munosabati bilan “Davlat tili: milliy o‘zlik, ilm-fan va taraqqiyot tayanchi” mavzusida ilmiy-nazariy anjuman o‘tkaziladi.
📅 Sana: 2026-yil 15-oktabr
🕙 Vaqt: 10:00
📍 Manzil: Toshkentdagi Puchon universiteti-Toshkent shahri, Chilonzor tumani, 17-kvartal, Qatortol 2-berk ko'chasi, 38A-uy.
Anjumanda ilmiy izlanuvchilar, mustaqil tadqiqotchilar, talabalar va pedagoglar o‘z ma’ruzalari bilan ishtirok etishlari mumkin. Har bir ma’ruzachi uchun 3–5 daqiqa vaqt ajratiladi.

Ona tiliga ehtirom — millat kelajagiga ehtirom!

#Chilonzor_24

DAVLAT TILIGA EHTIROM — MILLIY QADRIYATLARGA HURMAT

“Bilim” axborot-kutubxona markazida
21-oktabr — O‘zbek tili bayrami kuni hamda o‘zbek tili oyligi doirasida kutubxona rahbariyati tashabbusi va Chilonzor tumani hokimligi hamkorligida diktant yozish tadbiri tashkil etildi. Unda tizimning 60 nafardan ortiq xodimi ishtirok etdi.
Tadbirda kutubxona rahbariyati, Toshkent shahar hokimining hamda Chilonzor tumani hokimining ma’naviyat va davlat tili masalalari bo‘yicha maslahatchilari so‘zga chiqib, o‘zbek tilining shakllanish tarixi, bugungi taraqqiyoti, ilm-fan va davlat boshqaruvidagi o‘rni hamda istiqbollari yuzasidan fikr-mulohazalar bildirdilar.
Mazkur tadbir xodimlarning yozma nutq savodxonligini oshirish, adabiy til me’yorlariga rioya etish va davlat tiliga bo‘lgan e’tiborni yanada mustahkamlashga xizmat qildi.

Ona tiliga e’tibor — davlat va jamiyat taraqqiyotiga e’tibordir.

✅Bugun, Payshanba, 15-oktabr
✅Toshkent shahri, Chilonzor tumani

🔹 Hozirgi ob-havo maʼlumoti
🌡 Ochiq havo
Harorat: 15.5 °C
Tuyuladi: 13.4 °C

Bulutlar: 0%
Namlik: 49%
Shamol: 1.4 m/s
Bosim: 768 mm sim. ust.
Quyosh chiqishi: 06:35
Quyosh botishi: 17:42

👉 #Chilonzor_24