#Axborot24 | 15.10.2026

15-oktabr — soliqlarni to‘lashning oxirgi muddati

mtrk.uz | Instagram | Youtube | Facebook | Telegram | X (twitter)

#matbuot_anjumani

O‘zini o‘zi band qilgan yoshlar bilan yakka tartibdagi tadbirkorlarning soliq to‘lash tartibi qanday farqlanadi?

Yillik daromadi 12 ming BHMgacha (qariyb 5,2 mlrd so‘m) bo‘lgan yakka tartibdagi tadbirkorlar va o‘zini o‘zi band qilgan shaxslar 1 foiz stavkada aylanmadan olinadigan soliq to‘laydi.

Yakka tartibdagi tadbirkorlar o‘zlari uchun har oyda 1 BHM miqdorida ijtimoiy soliqni majburiy tartibda to‘laydilar.

O‘zini o‘zi band qilgan shaxslar esa yiliga bir marta 1 BHM miqdorida ijtimoiy soliqni ixtiyoriy ravishda to‘laydilar.

Тelegram |Facebook |YouTube| Instagram |X|Threads

#40_son

Hurmatli davlat xizmatchilari, siyosiy ma'rifat soatining navbatdagi soni taqdim etildi.

Unda siyosiy-ijtimoiy xabarlar, qonunchilikdagi yangiliklar, davlat xizmatchisining ma’naviy-ma’rifiy dunyoqarashini boyitishga xizmat qiladigan ma’lumotlar o‘rin olgan.

#uzb35 #mustaqillik35
🌍 Biz bilan kuzatib boring!

🕊Telegram | 📸Instagram

#imtiyoz

Tomorqa issiqxonalari uchun yer va mol-mulk soliqlarini ikki barobar kamaytirish taklif qilindi

Тelegram |Facebook |Youtube| Instagram |X| Threads

#imtiyoz

Ayni paytda Prezident Shavkat Mirziyoyev yoqilg‘i-energetika tarmog‘idagi investorlar bilan ochiq muloqot o‘tkazmoqda.

🔸Energiya saqlash loyihalari uchun qonunchilikda yer va mol-mulk solig‘i bo‘yicha 10 yillik imtiyozlar belgilangan. Ularni qo‘llashdagi turlicha talqinlarga barham berish uchun imtiyozlar akkumulyator yoki quyosh paneli joylashgan maydon bilan birga zarur podstansiya, boshqaruv binosi va yordamchi infratuzilmaga ham tegishli ekani Soliq kodeksida aniq ko‘rsatiladi.

🔸Jizzax viloyati Forish tumanida qurilayotgan atom elektr stansiyasiga zarur yangi mahsulotlarni ishlab chiqarish maqsadida shu yerda soliq va bojxona imtiyozlariga ega maxsus sanoat zonasi tashkil etiladi.

Тelegram |Facebook |Youtube| Instagram |X| Threads

#maʻnaviyat_maʻrifat_soati

MA’NAVIYAT — KASBIY MAS’ULIYAT VA INSONIY YUKSALISH MANBAI

Soliq qo‘mitasida tashkil etilgan navbatdagi ma’naviy-ma’rifiy tadbir nafaqat unutilmas taassurotlarga, balki chuqur hayotiy mushohadalarga ham boy bo‘ldi.

Tadbirning eng yorqin va mazmunli lahzalari tajribali suxandon, xonanda va ko‘rsatuvlar boshlovchisi Tolibjon Isroilov bilan kechgan samimiy suhbatda namoyon bo‘ldi. Uning hayot yo‘li, ijodiy izlanishlari va kasbiy tajribasi haqidagi ochiq muloqot ishtirokchilarda katta qiziqish uyg‘otdi.

Aslida, bunday uchrashuvlar zamirida oddiy suhbatdan ko‘ra teranroq ma’no mujassam. Zero, insonning kasbiy kamoloti faqat bilim va tajriba bilan emas, balki dunyoqarashi, ma’naviyati va odamlar bilan muloqot madaniyati bilan ham o‘lchanadi.

Xo‘sh, bunday tadbirlar soliq xodimiga nima beradi?

Eng avvalo, u xodimni kundalik xizmat vazifalari doirasidan bir qadam tashqariga chiqib, hayotga kengroq nazar bilan qarashga undaydi. Inson taqdirlari, hayotiy tajribalar va ijodiy izlanishlar bilan tanishish uning fikrlash doirasini kengaytiradi, tinglash va tushunish madaniyatini boyitadi. Bu esa fuqarolar bilan muloqotda samimiylik, muomalada madaniyat va qarorlarda mas’uliyatni mustahkamlashga xizmat qiladi.

Тelegram |Facebook |YouTube| Instagram |X|Threads

#ilova

«Soliq» ilovasi orqali soliq to‘lovlarini tez va qulay, soliq idorasiga bormasdan amalga oshiring

Jismoniy shaxslar ilova orqali:
▫️mol-mulk va yer solig‘i;
▫️jami yillik daromad to‘g‘risidagi deklaratsiya asosida hisoblangan daromad solig‘i;
▫️mol-mulkni ijaraga berishdan olingan daromadlar bo‘yicha hisoblangan soliq;
▫️soliq majburiyatlari bo‘yicha hisoblangan penyalarni to‘lash imkoniyati mavjud.

Boshqa jismoniy shaxsning identifikatsiya raqamini JShShIRini kiritgan holda soliq qarzini to‘lash mumkin.

"Soliq" ilovasi 18 mlndan ortiq foydalanuvchining tanlovi.

“Soliq” mobil ilovasi Siz uchun qulay, tezkor va zamonaviy yechim.

Тelegram |Facebook |Youtube| Instagram |X| Threads

#yashirin_iqtisodiyot

Soliqchi  tadbirkorga jazodan oldin maslahat, muammodan oldin yechim bermoqda!
 
Mo‘may pul topaman deb qonunni chetlab o‘tish oson tuyulishi mumkin. Ammo bugungi oson yo‘l ertangi katta muammoga aylanmasin! Oxir-oqibat, topgan foydangizdan ko‘ra zararingiz ko‘proq bo‘lib qolishi mumkin.

Yashirin iqtisodiyot — bu shunchaki qoidani buzish emas, balki o‘z biznesingizni xavf ostiga qo‘yishdir.

Ayniqsa, fiskal belgilar, avtomatlashtirilgan hisobga olish o‘lchov vositalari va soliq organlari axborot tizimlari bilan integratsiya qilish bo‘yicha talablarga beparvo qarash ham qonunbuzarlikka olib kelishi mumkin.

 
Shunday ekan, soliqdan qochish evaziga ko‘proq daromad topish deb yillar davomida mehnat qilib qurgan biznesingizni xavf ostiga qo‘ymang.
 
Chunki soliqdan qochib topilgan foyda emas, qonuniy yo‘l bilan topilgan daromad barakali bo‘ladi.
 
Buning oqibatlari va tadbirkorlarni nimalar kutayotganini esa videorolikni oxirigacha ko‘rib, o‘zingiz xulosa qiling.

Тelegram |Facebook |YouTube| Instagram |X|Threads

#QQS

Qishloq xo‘jaligi tovar ishlab chiqaruvchilari tomonidan QQSning “nol” stavkasini qo'llash tartibi

Xabaringiz bor, 2026-yil 1-yanvardan boshlab qishloq xoʻjaligi tovar ishlab chiqaruvchilari tomonidan yetishtirilgan qishloq xoʻjaligi mahsulotlari (bundan paxta va gʻalla mustasno) realizatsiyasi uchun qoʻshilgan qiymat soligʻining “nol” stavkasi joriy qilingan.

👉PF-153-son, 04.09.2025-y.
👉Soliq kodeksi 264 moddasi

Ma’lumot uchun: qishloq xoʻjaligi tovar ishlab chiqaruvchilari bir vaqtning oʻzida quyidagi shartlarga javob beradigan yuridik shaxslar eʼtirof etiladi:
▫️ qishloq xoʻjaligi mahsulotini ishlab chiqaruvchi va uni birlamchi qayta ishlovchi, basharti bunday yuridik shaxsning jami daromadida oʻzi ishlab chiqargan qishloq xoʻjaligi mahsulotini, shu jumladan uni oʻzi ishlab chiqargan qishloq xoʻjalik xom ashyosini qayta ishlashdan olingan mahsulotni realizatsiya qilishdan olingan daromadining ulushi soliq davridagi jami daromadning kamida 80 foizini tashkil etsa;

▫️ yer uchastkalariga ega boʻlgan, bu yer uchastkalari qishloq xoʻjaligi mahsulotlarini ishlab chiqarish uchun zarur boʻlsa.

Mazkur shartlarga mos kelgan tadbirkorlik subyektlari tomonidan QQSning “nol” stavkasini qoʻllash uchun my.soliq.uz portali orqali:
- “Elektron hujjat aylanishi” boʻlimidagi
- “Yuridik shaxslarning soliq imtiyozlaridan foydalanish boʻyicha murojaat” xizmatidan ariza yuborish orqali amalga oshiriladi.

Bunda:
- “murojaat yuborish” menyusiga kiriladi,
- “Normativ-huquqiy hujjat turi”dan Oʻzbekiston Respublikasi Prezidenti Farmoni tanlanadi,
- “Soliq turi”dan QQS tanlanadi,
- “Normativ-huquqiy hujjat” raqamidan “PF-153/null” tanlanadi.
- Imtiyozning boshlanish va tugash vaqti hamda imtiyoz matni avtomatik shakllanadi.
- Asoslantiruvchi hujjat biriktiriladi, viloyat, tuman, mahalla tanlanadi.
- Aloqa uchun telefon raqami kiritiladi;
- “Yuborish” tugmasi bosiladi.

Soliq kodeksining 57-moddasiga asosan qishloq xoʻjaligi tovar ishlab chiqaruvchilari shartlariga mos kelgan tadbirkorlik subyektlari tomonidan elektron hisobvaraq-faktura rasmiylashtirishda qoʻshilgan qiymat soligʻining “nol” stavkasi avtomatik tarzda qoʻllaniladi.

Ya’ni, EHF yaratishda:
- “imtiyoz” belgisi tanlanadi,
- mahsulot nomi, oʻlchov birligi, soni, narxi ma’lumotlari kiritilib, QQS stavkasi ustuniga “0%” tanlanadi.

- imtiyoz ustunida imtiyozning maxsus identifikatsiya kodi kiritilib,
- tovarning kelib chiqishi ustunida “Xususiy ishlab chiqarish” turi tanlanadi.

❗️ Muhim: “Xususiy ishlab chiqarish” turning tanlanishi, mahsulot qishloq xoʻjaligi tovar ishlab chiqaruvchilari tomonidan realizatsiya qilinayotganligini hamda imtiyozni qoʻllash uchun asos hisoblanadi.

Shuningdek, yuqoridagi talablarga javob beruvchi qishloq xoʻjaligi tovar ishlab chiqaruvchilarga (bundan paxta va gʻalla mustasno) 2026-yil 1-yanvardan boshlab qishloq xoʻjaligi mahsulotlarini yetishtirish uchun xarid qilingan tovarlar (xizmatlar) boʻyicha toʻlangan qoʻshilgan qiymat soligʻi summasi oʻrnini qoplash (qaytarish) 3 kun muddatda avtomatlashtirilgan tarzda amalga oshiriladi.

Ma’lumot uchun: QQSning “nol” stavkasi qoʻllaniladigan qishloq xoʻjaligi mahsulotlari roʻyxati Qishloq xoʻjaligi vazirligi va Soliq qoʻmitasi tomonidan tasdiqlanadi va ularning rasmiy veb-saytlarida eʼlon qilib boriladi.

Buning uchun, qishloq xoʻjaligi tovar ishlab chiqaruvchilar my.soliq.uz portali orqali:
-“Xizmatlar” menyusidan
-“Yuridik shaxslarga oʻrni qoplanishi lozim boʻlgan QQS summasini qaytarish” boʻlimidagi
- “Murojaat (ayrim faoliyat turlari bo‘yicha)” xizmatidan faoliyat turi
- “Qishloq xo‘jaligi mahsulotlarini ishlab chiqaruvchilar” tanlanadi.

Yuqoridagi ketma-ketlikdan keyin QQSning salbiy farq summasini qaytarish bo‘yicha ariza avtomatik shakllanadi va soliq to‘lovchi tomonidan qo‘shilgan qiymat solig‘ining salbiy farq summasini qaytarib berilishi so‘ralayotgan davr ya’ni yil va oy tanlanadi.

Arizada tanlangan davr bo‘yicha qaytarib berilishi mumkin bo‘lgan QQSning salbiy farq summasi avtomat shakllanadi va “Yuborish” tugmasi bosiladi.

Mazkur tartib bo‘yicha kelib tushgan arizada ko‘rsatilgan summa soliq organlarining avtomatlashtirilgan tizimi orqali 3 kun ichida qoplab beriladi.

MUHIM:
Soliq kodeksining 274-moddasiga asosan, yuqoridagi tartibga asosan tezlashtirilgan tartibda qoplangan soliq summasining asoslanganligi yuzasidan umumiy tartibda kameral soliq tekshiruvi o‘tkaziladi.

Agar kameral soliq tekshiruvi natijalariga koʻra avtomatlashtirilgan tizim orqali qoplab berilgan soliq summasi yoki uning bir qismi asossiz boʻlib chiqsa, soliq toʻlovchi soliqning oʻrni oʻziga asossiz ravishda qoplangan summasini qoplash sanasidan to uni budjetga toʻlash sanasigacha penya hisoblangan holda budjetga toʻlashi shart.

Тelegram |Facebook |Youtube| Instagram |X| Threads

#dayjest

⏳ SOLIQ VAQTI

👉 Soddalashtirilgan tartibdagi QQSga o‘tishda foyda solig‘ining nol stavkasini qanday qo‘llash mumkin?

👉 Yoshlar tadbirkorligini rivojlantirish uchun soliq imtiyozlariga bag‘ishlangan matbuot anjumani

👉 Tashqi savdo shartnomalari bo‘yicha qarzdorlikning boshqa shaxsga o‘tkazilishi soliq organlari tomonidan tasdiqlanadi

👉 O‘simlik yog‘larini raqamli markirovkalash masalalariga bag‘ishlangan uchrashuv

👉 Soliq imtiyozlari:
▫️ Ipakchilik va ipak sanoati uchun
▫️ Madaniyat, san’at va adabiyot sohasi uchun
▫️ Issiqxona xo‘jaliklari uchun

👉 Qurilish tashkilotlari tomonidan hisobotlarni taqdim etish tartibiga bag‘ishlangan onlayn-seminar

👉 Korrupsiyaga duch keldingizmi? Bizga xabar bering!

👉 15-oktabr — mol-mulk va yer soliqlarini to‘lash muddati yakunlandi

Тelegram|Facebook|YouTube|Instagram|X|Threads

#YTT

Yakka tartibdagi tadbirkor

Tadbirkorlik faoliyatini (yuridik shaxs tashkil etmagan holda) belgilangan tartibda ro‘yxatdan o‘tib amalga oshiradigan jismoniy shaxs yakka tartibdagi tadbirkor (YTT) hisoblanadi.
👉 Soliq kodeksi 31-modda

Ro'yxatdan o'tish:
1. Davlat xizmatlari markaziga shaxsan murojaat qilish;
2. new.birdarcha.uz sayti orqali masofadan turib ariza berish orqali.

Agar:
🚶🏻‍➡️shaxsan kelib ariza berilsa BHMning 1 baravari miqdorida (440 000 so‘m) davlat boji to‘lanadi;
🧑🏻‍💻Internet orqali ariza berilganda BHMning 0,9 baravarini tashkil etadi (396 000 soʻm).

YTTga ro'yxatdan o'tganida guvohnoma beriladi.

👉 YTTlar shug‘ullanishi mumkin bo‘lgan faoliyat turlari ro‘yxati

Davlat ro‘yxatidan o‘tgan oydan keyingi oydan boshlab har oyning 15-sanasidan kechiktirmay:
- YTTning tovarlar (xizmatlar) realizatsiyasidan olgan daromadi 12 000 BHMgacha bo‘lsa, 1% miqdorida aylanmadan olinadigan soliq bo‘yicha hisobotni taqdim etadi va soliqni to‘laydi;
- ijtimoiy soliq - BHMning 1 baravari (440 000 so'm) to'laydi.

YTTning tovar (xizmat)lar realizatsiyasidan olingan daromadi kalendar yilida:
- 12 000 BHMdan oshsa QQS va foyda solig‘ini to‘lashga o‘tadi.
👉 Soliq kodeksi 385-modda

YTTlar 5 nafargacha xodim yollash huquqiga ega va yollanma xodim uchun:
▫️ yiliga bir marta, 31-dekabrgacha — BHMning 1 baravari miqdorida ijtimoiy soliqni (440 000 so‘m);
▫️ har oyning 15-sanasidan kechiktirmay — jismoniy shaxslardan olinadigan daromad solig‘i bo‘yicha hisobotni taqdim etib, 12% miqdorida soliqni to‘laydi.
_______
#индивидуальный_предприниматель

Индивидуальный предприниматель

Индивидуальным предпринимателем (ИП) считается физическое лицо, зарегистрированное в установленном порядке и осуществляющее предпринимательскую деятельность без образования юридического лица.
👉 ст.31 НК

Как зарегистрироваться?
1. В Центре государственных услуг;
2. Удаленно через new.birdarcha.uz.

Если:
🚶🏻‍➡️в явочном порядке, то уплачивается государственная пошлина в размере 1 БРВ (440 000 сумов);
🧑🏻‍💻через Интернет, то пошлина составляет 0,9-кратный размер БРВ (396 000 сумов).

Индивидуальному предпринимателю выдается свидетельство о регистрации.

👉 Перечень видов деятельности, которыми могут заниматься индивидуальные предприниматели

Начиная со следующего месяца после государственной регистрации ИП ежемесячно не позднее 15-го числа:
- если доход не превысил 12 000 БРВ, представляют отчетность по налогу с оборота и уплачивают налог по ставке 1%;
- уплачивают социальный налог - 1 БРВ (440 000 сумов).

Если доход ИП от реализации товаров (услуг) в календарном году превысит 12 000 БРВ, то он переходит на уплату НДС и налога на прибыль.
👉 ст.385 НК

Индивидуальные предприниматели имеют право нанимать до 5 работников и за наемного работника:
▫️ раз в год до 31 декабря уплачивают социальный налог в размере не менее 1 БРВ – 440 000 сумов;
▫️ежемесячно не позднее 15 числа представляют отчетность по НДФЛ и уплачивают налог (ставка 12%).

Тelegram |Facebook |Youtube| Instagram |X| Threads

📸 KUN FOTOSI

🇺🇿 Til — millat ko‘zgusi, ma’naviyatimiz va qadriyatlarimiz timsoli!

Ona tilimizga bo‘lgan hurmat, avvalo, uni asrab-avaylash, boyligini chuqur anglash va kundalik faoliyatimizda undan to‘g‘ri foydalanishda namoyon bo‘ladi.

Soliq xizmati xodimlari uchun ham davlat tilida ravon, aniq va tushunarli muloqot qilish — yuksak kasbiy madaniyat hamda xalqimizga hurmat ifodasidir.

Zero, ona tiliga ehtirom — millatga ehtiromdir! 🇺🇿

Тelegram |Facebook |Youtube| Instagram |X|Threads

🇺🇿#Xavfsiz_kibermakon
🌐#Qashqadaryo_viloyati

📞Telefoningizda zararli dasturlar yoʻqligiga ishonchingiz komil emasmi? Unda bu videoni koʻring!

🤖Zararli ilovalar telefoningizdagi SMS xabarlar, bank kartalari va shaxsiy ma'lumotlaringizni yashirin tarzda qo'lga kiritishi mumkin. Firibgarlar aynan shunday usullar orqali fuqarolarning bank hisoblaridan pul mablag'larini talon-toroj qilmoqda.

✅Ushbu videoda telefoningizdagi xavfli ilovalarni aniqlash, SMS ruxsatlarini tekshirish va kiberfiribgarlardan himoyalanishning eng muhim usullari haqida ma'lumot beriladi.

📲 Videoni oxirigacha tomosha qiling va yaqinlaringiz bilan ham ulashing. Birgina ulashuv orqali kimnidir kiberfiribgarlik qurboniga aylanishdan saqlab qolishingiz mumkin.

🌎Qashqadaryo viloyati IIB🇺🇿 Kiberjinoyatlarga qarshi kurashish boshqarmasi ogohlantiradi: Kiberfiribgarlikning oldini olish o'zingizdan boshlanadi. Ogoh bo'ling, kiberxavfsizlik qoidalariga amal qiling!

✈️ Telegram • 🌐 Instagram • 📹YouTube