#sunʻiy_intellekt

AI Assistent — AI Soliq platformasidagi intellektual yordamchingiz

U jismoniy va yuridik shaxslarga soliq masalalarini tez va oson tushunish, tushunarli izohlar hamda amaliy tavsiyalar olishda yordam beradi.

Тelegram|Facebook|Youtube|Instagram|X|Threads

#qishloq_xojaligi #QQS #savol_javob

«Qishloq xoʻjaligi tovar ishlab chiqaruvchilariga QQSni qaytarish tartibi» mavzusiga oid eng dolzarb savollarga javoblar

1️⃣ Qanday hollarda ichki bozorga realizatsiya qilingan tovar uchun QQS "nol" stavka qoʻllaniladi?

JAVOB

Qishloq xoʻjaligi tovar ishlab chiqaruvchilari tomonidan yetishtirilgan hamda Qishloq xoʻjaligi vazirligi va Oʻzbekiston Respublikasi Soliq qoʻmitasi tomonidan tasdiqlanadigan qishloq xoʻjaligi mahsulotlari roʻyxatiga kiritilgan tovarlarni realizatsiya qilish aylanmasiga nisbatan "nol" darajali stavkada soliq solinadi.

 
2️⃣ Kimlar qishloq xoʻjalik tovar ishlab chiqaruvchilar hisoblanadi?

JAVOB

Qishloq xoʻjaligi tovar ishlab chiqaruvchilari deb bir vaqtning oʻzida quyidagi shartlarga javob beradigan yuridik shaxslar eʼtirof etiladi:

- qishloq xoʻjaligi mahsulotini ishlab chiqaruvchi va uni birlamchi qayta ishlovchi, basharti bunday yuridik shaxsning jami daromadida oʻzi ishlab chiqargan qishloq xoʻjaligi mahsulotini, shu jumladan uni oʻzi ishlab chiqargan qishloq xoʻjalik xom ashyosini qayta ishlashdan olingan mahsulotni realizatsiya qilishdan olingan daromadining ulushi soliq davridagi jami daromadning kamida 80 foizini tashkil etsa;

- yer uchastkalariga ega boʻlgan, bu yer uchastkalari qishloq xoʻjaligi mahsulotlarini ishlab chiqarish uchun zarur boʻlsa.

3️⃣ Qoʻshilgan qiymat soligʻining salbiy farq summasini qaytarishda soliq tekshiruvlari oʻtkaziladimi?

JAVOB

Qishloq xoʻjaligi mahsulotlari ishlab chiqaruvchilarga QQSning salbiy farq summasini qoplab berishda soliq tekshiruvlari oʻtkazilmaydi.

Soliq kodeksining 274-moddasiga asosan mazkur toifadagi soliq toʻlovchilarga QQSning salbiy farq summasi tezlashtirilgan tartibda qoplab berilgandan keyin, qoplangan soliq summasining asoslanganligi yuzasidan umumiy tartibda kameral soliq tekshiruvi oʻtkaziladi.

Тelegram |Facebook |YouTube| Instagram |X|Threads

#tabrik

Hurmatli ichki ishlar organlari xodimlari va faxriylari!

Sizlarni Ichki ishlar vazirligi tashkil etilganining 35 yilligi munosabati bilan samimiy muborakbod etaman.

Ichki ishlar organlari xodimlarining jamiyatda tinchlik va osoyishtalikni taʼminlash, jamoat tartibini saqlash, fuqarolarning huquq va erkinliklarini himoya qilish, qonun ustuvorligini mustahkamlash borasidagi xizmatlari alohida eʼtirofga loyiq.

Zimmangizdagi masʼuliyatli vazifalarni sharaf bilan ado etish, yurt osoyishtaligi va xalq farovonligi yoʻlida fidoyilik koʻrsatish, har qanday vaziyatda adolat tamoyillariga sodiq qolish yuksak kasbiy mahorat, matonat va vatanparvarlikni talab etadi.

Soliq organlari va ichki ishlar organlarini umumiy maqsad — qonuniylikni taʼminlash, huquqbuzarliklarning oldini olish, iqtisodiy xavfsizlikni mustahkamlash hamda fuqarolar va tadbirkorlarning qonuniy manfaatlarini himoya qilish birlashtirib turadi. Ushbu yoʻnalishlardagi hamkorligimiz mamlakatimiz taraqqiyoti, jamiyatda ishonch muhitini mustahkamlash va xalqimiz farovonligini yuksaltirishga xizmat qiladi.

Ushbu qutlugʻ sanada Vatan tinchligi va xalq osoyishtaligi yoʻlida xizmat burchini sidqidildan ado etayotgan barcha ichki ishlar organlari xodimlariga kuch-gʻayrat va masʼuliyatli faoliyatlarida ulkan muvaffaqiyatlar, tizim ravnaqi uchun koʻplab professional shogirdlarni tayyorlab bergan soha faxriylariga mustahkam sogʻlik, oilaviy baxt-saodat tilayman.

El-yurt tinchligi yoʻlidagi sharafli xizmatingizda hamisha omad yor boʻlsin!

Bayramingiz muborak boʻlsin!

Hurmat bilan,
Soliq qoʻmitasi jamoasi nomidan
Farrux Pulatov

Тelegram|Facebook|Youtube|Instagram|X|Threads

#dayjest

⏳ SOLIQ VAQTI

👉 Qishloq xo‘jaligi subyektlari uchun muhim eslatmalar

👉 Qishloq xo‘jaligi mahsulotlarini realizatsiya qilishda QQSning nol stavkasi qo‘llaniladi

👉 Qishloq xo‘jaligi mahsulotlari ishlab chiqaruvchilari QQSni qaytarish uchun qanday ariza berishlari mumkin?

👉 Qishloq xo‘jaligi mahsulotlari ishlab chiqaruvchilariga QQSni qaytarish tartibi bo‘yicha onlayn-seminar

👉 AI Soliq: soliq masalalarini hal etish uchun uchta yangi vosita
✔️ Ekspress audit
✔️ AI Assistent
✔️ AI Muloqot

👉 Navoiy va Chirchiq shaharlarida soliq organlari xodimlari hamda jismoniy shaxslar tomonidan deklaratsiyalarni taqdim etish tartibi tasdiqlandi

👉 Raqamli markirovkalangan mahsulotlarni ulgurji sotishda naqd pulsiz hisob-kitob qilish majburiy

👉 Yoshlar bandligini ta’minlash borasidagi ishlar

Тelegram |Facebook |Youtube| Instagram |X| Threads

#QQS

Qishloq xo‘jaligi tovar ishlab chiqaruvchilariga 3 kunda QQS summasi qaytariladi

2026-yil 1-yanvardan qishloq xoʻjaligi tovar ishlab chiqaruvchilariga qishloq xoʻjaligi mahsulotlarini yetishtirish uchun xarid qilingan tovarlar (xizmatlar) boʻyicha toʻlangan QQS summasi oʻrnini qoplash (qaytarish) 3 kun muddatda avtomatlashtirilgan tarzda amalga oshirilmoqda.

❗️Bundan paxta va gʻalla mustasno.

Тelegram|Facebook|Youtube|Instagram|X|Threads

📸 KUN FOTOSI

Hunar — daromadga, bandlik — kelajakka ishonchga yo‘l

Yoshlarning faoliyatini qonuniy yo‘lga qo‘yishiga ko‘maklashish, soliq masalalarida maslahat berish va tashabbuslarini qo‘llab-quvvatlash — soliq xodimlarining muhim vazifalaridan.

Zero, o‘z mehnati bilan daromad topayotgan yosh — oilasiga tayanch.

Тelegram |Facebook |Youtube| Instagram |X|Threads

#mol_mulk_soligʻi #yer_soligʻi

Jismoniy shaxslar mol-mulk va yer soliqlarini Soliq mobil ilovasi hamda my.soliq.uz sayti orqali ham to‘lashi mumkin.
___
#налог_на_имущество #земельный_налог

Физические лица могут уплатить налоги на имущество и землю как в мобильном приложении Soliq, так и через сайт my.soliq.uz.

Тelegram |Facebook |Youtube| Instagram |X| Threads