Quyosh panellarida yong'inlarning oldini olish masalalari muhokama qilindi

Bugun, 29-iyun kuni Boshqarma boshlig‘i polkovnik F. Mirzayev raisligida boshqarma tasarrufidagi barcha shahar va tuman Favqulodda vaziyatlar bo‘limlari hamda Obyektlarda favqulodda vaziyatlar bo‘limlari boshliqlari ishtirokida tezkor yig‘ilish bo‘lib o‘tdi.

Yig‘ilishda vazir general-mayor A. Ikramovning topshirig‘iga muvofiq, so‘nggi paytlarda quyosh fotoelektr stansiyalari va quyosh panellarida sodir bo‘layotgan yong‘inlarning oldini olishga qaratilgan profilaktik tadbirlarni yanada kuchaytirish masalalari muhokama qilindi.

Shuningdek, mas’ullarga quyosh panellari o‘rnatilgan obyektlarda yong‘in xavfsizligi talablariga rioya etilishi ustidan nazoratni kuchaytirish, aholi va tadbirkorlik subyektlari o‘rtasida keng ko‘lamli tushuntirish-targ‘ibot ishlarini olib borish hamda aniqlangan kamchiliklarni bartaraf etish yuzasidan aniq vazifalar belgilab berildi.

Boshqa yangiliklar 👇
Sayt | Telegram | Instagram | Facebook | YouTube

QUYOSH PANELLARI O‘RNATILGAN OBYEKTLARDA YONG‘IN XAVFSIZLIGI HOLATINI O‘RGANISH ISHLARI BOSHLAB YUBORILDI

O‘rganishlar davomida quyosh fotoelektr tizimlari va elektr jihozlarining texnik holati, yong‘in xavfsizligi talablariga rioya etilishi, obyektlarning birlamchi yong‘in o‘chirish vositalari bilan ta’minlanganligi o‘rganilib, aniqlangan kamchiliklarni bartaraf etish yuzasidan mas’ullarga tegishli tavsiya va ko‘rsatmalar berilmoqda.

Shuningdek, obyekt rahbarlari hamda mas’ul xodimlar ishtirokida quyosh panellaridan xavfsiz foydalanish, yong‘inlarning oldini olish va yong‘in xavfsizligi qoidalariga qat’iy rioya etish yuzasidan tushuntirish-targ‘ibot ishlari olib borilmoqda.

Bizni quyidagi ijtimoiy tarmoqlarda ham kuzatib boring👇
Veb-sayt | Telegram | Instagram | Facebook | YouTube

G'AVVOS-QUTQARUVCHILAR RUHIY TAYYORGARLIKDAN O'TKAZILDI.

Bugun, 29-iyun kuni qutqaruvchilarning kasbiy mahorati va jismoniy tayyorgarligini oshirishga qaratilgan o‘quv-amaliy mashg‘ulot o‘tkazildi.

Mashg‘ulot davomida g‘avvos-qutqaruvchilar tomonidan kanaldan suzib o‘tish, shartli ravishda suvda cho‘kayotgan fuqaroni qutqarish, uni qirg‘oqqa olib chiqish hamda birinchi tibbiy yordam ko‘rsatish bo‘yicha amaliy harakatlar bajarildi.

Mashg'ulot qutqaruvchilarning suvdagi favqulodda vaziyatlarda tezkor va samarali harakat qilish ko‘nikmalarini yanada mustahkamlashga xizmat qililishi bilan ahamiyatli.

Bizni quyidagi ijtimoiy tarmoqlarda ham kuzatib boring👇
Veb-sayt | Telegram | Instagram | Facebook | YouTube

QARSHI SHAHRIDA "YANGI OʻZBEKISTONNI YOSHLAR QURADI!" HAMDA "JASORAT VA MATONAT" SHIORI OSTIDAGI "FAVQULODDA VAZIYATLAR VAZIRI KUBOGI" SPORT MUSOBAQASI VA KO‘RIK-TANLOVINING SHAHAR BOSQICHI O‘TKAZILDI

Musobaqa yoshlar o‘rtasida sog‘lom turmush tarzini keng targ‘ib qilish, ularning jismoniy tayyorgarligini oshirish, favqulodda vaziyatlarda to‘g‘ri harakat qilish ko‘nikmalarini shakllantirish hamda vatanparvarlik ruhini mustahkamlash maqsadida tashkil etildi.

Unda ishtirokchilar sport musobaqalari va ko‘rik-tanlovning belgilangan shartlari bo‘yicha o‘zaro bellashib, chaqqonlik, epchillik, jamoaviy hamjihatlik, matonat va shijoatlarini namoyon etdilar.

Musobaqa yakunida g‘olib va sovrindor jamoalar diplom hamda esdalik sovg‘alari bilan taqdirlandi. Shuningdek, birinchi o‘rinni qo‘lga kiritgan jamoa musobaqaning navbatdagi bosqichida ishtirok etish huquqini qo‘lga kiritdi.

Bizni quyidagi ijtimoiy tarmoqlarda ham kuzatib boring👇
Veb-sayt | Telegram | Instagram | Facebook | YouTube