Qashqadaryo viloyati hokimligi binosida maxsus-taktik o‘quv mashqi o‘tkazildi

Qashqadaryo viloyati hokimligi hamda Favqulodda vaziyatlar boshqarmasi mas’ullari rahbarligida viloyat hokimligi binosida hamkor tashkilotlar ishtirokida "Mahalliy hokimlik binolarida favqulodda vaziyatlarni bartaraf etish, yong‘inlarni o‘chirish va qutqaruv ishlarini olib borish" mavzusida maxsus-taktik o‘quv mashqi o‘tkazildi.

Mashg‘ulotda shartli yong‘in sodir bo‘lganda xodimlarni evakuatsiya qilish, yong‘inni bartaraf etish, jabrlanganlarni qutqarish hamda hamkor tashkilotlarning o‘zaro tezkor harakatlari amalda sinovdan o‘tkazildi.

O‘quv mashqi yakunida ishtirokchilarning harakatlari tahlil qilinib, favqulodda vaziyatlarga tayyorgarlikni yanada oshirish yuzasidan mas’ullarga tegishli topshiriqlar berildi.

Boshqa yangiliklar 👇
Veb-sayt | Telegram | Instagram | Facebook | YouTube