“Jasorat va matonat” musobaqasining Qashqadaryo viloyati bosqichi bo‘lib o‘tdi

“Yangi O‘zbekistonni yoshlar quradi!” shiori ostida Favqulodda vaziyatlar vaziri kubogi uchun mahalla yoshlari o‘rtasida o‘tkazilayotgan “Jasorat va matonat” sport musobaqalari hamda ko‘rik-tanlovining Qashqadaryo viloyati bosqichi yuqori saviyada tashkil etildi.
Musobaqa davomida ishtirokchilar 5 ta shart bo‘yicha o‘zaro bellashib, o‘zlarining jismoniy tayyorgarligi, chaqqonligi, bilim saviyasi va jamoaviy hamjihatligini namoyon etdilar. Tadbirda soha faxriylari ham ishtirok etib, yoshlar bilan uchrashdi, ularga hayotiy tajriba va qimmatli tavsiyalarini ulashdi.
Yakuniy natijalarga ko‘ra:
🥇 1-o‘rin — Ko‘kdala tumani jamoasi;
🥈 2-o‘rin — Qarshi shahar jamoasi;
🥉 3-o‘rin — Qarshi tumani jamoasi.
Musobaqa yakunida g‘olib va sovrindor jamoalar diplom, kubok hamda esdalik sovg‘alari bilan tantanali ravishda taqdirlandi.

Boshqa yangiliklar 👇
Veb-sayt | Telegram | Instagram | Facebook | YouTube

Uyma-uy targ‘ibot — xavfsizlik sari muhim qadam

"Dolzarb 60 kun" profilaktik tadbirlari doirasida Koson, Qamashi, Nishon, Dehqonobod tumanlari hamda Qarshi va Shahrisabz shahar Favqulodda vaziyatlar bo‘limlari xodimlari tomonidan mahallalarda uyma-uy yurilib, aholi o‘rtasida profilaktik targ‘ibot ishlari izchil davom ettirilmoqda.
Jarayonda fuqarolarga gaz va elektr jihozlaridan xavfsiz hamda oqilona foydalanish, yong‘in va portlash xavfining oldini olish, shuningdek, qurilish obyektlari hamda masjidlarda yong‘in xavfsizligi talablariga qat’iy rioya etish bo‘yicha tushuntirishlar berilib, eslatmalar tarqatilmoqda.
Bunday profilaktik tadbirlar aholining yong‘in xavfsizligi madaniyatini oshirish, favqulodda vaziyatlarning oldini olish hamda fuqarolarning hayoti, sog‘lig‘i va mol-mulkini ishonchli himoya qilishga xizmat qiladi.

Boshqa yangiliklar 👇
Veb-sayt | Telegram | Instagram | Facebook | YouTube