PAYSHANBA — HUQUQBUZARLIKLAR PROFILAKTIKASI KUNI

Bugun, 10-sentabr kuni Qashqadaryo viloyati FVBda “Yo‘l-transport hodisasi: kelib chiqish sabablari va oldini olish chora-tadbirlari” mavzusida profilaktik tadbir o‘tkazildi.
Unda boshqarma hamda barcha bo‘lim va bo‘linmalarning shaxsiy tarkibi videokonferensaloqa orqali onlayn ishtirok etdi.
Mutaxassislar tomonidan yo‘l harakati xavfsizligi qoidalari, amaldagi talablar, so‘nggi o‘zgarish va qo‘shimchalar, shuningdek, YTHlarning oldini olish bo‘yicha muhim tavsiyalar berildi.

Bir lahzalik e’tiborsizlik — bir umrga tatigulik pushaymon!

Boshqa yangiliklar👇
Veb-sayt | Telegram | Instagram | Facebook | YouTube

YONG‘IN O‘CHIRISH BO‘YICHA AMALIY-TAKTIK MASHG‘ULOT O‘TKAZILDI

“Yong‘indan ogohlik” umummilliy kompaniyasi oyligi doirasida viloyat FVB boshlig‘ining birinchi o‘rinbosari, podpolkovnik M. Ostonov rahbarligida Koson tumanida joylashgan paxta qabul qilish maskanida yong‘in o‘chirish bo‘yicha amaliy-taktik mashg‘ulot o‘tkazildi.

⚡️ Mashg‘ulot davomida paxta qabul qilish maskanida yuzaga kelishi mumkin bo‘lgan yong‘in holatiga shartli ravishda baho berilib, yong‘inni qisqa vaqt ichida bartaraf etish, mavjud kuch va vositalardan samarali foydalanish hamda hamkorlikdagi xizmatlarning o‘zaro muvofiqlashgan harakatlari sinovdan o‘tkazildi.

Shuningdek, shartli yong‘in vaqtida fuqarolarni xavfsiz hududga evakuatsiya qilish, jabrlanganlarga birinchi tibbiy yordam ko‘rsatish va favqulodda vaziyatlarda to‘g‘ri harakat qilish bo‘yicha amaliy ko‘nikmalar mustahkamlandi.

Boshqa yangiliklar👇
Veb-sayt | Telegram | Instagram | Facebook | YouTube