QOG‘OZSIZ BIR KUN — RAQAMLI KELAJAK SARI MUHIM QADAM!

Bugun Qashqadaryo viloyatidagi barcha shahar va tuman Favqulodda vaziyatlar bo‘limlarida “Qog‘ozsiz bir kun” aksiyasi doirasida elektron hujjat almashinuvini keng joriy etish, qog‘oz sarfini kamaytirish hamda raqamli texnologiyalardan samarali foydalanishga qaratilgan targ‘ibot va amaliy tadbirlar o‘tkazildi.
Tadbirlar davomida xodimlarga elektron hujjat almashinuvi tizimining afzalliklari, hujjatlar bilan ishlash jarayonlarini tezkor va samarali tashkil etish, vaqt hamda resurslarni tejash, shuningdek, ortiqcha qog‘oz sarfining oldini olish bo‘yicha tushuntirishlar berildi.
Ta’kidlash joizki, raqamli texnologiyalardan samarali foydalanish nafaqat ish unumdorligini oshiradi, balki zamonaviy va ekologik jihatdan barqaror boshqaruv tizimini shakllantirishga ham xizmat qiladi.
Qog‘ozni tejash — resursni asrash, raqamlashtirish esa samaradorlik sari qadamdir!

Boshqa yangiliklar👇
Veb-sayt | Telegram | Instagram | Facebook | YouTube

NISHON TUMANINING OLIS MAHALLALARIDA PROFILAKTIK TARG‘IBOT ISHLARI DAVOM ETMOQDA

Nishon tumanining olis mahallalarida Vazirlik va viloyat FVB mas’ullari hamkorligida kuz-qish mavsumiga tayyorgarlik hamda aholi xavfsizligini ta’minlashga qaratilgan profilaktik tadbirlar izchil davom ettirilmoqda.

Xususan, xonadonma-xonadon yurilib, fuqarolarga isitish moslamalaridan xavfsiz foydalanish, dudburonlarning sozligi va tozaligini ta’minlash, suyultirilgan gaz ballonlaridan foydalanish qoidalariga qat’iy rioya etish yuzasidan tushuntirishlar berilmoqda.

Shuningdek, yong‘in va is gazidan zaharlanish bilan bog‘liq noxush holatlarning oldini olish, xavfsizlik qoidalariga amal qilishning ahamiyati yuzasidan zarur tavsiyalar berilib, o‘rganishlar davomida aniqlangan kamchiliklarni joyida bartaraf etish choralari ko‘rilmoqda.

Unutmang! Xavfsizlik qoidalariga rioya qilish — hayot va salomatlikni asrashning muhim garovidir!

Boshqa yangiliklar👇
Veb-sayt | Telegram | Instagram | Facebook | YouTube