Qarshi tumani mahallalarida profilaktik tadbirlar davom etmoqda

Qarshi tumani mahallalarida Vazirlik hamda viloyat Favqulodda vaziyatlar boshqarmasi mas’ullari hamkorligida kuz-qish mavsumiga tayyorgarlik ko‘rish va aholi xavfsizligini ta’minlashga qaratilgan profilaktik tadbirlar izchil davom ettirilmoqda.

Xususan, xonadonma-xonadon yurilib, fuqarolarga isitish moslamalaridan xavfsiz foydalanish, dudburonlarning sozligi va tozaligini ta’minlash, suyultirilgan gaz ballonlaridan foydalanishda belgilangan xavfsizlik qoidalariga qat’iy rioya etish yuzasidan tushuntirishlar berilmoqda.

Shuningdek, yong‘inlar hamda is gazidan zaharlanish bilan bog‘liq noxush holatlarning oldini olish bo‘yicha zarur tavsiyalar berilib, o‘rganishlar davomida aniqlangan kamchiliklarni joyida bartaraf etish choralari ko‘rilmoqda.

Unutmang! Xavfsizlik qoidalariga rioya qilish — o‘z hayotingiz va yaqinlaringiz salomatligini asrashning muhim garovidir!

Boshqa yangiliklar👇
Veb-sayt | Telegram | Instagram | Facebook | YouTube

Qarshi tumanida profilaktik tadbirlar davom etmoqda

Vazirlik hamda viloyat Favqulodda vaziyatlar boshqarmasi mas’ullari hamkorligida Qarshi tumanida joylashgan oliy ta’lim muassasalari va maktabgacha ta’lim tashkilotlarida profilaktik tadbirlar tashkil etildi.

Boshqa yangiliklar👇
Veb-sayt | Telegram | Instagram | Facebook | YouTube