G'AVVOS-QUTQARUVCHILAR RUHIY TAYYORGARLIKDAN O'TKAZILDI.

Bugun, 23-iyun kuni Qarshi tumani hududidan oqib o‘tuvchi Qarshi bosh kanalida qutqaruvchilarning kasbiy mahorati va jismoniy tayyorgarligini oshirishga qaratilgan o‘quv-amaliy mashg‘ulot o‘tkazildi.

Mashg‘ulot davomida g‘avvos-qutqaruvchilar tomonidan kanaldan suzib o‘tish, shartli ravishda suvda cho‘kayotgan fuqaroni qutqarish, uni qirg‘oqqa olib chiqish hamda birinchi tibbiy yordam ko‘rsatish bo‘yicha amaliy harakatlar bajarildi.

Mashg'ulot qutqaruvchilarning suvdagi favqulodda vaziyatlarda tezkor va samarali harakat qilish ko‘nikmalarini yanada mustahkamlashga xizmat qililishi bilan ahamiyatli.

Bizni quyidagi ijtimoiy tarmoqlarda ham kuzatib boring👇
Veb-sayt | Telegram | Instagram | Facebook | YouTube

“ADOLAT SAYLI” TADBIRI O‘TKAZILDI

Bugun, 24-iyun kuni Qashqadaryo viloyati Adliya boshqarmasi tomonidan tashkil etilgan “Adolat sayli” tadbirida viloyat Favqulodda vaziyatlar boshqarmasi mas’ullari ham faol ishtirok etdi.

Tadbirda fuqarolar bilan ochiq muloqotlar tashkil etilib, ularni qiziqtirgan savollarga mutaxassislar tomonidan atroflicha javoblar berildi.

Tadbir ishtirokchilariga favqulodda vaziyatlarning oldini olish, yoz mavsumida xavfsizlik qoidalariga amal qilish va ehtiyot choralarini ko‘rishga oid targ‘ibot materiallari hamda eslatmalar tarqatildi.

Bunday tadbirlar aholining huquqiy ongi va xavfsizlik madaniyatini yuksaltirish, fuqarolar bilan davlat organlari o‘rtasidagi muloqotni mustahkamlashga xizmat qilmoqda.

Bizni quyidagi ijtimoiy tarmoqlarda ham kuzatib boring👇
Veb-sayt | Telegram | Instagram | Facebook | YouTube

Qutqaruvchilar uchun yangi maskan: Mirakidagi qutqaruv qismi qurilishi nazorat qilindi

Bugun, 24-iyun kuni Boshqarma boshlig‘i, polkovnik F. Mirzayev Shahrisabz tumanining Miraki turizm maskani hududida yangidan bunyod etilayotgan qutqaruv qismida bo‘lib, qurilish ishlari jarayoni bilan yaqindan tanishdi.
Unda obyektning qurilish sifati, belgilangan me’yorlarga muvofiqligi hamda kelgusida xizmat olib boradigan shaxsiy tarkib uchun yaratilayotgan shart-sharoitlar yuzasidan mas’ullarning axborotlari tinglandi. Shuningdek, binoning ichki va tashqi infratuzilmasi, xizmat xonalari, texnik vositalarni joylashtirish imkoniyatlari ham ko‘zdan kechirildi.
Yakunda qurilish ishlari mas’ullariga obyektni mamlakatimiz mustaqilligining 35 yillik bayrami arafasiga qadar to‘liq foydalanishga topshirish yuzasidan aniq topshiriqlar berildi.

Bizni quyidagi ijtimoiy tarmoqlarda ham kuzatib boring👇
Veb-sayt | Telegram | Instagram | Facebook | YouTube

Yoqilgʻi quyish shoxobchalarida xavfsizlikni taʼminlash – dolzarb vazifa

Bugun, 24-iyun kuni Shahrisabz shahridagi Madaniyat markazida viloyat Favqulodda vaziyatlar boshqarmasi boshligʻi polkovnik F. Mirzayev viloyatimizning Kitob, Shahrisabz, Yakkabogʻ, Qamashi, Chiroqchi tumanlari va Shahrisabz shahridagi barcha turdagi yoqilgʻi quyish shoxobchalari rahbarlari bilan uchrashdi.
Uchrashuvda yoqilgʻi quyish shoxobchalarida yongʻin va texnogen favqulodda vaziyatlarning oldini olish, sanoat hamda yongʻin xavfsizligi talablariga qatʼiy rioya etish, obyektlarda mavjud xavf-xatarlarni bartaraf etish masalalari muhokama qilindi.
Shuningdek, soʻnggi vaqtlarda respublikaning ayrim hududlarida kuzatilayotgan yongʻin va portlash bilan bogʻliq hodisalar tahlil qilinib, bunday holatlarning oldini olish boʻyicha amaliy tavsiyalar berildi.

Boshqa yangiliklar 👇
Veb-sayt | Telegram | Instagram | Facebook | YouTube